رواية ممتعة جدا للكاتبة لولو طارق الجزء الأول
عشان هى بقت ولية نعمته ومد ايده لها .... وشغلته فى شركة والدها .... فا ملوش كلمه دلوقتى
روان عمر دا ما كان مبرر ابدا انه يقسى قوى كدا على امه .... دا ربنا عز وجل أمرنا اننا نراعيهم ونحسن اليهم حتى لو كفرو بيه ... انت ايه يا بنى ادم عشان تعمل كدا فيهم .... ربنا يهديهم
كرم يارب ... شكلك بنت أصول واتربتى وعينك مليانه ... فلوس الدنيا ما بتغيركيش ولا تزغلل عنيكى
كرم انا أسف يعنى وانتى ايه الا يخليكى تشتغلى شغلانه زى دى ....
روان دى زيها زى أى شغل بالنسبه ليا وادام مش بتمس شرفى وكرمتى انا عندى استعداد أشيل زلط عشان ما وطيش راسى لحد زى ما انت بتقول ....
روان أمين يارب ..... ممكن بقى تركن هنا نصايه كدا أجيب أكل
كرم ماشى .... انزل اجبلك الا انتى عايزاه
روان لا انا ها انزل ... وها اجبلك معايا ماشى
كرم لا ملوش لزوم
روان لا دانت مش ها تقدر تأثر عليا ... ها اجيب ليك زى ما ها اجيب لنا ..... وتوصلنى وترجع بسرعه تقعد وسط عيالك ومراتك وتاكلو مع بعض ... ماشى
روان انت غلابوى ليه تعبتنى ... ها يجى يوم وتعزمنى ودا اول مرتب ليا .... سبنى افرح بقى وأصرف
كرم طيب خلاص أصرفى ياستى تعيشى وتصرفى ..... ونزلت جابت الاكل ... ووصلت البيت وكرم نزلها ومشى وهو مبسوط قوى من طيبتها .....
روان رورو .... يا منيره ..... يا فتحى ......
روان دا أكل يا فتحى كباب وكفته
ريم انا سامعه حد بيقول كباب وكفته ... لا وكمان شامه ريحتهم ..... وماشيه ناحية الشنط ....
روان خدى يا بت سلمى ... انتى وفتحى هجمتو على الشنط ونسيتونى
منيره بأستغراب منين دا كله يا روان
فتحى كل دا بأول قبض .... شغاله رئيسة عصابه ....
روان لا كله بحلال ربنا ...... واحده ست كبيره مسكتنى شغلها بس دى كل الحكايه .... ياله بقى قبل ما الاكل يبرد .... وحطو الاكل وقعدو ياكلوووو وفتحى محلق على الاكل ......
روان يا فتحى ارحمنا بقى سبنا ناكل براحتنا
ريم بتاخد صوباع كفته براحه وروان بتشاغل ابوها لحد ما خدته ... ومنيره كمان ..... ايه دا ناقص صوباعين
