رواية بقلم شاهندةالمربية
يعني ودا طلبي الوحيد اعتبريه هديه بمناسبه الفطار الحلو دا
نهال ماشي لو رقية راحت هشوف
حازم هتروح إن شاءلله طب يلا سلام أنا همشي هروح الشركه بتاعتي سلام
نهال طيب سلام
_تسريع الاحداث
_بليل في قصر بدر ووووو.
حازم متخفيش والله هيكون في بنات غيركم يعني ودا طلبي الوحيد اعتبريه هديه بمناسبه الفطار الحلو دا
نهال ماشي لو رقية راحت هشوف
نهال طيب سلام
_تسريع الاحداث
_بليل في قصر بدر ووووو.
في المساء في القصر رقيه حضرت العشا لكاميليا واكلتها
رقيه يلا يا كوكي كلي كويس عشان تكبري وتبقى حلوه
كاميليا هو انت يا روكا مش هتاكلي معايا
رقيه لا يا كوكي انا مش هاكل علشان انا مستنيه بابي مش معقوله يقعد طول اليوم بره البيت ويجي كمان ياكل لوحده
رقيه وشها احمر من الكسوف ايه اللي بتقوليه ده يا كوكي
كاميليا اصلك مستنياه مخصوص ومش راضيه تاكلي معايا
رقيه بكسوف لا يا كوكي خلصي اكلك علشان احكي لك حدوته و انيمك وحاولت تهرب من كاميليا بطريقه غير مباشره
كاميليا حاضر يا احلى روكا في الدنيا
رقيه وهي خارجه من الاوضه لقت بدر في وشها عينيها جت في عينه واتبادلوا نظرات كلها كلام رغم ان هم ساكتين
بدر ها كاميليا نامت
رقيهاكلت واتحكلها حدوته ونامت
بدر بص على كاميليا واطمن عليها وقفل الباب وخرج.
رقيه احضر لك العشا
رقيه باستغراب نعم!!! اكلت ازاي
بدر بضحكه هو ايه اللي اكلت ازاي
رقيه اكلت من غيري!! اتلخبطت في الكلام وحاولت تداري قصدي انك ما قلتش انك هتاكل بره
بدر رد عليها معلش اتعشيت مع مجموعه من العملاء المهمين في الشركه.
رقيه في سرها بتكلم نفسها ده انا كنت مستنياك مقدرتش اكل من غيرك ازاي قدرت تاكل من غيري وقفه للحظات.
رقيه بابتسامه لا يا بدر بيه ما فيش حاجه.
بدر مش قلنا بلاش بيه دي
رقيه حاضر اصل نسيت
بدر لا يا هانم ما تنسيش تاني يلا تصبحي على خير لاني هلكان وعايز انام.
رقيه وانت من اهل الخير والجنه
بدر بصوت مش مسموع والله انت اللي وجودك جنه.
رقيه بتقول حاجه
بدر لا ما قلتش حاجه بقول وانتي من اهل الجنه.
رقيه صحيت لاقيت الداده سعاد بتحضر الفطار كالعاده
رقيه صباح الخير يا دادة
سعاد حبيبتي صباح الفل
رقيه هحضر معاك الفطار
سعاد حضرته خلاص ممكن بس تساعديني وتطلعيه على السفره
كاميليا صباح الخير يا روكا صباح الخير يا دادا سعاد
سعاد صباح الخير يا حته
من قلبي
رقيه صباح النور يا احلى كوكي تعالي البسك لحد ما بابي يصحى علشان نفطر كلنا مع بعض
رقيه لبست كاميليا وجهزتها للحضانه.
كان بدر صحي ولبس وحط البرفيوم بتاعه كالعاده وبدر نزل لاقى رقيه وكاميليا قاعدين على السفره مستنيينه
بدر صباح الخير يا كوكي
كاميليا بصت له باستغراب بابي انت اول مره تقول لي يا كوكي
بدر اشمعنى رقيه انا قلت ادلعك زيها انا كمان .
كاميليا بفرحه شفتي يا روكا بابا غار منك وبقى يدلعني زي ما انت بتدلعيني يا رب دائما يا بابا روكا وتحبني قوي زي ماروكا بتحبني وبتدلعني وتحكي لي حواديت
بدر انا مش بحبك بس انا بمۏت فيك يا كوكي وهو في اللحظه دي بيبص لرقيه وهو بيتكلم كانه بيوجه ليها الكلام بس عن طريق غير مباشر
كاميليا وانا كمان بمۏت فيك يا بابي وكملت بابي اتعشيت مع رقيه امبارح اصلها ما رضيتش تاكل وتتعشى معايا وقالت لي هتستنى بابي..
بدر سكت واستغرب وليه ما قلتليش يا رقيه
رقيه لا ابدا ما انا سالت حضرتك امبارح قلت لي اكلت بره.
بدر انا اسف يا رقيه ما كنتش اعرف حقك عليا يلا يا كاميليا عشان اوصلك للحضانه بتاعتك في طريقي وسلم على رقيه ومشي لكن وهو ماشي كان جواه الف سؤال وعمال يكلم نفسه بصوت ما حدش سامعه غيره هي ليه ما قالتش معقول تكون بتحبني زي ما انا بحبها معقول فعلا تكون بدات تحبني زي ما انا ما حبيتها وفضل طول الطريق يفكر في رقيه واللي قالته له كاميليا على الفطار لحد ما وصل الشركه ودخل مكتبه..
ودخلت السكرتيره ومعاها ورق عايزه تمضيه ورن تليفون المكتب وردت السكرتيره وقالت له بدر بيه حازم بيه على التليفون
رد بدر ايوه يا مزعج
حازم انا مزعج بذمتك حد بيسال عليك ولا بيعبرك زي ما انا بسال عليك وبدور عليك
بدر ابتسم وقال له ارغي عايز ايه
حازم كنت عايز اسالك ها قلت لرقيه على سفريه الساحل.
بدر لا بس ناوي اقول لها لما ارجع النهارده
حازم طب مستنيك بالليل ترد عليا وتقول لي ويلا اتكل على الله عشان انا مش فاضي لك
بدر بقى
