رواية شيقة للجميلة نيرة الجزء الثاني من البارت الثامن للبارت الرابع عشر

الحلقة 8 ..
بعد نص ساعة .. صدفة مش مترتبة .. جمعت بينهم كلهم ..
ملك محمد !!
رنا احمد !! .. محمد !!
محمد ملك !!
ياسر ايه يا جماعة مش تعرفونا ولا ايه ..
رنا اه ده محمد مدير شركتي .. طبعا ملك عارفها .. ودي ياسمين وياسر خاطبها واحمد صاحبه ..
محمد اهلا وسهلا .. عبد الرحمن صاحبي ..
عبد الرحمن تشرفنا ..
احمد اهلا وسهلا بيكوا .. مش يالا بقي ولا ايه ..

دخلوا كلهم قاعة السينما .. وكان الترتيب كالاتي ..
ياسمين ياسر احمد رنا ملك محمد عبد الرحمن ...
الكل كان مركز ومتابع الفيلم وبيضحك الا واحد بس فضل يفكر معقول تكون هي ..
خلص الفيلم ..
محمد ولا يا عبدو شفت ..
عبد الرحمن اه فيلم حلو ..
محمد فيلم ايه يا حيوان .. اقصد ملك ..
عبد الرحمن اه حيلوة . .. بس ام عنين خضرا احلي ..
محمد الله يحرقك دي مخطوبة . ..
عبد الرحمن هههههههه ياعم امشي كلهم وحشين ..
محمد غور ياض ..
احمد بقولكوا ايه في ملاهي هنا قريبة ما تيجوا نروح شوية لسة بدري ..
ملك الله فكرة حلوة يالا يا جماعة ...
محمد لا خلاص لو كده يبقي نروح ..
الكل اجمع انهم يروحوا وفعلا راحوا واختاروا اول لعبة تكون العربياات ..
ياسر انا هاخد ياسمين ..
ملك وانا هركب لوحدي ..
عبد الرحمن محمد حبيبي انا مبعرفش اسوق ..
محمد متخفش يابني هتشوف كل العربيات دي هتتكسر دلوقتي ..
ملك لا بس بس اتكلم علي قدك ..
ياسمين من الواضح كده يا رنا انك هتركبي مع احمد ...
احمد والله لو ميضايقكيش . ..
رنا لا لا انا اللي هضايقك هركب لوحدي ..
ملك علي فكرة مبتعرفش تسوق خدها معاك يا احمد ..
احمد هههههههه يالا يالا ..
دخلوا يلعبوا وكان محمد قاصد يتحدي ملك محدش قدر يخبط ملك ولا خبطة واللي قدرت تخبط فيهم كلهم ... وبالاخص محمد ..
ياسر يا مفترية عليكي ربنا ..
ياسمين طب كنتي اعملي حساب للغلبانة اللي جنبه ..
ملك طب بالنسبة لاني مش عارفة اقوم هما بيطلعوا من البتاعة دي ازاي ! . ..
محمد ههههههه هاتي ايدك ..
ملك ههههه ده انت المفروض تقتلني .. امال بس هتكسر وبتاع ..
محمد لا ما انا مرضتش احرجك ...
ملك ههههههه ماشي يا سيدي مردودالك .. فين رنا. .
ياسر من الواضح ان صحابنا سرحوا لوحدهم .. انا عايز ياسمين في كلمة سر ..
عبد الرحمن انا جالي تلفون مهم في الحمام .. لازم الحقه ..
محمد وحياة سوسو ... ماشي ..
ملك علي فكرة لو عايز تمشي عادي ..
محمد احم .. امشي فين ده انا ما صدقت ... مقلتليش بقي كنتي بتعملي ايه في روما ..
ملك اه انت مقلتليش بردو كنت بتعمل ايه في دبي ..
محمد ههههههههه كان شغل والله ... وانتي ...
ملك انا اصلا حياتي في روما .. يدوبك جاية اخلص حاجة وراجعة تاني ...
محمد راجعة تاني ليه !! ..
ملك ومالك زعلت ليه ...
عند ناس تانية ..
رنا وانت بقي مكنتش عايز العروسة ليه ...
احمد امممم والله العيب مش فيها هو العيب فيا ..
رنا امممم معلش مش فاهمة ..
احمد بصي يا ستي انتي قدامك شخص مقتنع ان الجواز من غير حب معاناة .. والجواز بعد الحب برود ومشاكل .. وان الصداقة كتييير بتقلب حب .. وان محدش بينجح في بلدنا دي .. كمان .. يعني اما جربت اعمل كل ده موصلتش ! ..
رنا امال انت عايش ليه ...
وعند ناس تانية ..
ياسر يااااه ... امتي بقي يعدوا ال 3 شهور ..
ياسمين انت مستني اوي كده ..
ياسر يااااه نفسي اخدك ونروح شقتنا بقي ونعيش سوا لاخر العمر . ..
ياسمين هتفضل تحبني كده بعد ما نتجوز..
ياسر هو انتي حد يعرف ميحبكيش ...
كل واحد فضل يحكي ويتكلم مع التاني .. الا عبد الرحمن اللي كان مستنيهم في كافتريا الملاهي ... معقول تكون هي .. لا لا بس دي اختفت فجأة .. بس هو في شبه كده .. لا لا يارب متكونش هي ...
محمد ايه يا عم بدور عليك ..
عبد الرحمن هنا اهو .. ايه اتمشيتوا ..
ملك اه صاحبك رغاي اوي علي فكرة ..
محمد احم احم .. طب انا هروح اجيب ماية عشان عشطان ..
عبد الرحمن روح يا اخويا ... انتي بقي خريجة ايه يا ملك ..
ملك تجارة ..
عبد الرحمن اهاا .. انا كمان ..
ملك انت كام سنة 
عبد الرحمن 28 ..
ملك اه انت كنت الدفعة اللي قبلي ..
عبد الرحمن اهاا .. ودلوقتي بتشتغلي ..
ملك اها بس في روما ..
عبد الرحمن اممممم ايه بقي ...
ملك عندي مطعم في روما ..
عبد الرحمن وااو .. Busiennes woman بقي ...
ملك هههههههه اه بس لسة ببتدأ ..
محمد انا جيت ..
ملك طب عن اذنكوا ثواني ارد ..
محمد اتفضلي ... الحقني يا عبدو الحقني ..
عبد الرحمن ايه يا واد في ايه طلعت مرتبطة ..
محمد