رواية كاملة ورائعه للكاتبة أميرة اسامه ابن ليل الجزء السادس
للشخص ده بقي باين عليا وعيني ڤضحاني لكل اللي يشوفني والمصېبه ان اوقات الحب بيعميك حتي عن نظره الناس ليك بيعميك عن كلامهم وتلسينهم وبتعمل روحك مش هامك المهم اني اوصل لقلب اللي حبيته لا فرق معايا كلام الناس عليا ولا فرق معايا نظره بنتي ليا
كنت في عين الناس سونه اللي كل شويه تتجوز راجل شكل وسونه اللي عينها علي راجل واحد مبتشوفش غيره
دره سونه تعالي معايا شويه من فضلك
عمرو كان بيبصلهم و شايف توتر كرم ودره و مبقاش فاهم يمكن كل اللي هي بتقوله ده بردوا لسه مش فارق معاه بس بعد توترهم حس ان في حاجه اكبر من كده وبقي عنده فضول يسمع
سونه لكرم ودره خلوني نكمل
دره معلش تعالي معايا بس
كرم اسمعي الكلام يا سونه من فضلك
عمرو انا مش فاهم حاجه
سونه خليك يا عمرو ومتركزش معاهم
حط كرم ايده علي عينه وبعدين مسح بكفه علي وشه بهدوء وبص لسونه وهو نفسه يقوم يكسر دماغها علي غبائها اللي بتعمله
دره بهمس لكرم اعمل حاجه
كرم اتخدت بقلة حيله وسكت مردش علي دره وكملت سونه كلامها
لحد ما في يوم رجعت من السفر وقتها حسيت انه كان خلاص بيضيع من ايدي ما الراجل اللي يحب بالشكل ده ويستني سنين من غير جواز عشان رافض يدخل قلبه غيرها اكيد لما هي ترجع هو كمان هيرجع يحن
يمكن كان حب للاهتمام اللي بتشوفه في عينه للي بيحبها
حب لصدقه في حبها كان بالنسبالي حاله لا يمكن تتكرر واحد بيحب من قلبه بجد حبيته من حبه لحبيبته حبيت اهتمامه وخوفه وغيرته و صدقه ليها
كنت بنشوف في عينه كل ده بس لغيري ومش هنكدب عليك طمعت ان كل مشاعره دي تكون ليا مش للي بيحبها
كنت فاكره ان لما هي ترجع ويبقوا مع بعض بجد ممكن نحرق الارض باللي فيها بس اكتشفت ان حبي للشخص ده كان حب مرضي مش حب حقيقي انا حبيت فيه كل صفاته وحبيت الطريقه اللي بيحب بيها حبيبته يمكن لحد الوقت انا بحبه بس طريقتي في حبه اختلفت وهي اني بشوفه اخويا بجد اتأكدت من كل كلمه كان بيقولهالي ان انا موهومه بالحب ده ومشاعري مش حقيقيه
الشخص ده يا عمرو يبقي كرم
بص عمرو لكرم وحس انه اټصدم
كرم بصله بسرعه وبعدين بص لسونه دره بصتلهم وحست ان كده كل حاجه باظت
عمرو كرم!!
سونه اه كرم يا عمرو حبيت نقولك الكلام ده قدامه وقدام دره مع انهم عارفينه كويس بس انت كان لازم تعرفه ولازم نكون علي نور من البدايه انا قولتلك عن حكايه جوازي وكان ناقص اهم حاجه واديني قولتهالك
هتسألني بنقولهالك ليه هنرد عليك ونقولك أهم حاجه في الحكايه دي كلها
أنت ابن حلال يا عمرو وحد طيب ومحترم وأي ست في الدنيا تتمناك ويمكن انا اول مره نحس بإهتمام بجد واول مره نحس اني فارقه مع حد يحاول عشاني ويجرب مره واتنين وتلاته كل دي حجات اول مره نعيشها بجد وحسيت انها طالعه من قلبك فعلا
يمكن اعتراضي كان علي طريقه طلبك للجواز مني بالشكل ده بس كمان مش هننكر ان الكام يوم دول بعيش مشاعر جديده عليا ومخلياني مش هنقولك مبسوطه هنقولك مرتاحه
عمرو انا قولت كل اللي عندي واللي حاسه انك كنت لازم تعرفه و زي
ما قولتلك كده افضل عشان نكون علي نور
لو معرفتك بكل الكلام ده خليتك تغير رأيك صدقني مش هنزعل منك لان ده حقك بس لو لسه مصمم علي طلبك بعد كل ده
يبقي انا كده ارتاحت و معنديش أي سر في حياتي كلام الناس كتير يا عمرو وانا قولتلك ان وقت ما كنت عايشه في الوهم ده ناس كتير كانت عارفه وانا يا عمرو
