رواية المعلم وزوجته بقلم اماني سيد

شخصيات الرواية اهى عشان مانتلغبطش
المعلم زيدان_ معلم كبير فى المدبح عنده ٣٥ سنه ليه كلمه وسط التجار
دهبيه _ مرات المعلم زيدان واتجوزوا عن قصه حب لكن عندها تأخر فى الانجاب دهبيه جميله شعرها واصل لركبتها كيرلى وطويل واسود وهى بيضهة
هياتم _ مرات بو دهبيه ست كياده وپتكره دهبيه ونفسها تشوفها مكسوره
زينب _ بنت مرات أبو دهبيه طول عمرها عينها على اللى فى ايد دهبيه وبتغير منها ودائما مركبه اكستنشن شقرا عشان تحس انها احلى من دهبيه واتجوزت زيدان عشان تخلف منه وتقهر 
البارت الاول

يا معلمه يا معلمه الحقى يا معلمه 
دهبيه _ ايه ياد يا حمص فى ايه مالك داخل زى القطر 
حمص _ المعلم زيدان يا معلمه 
دهبيه بخضه _ ماله يا واد انطق
حمص _ بيتجوز عليكى يا معلمه 
دهبيه _ أيه اللى بتقوله ده ياد بيتجوز مين 
حمص _ زينب بنت مرات ابوكى الله يرحمه يا معلمه وكتب كتابهم دلوقتي في بيت ابوكى الله يرحمه 
دهبيه _ بص يا واد يا حمص وطأطالى ودانك كويس واعمل اللى هقولك عليه
حمص_ اوامرك يا معلمه انا لحم كتافى من خيرك انتى وابوكى الحاج غانم الله يرحمه 
دهبيه _ عيزاك تروح كتب الكتاب من غير ما حد يحس بيك تصورلى فيديو حلو كده يكونوا فيه باينين وتصورلى كمان الناس اللى حاضرة كتب الكتاب وتاخدلى كام صوره حلوه كده ليهم من هناك سامع يا حمص 
حمص _ اوامرك يا معلمه حمامه 
هياتم_ زغرطوا يا بنات دا انهاردة يوم الهنا يوم المنى 
زيدان_ اهدى شويه يا هياتم مبحبش الدوشه واحنا من الاول متفقين بس انتى بداتى تخالفى الاتفاق اهو من دلوقتي وعازمه ناس ياما وممكن حد يرمى كلمه توصل لدهبيه 
هياتم بمسكنه _ بنتى يا معلم ونفسي افرح بيها وان شاء الله نفرح اكتر لما تجيب لك ولي العهد
زيدان_ ما حدش عارف الخير فين يا هياتم امال فين العروسه ما خرجتش لحد دلوقتي ليه
هياتم _ في اوضتها يا معلم عروسه بقى ومكسوفه وكده
زيدان_ طيب ادخلي ناديها يلا عشان نكتب الكتاب
هياتم _ انت تؤمر امر يا سيدي المعلمين
زينب بنت يا زينه خلصتى ولا لسه
زينب _ ايوه ياما خلصت اهو
هياتم _ بسم الله ما شاء الله بسم الله ما شاء الله عليك قمر يا حبيبه امك 
زينب_ بجد ياما يعني هعجبه
هياتم _ تعجبيه بس ده انت هتاكلي عقله اكتر ما انتى واكله 
زينب_ مين كان يصدق ياما ان ذهبيه تبقى ضرتي
هياتم_ طيب اتجدعنى انت يلا اوام اوام بس وهاتي له العيل اللي نفسه فيه عشان ساعتها دهبيه تعرف وټموت بقهرتها
زينب_ اه ياما يا سلام نفسي اشوف منظرها لما تعرف ان المعلم زيدان على السن ورمح اللي كانت طالعه بيه السما والمعلم زيدان راح المعلم زيدان جه بقى جوزى وهيا بقت ضرتى 
هياتم _ طيب احلمي بعدين ويلا دلوقتي عشان نلحق نحقق الحلم ونخرج نكتب الكتاب
تم كتب الكتاب وتعالج الزغاريد داخل منزل الحاج غانم والد دهبيع يقال الماذون الجمله الشهيره بارك الله لكما وبارك عليكما وجمع بينكما في 
خير في الجهه الاخرى
حمص _ اتفضلي يا معلمه الصور اهى والفيديوهات كمان زى ماطلبتى بالظبط
دهبيه _ جدع ياد يا حمص خد دول مكافأة ليك وحسك عينك حد يعرف انى عرفت حاجه او إن المعلم اتجوز عليا سامع يا حمص
حمص _ اوامرك يا معلمه اللي صحيح ايه اللي نزلك النهارده مش بعاده يعني تنزلي المذبح في نص الاسبوع
دهبيه _ نصيب يا ولا عشان اعرف اللي بيحصل من ورايا روح انت يا حمص شوف شغلك
بقى كده يا زيدان دي اخرتها هانت عليك العشره من بين كل الناس مالاقتش غير زينب بنت مرات ابويا اللي حاولت تاكل ورثى و تقوم ابويا عليا بس ملحوقه وحياه العشره اللي بينا يا زيدان لاوريكم كيد النسا على اصوله وهعرفك مين هي المعلمه دهبيه شكلك نسيت 
اتصلت دهبيه على زيدان 
زيدان_ الو يا دهبيه ازيك فى حاجة
دهبيه _ الحمد لله يا زيدان ألا انت فين صحيح 
زيدان بتوتر _ فى المد. بح يا دهبيه هكون فين ليه السؤال ده مش بعاده يعني
دهبيه _ اصلي موجوده فى المد. بح وملاقتكش هناك فقلت اعرف انت فين واجيلك يمكن روحت 
زيدان_ لا انا بمر كده على السوق بطقس على الاخبار والاسعار خليكى عندك انا جايلك دلوقتي
زينب _ ايه يا معلم رايح فين
زيدان_ انا لازم امشي دلوقتي
زينب _ ازاي بس ده النهارده فرحنا وكتب كتابنا وانت كنت قايل لي انك هبات معايا ينفع كده
زيدان_ معلش يا زينب ظروف ولازم امشي استحملي
زينب _ ظروف ولا دهبيه 
زيدان_ كلام ايه ده يا زينب طريقه الكلام دي ما تنفعش معايا احنا لسه في اولها يا بنت الناس
هياتم_ ما تقصدش يا معلم هي عروسه