رواية كاملة ورائعه بقلم الكاتبة نشوي عادل

يالا يا عدى يا حبيبى هات اخوك وتعالى عشان اجيبلكم لبس العيد
عدى شكرا يا جدو ماما اشترت لكل واحد فينا طقمين بالكوتشيات بتاعتها كمان 
الجد ليه بتكذب يا حبيبى هو انا غريب ده انا جدو يا ولد 
عدى لا والله انا مبعرفش اكدب اصلا وهثبت لحضرتك ثوانى بس 
دخل عدى ع غرفته وطلع الملابس والكوتشيات ووراها لجدو شوفت انى مش كذاب يا جدو ماما مش حرمانا من اى حاجة بس ياريت بس تبقى تفكر بابا ان له ولاد يسأل عنهم حتى بالفون

كلمات عدى نزلت كالصاعقة ع اذن وفيق جده وكالسکين ع قلب امه وتين اللى اتجمعت الدموع بعيونها فقالت ليه بمرح طب يالا يا بطل دخل الحاجة دى جوة ورتبها بالدولاب 
عدى حاضر
وتين انا اسفة جدا يا عمى ع كلام عدى انا والله مبقولش كلام زى ده قصاده ومعرفش هو قال كده ازاى
وفيق متعتذريش يا بنتى الولد عنده حق وكمان هو مش صغير واكيد فاهم كل حاجة انا مش فاهم ايه اللى حصل لامام وازاى اتغير بالشكل ده من يوم ما سافر بلاد برة ورجع وكل حاجة اتغيرت
وتين عادى يا عمى بس ارجوك متقولوش ان عدى قال حاجة زى دى ان قسما بالله مش مخلية نفسه هو او تيم بحاجة وبحاول اكون ليهم الاب والام
وفيق عارف ومتأكد من كده وحقك عليا انا يا بنتى بس ياريت تجهزيهم هاجى بكرة اخدهم يقضوا معانا اليوم 
وتين معليش يا عمى استأذنك يكون تانى يوم اصل انا متعودة ان اول يوم يكونوا معايا
وفيق اللى يريحك يا بنتى عن اذنك تصبحى ع خير
مشى وفيق ودخلت وتين ع غرفتها وقفلت ع نفسها وبدأت تبكى بصوت مكتوم عشان محدش يسمعها خرجت البوم صورها هى وامام وهى بتبتسم پانكسار عمرى ما كنت اتخيل ان هيجى يوم وارجعك انت يا حب عمرى لخانة الاغراب بس انت السبب فى كل ده وطمعك غلب حبك وفى وسط ده كله جرحت ولادك طب طب لو مكنتش باقى ع حبى وعشرتنا كنت اسأل ع ولادك وحسسهم بوجودك للدرجة دى مش حابب وجودنا فى حياتك
قفلت الالبوم ونامت ع طول فالنوم هو وسيلتها الوحيدة للهروب من كل الالام والتفكير فى اليوم التانى صحيت ع صلاة العيد قامت صحت الولاد وخلت عدى وقف بيهم امام وصلوا بعدها لبسوا لبس العيد ولقوا الباب بيخبط
تيم بفرحة ده اكيد تيتة وخالو هروح افتح 
جرى تيم وفتح الباب واتفاجئ بإمام واقف قصاده تيم بفرحة بااااااااااااابى 
إمام وهو يحتضنه بحب روح قلب بابى وحشتنى اوى 
تيم وانت كمان اوى بس انا زعلان منك خالص خالص عشان انت مش بتيجى ومش بتكلمنا
إمام حقك عليا كان عندى شغل مهم ووعد منى هعوضك عن كل اللى فات اتفقنا
تيم اتفقنا 
إمام يلا ندخل بقا ولا هنفضل ع الباب
دخل إمام واتفاجئت بيه وتين واقف قصادها اتوترت وقلبها اتخطف جدا زى كل مرة كانت بتشوفه فيها 
دخل إمام ع عدى وقال عدى حبيب بابا وحشتنى
عدى شكرا لحضرتك عن اذنك لازم انام 
إمام بزعيق تعال هنا يا ولد ازاى تمشى وانا بكلمك
عدى عشان عارف ان جدو اللى بعتك مش انت اللى جاى تسأل عننا من نفسك
إمام باستغراب جدو هو جالكم امتى
عدى كان هنا امبارح بليل 
إمام وهو ينزل لمستواه والله ما اعرف ان جدك كان هنا ولا اعرف عنه اى حاجة من امبارح 
عدى بحزن واضح تمام يا بابا
إمام انا عارف انك زعلان منى وليك كل الحق وانا مستعد لاى

عقاپ منك يا صاحبى المهم ننول الرضا
عدى بابتسامة مهما كان العقاپ
إمام مهما كان انا موافق
عدى اشطا حجز كورة واللى يفوز يدفع حق المكان اللى هنأجره اشطا 
إمام موافق جدا ع العصر نروح المكان اللى تختاره 
عدى حلو اوى تعال بقا يا تيم نشوف اللبس اللى هنروح بيه مع بابا
دخلوا ع غرفتهم وبص إمام باعجاب واضح لوتين وهو بيصفر كل مرة بتحلوى اكتر وكل مرة بشوفك فيها بتكون زى اول مرة عمرك ما فشلتى انك تخطفى قلبى
وتين بعصبية انت ازاى تدخل كده من غير ما تستأذن انت ناسى ان البيوت ليها حرمات 
إمام وانتى ناسية انك لسه ع ذمتى ولا فراق السنة ونص اثر
ع ذاكرتك
وانتى ناسية انك لسه ع ذمتى ولا فراق السنة ونص اثر ع ذاكرتك ادينى رجعت وبفكرك اهو
وتين پغضب لا والله كتر الف خيرك انك لسه فاكر انى ع ذمتك وليك عيال تسأل عليهم 
إمام وطى صوتك وانتى بتتكلمى عشان الولاد ع القليل اظن نفسيتهم مش ناقصة 
وتين لا حنين اوى انت وولادك فارقين معاك ونفسيتهم تهمك ده انت ابنك الكبير بقا يقول كلام اكبر من سنه بسببك وبسبب بعدك عنه حاولت بكل الطرق اسد مكانك وفشلت لانه اتعلق بيك وبوجودك زى ما علقتنى بيك 
إمام بغمزة يعنى انتى لسه متعلقة بيا وبتحبينى 
وتين بارتباك واضح لا طبعا 
شالها إمام بسرعة وهو كاتم بوقها ودخل ع الغرفة وقفل الباب وتين انت مچنون انت بتعمل ايه 
إمام عشان تاخدى راحتك وتقولى كل اللى نفسك فيه هنا زعقى براحتك بقا 
وتين مفيش كلام عشان يتقال اصلا اتفضل ارجع من مكان ما جيت وياريت تطلقنى لانى معتبرة نفسى منفصلة من سنة ونص واخدت ع كده 
إمام اممممم وبعد ما اطلقك هتتجوزى حد تانى
وتين والله لو لقيت شخص مناسب هتجوز هوقف حياتى عليك مثلا 
إمام لا طبعا ده حقك وانا مقدرش امنعك عنه لكن قبل ما ده يحصل هتمضى اقرار بالتنازل عن الولاد 
وتين پصدمة انت بتقول ايه دول روحى وحياتى عاوزنى اموت فيها 
إمام بعيد الشړ عنك وبعدين ما انا بقالى سنة ونص بعيد عن روحى وحياتى وعمرى 
وتين بدموع انت اللى اختارت كده وبعدت عننا وروحت اتجوزت الخواجية ونسيتنا وخرجتنا من حياتك ولا كأننا كنا موجودين 
إمام انا اسف يا وتينى 
وتين وقد لمست كلمته الاخيرة قلبها اسف بالبساطة دى جاى تعتذر وانا هقبل الاعتذار 
إمام يمكن متسامحنيش دلوقتى بس واثق انك هتسامحينى بعد كده لما تعرفى الحقيقة
وتين اطمن انا عمرى ما هسامحك ابدا واتفضل اطلع برة بقا 
إمام حاضر
لكن قبل ما يخرج وبحركة سريعة ضمھا لحضنه بتحكم وقال وهو بيخرج انا عمرى ما نسيتك ولا هنساكى انا لسه بحبك يا وتينى ولو مفكرة انى هوافق اطلقك يبقى بتحلمى انتى ملكى ليا انا وبس
خرج امام وفضلت وتين ثابتة مكانها حاسة بسعادة غريبة لاول مرة تحس بيها من فترة طويلة مرت بس ثانية واحدة اين الكرامة انا لا اراها ! فاقت لنفسها ع صوت عدى مامى احنا هننزل مع بابى تيجى معانا
وتين ها ! لا يا حبيبى روحوا انتم وانبسطوا انا هقعد استنى تيتة وخالو 
قعدت وتين تفكر فى كلام إمام ع انها هتسامحه لما تعرف الحقيقة قطع حبل تفكيرها صوت جرس الباب قامت فتحت واټصدمت لما شافت صوفيا مرات إمام اللى سابها عشانها
وتين did you come here ليه جيتى هنا
صوفيا لازم اتكلم معاكى شويه 
وتين ايه ده ما شاء الله انتى بتتكلمى عربى زينا واحسن مننا طلعتى شاطرة فى اللغة زى

ما كنتى شاطرة فى خطڤ جوزى 
صوفيا ممكن نقعد ونتكلم الاول 
اذنت ليها وتين بالدخول وقعدت قصادها خير !
صوفيا انا وإمام مش متجوزين 
وتين پصدمة نععععععععم ازاى ده وهو قالى انكم اتجوزتوا برة 
صوفيا ده كلام قاله لانه مڠصوب عليه وعمل كده عشان خاف عليكم انتى وولادك 
وتين انا مش فاهمة حاجة انتى قصدك ايه
صوفيا قصدى ان فيه شخص هدده لو مطلقكيش هيقتلك انتى واولادك قصاد عيونه 
وتين شخص شخص مين
لقيت وتين شخص من وراها بيقول انا يا حب 
اټصدمت وتين لما شافت خطيبها الاول وابن عمها عاصم واقف وراها كانت هتصرخ لكنه كتم بوقها بمنديل فيه مخدر وبعدها شالها ونزل بيها ع العربية ومعاه صوفيا وقبل ما ينزل خرج ورقة من جيبه وحطها ع السفرة
صوفيا اظن انا كده عملت اللى انت عاوزه وجه الوقت تعمل اللى انا عاوزاه
عاصم انا عملت اللى انتى عاوزاه فعلا
صوفيا باستغراب ازاى وإمام لسه متجوزنيش وبقا ملكى 
عاصم معنى ان بعدت وتين عن حياته يبقى انا بعدت اكبر عقبة ممكن تقف فى
طريقك معاه والجاى بقا ده عليكى انتى تقربى منه وتدخلى حياته وتخليه يحبك عشان ينساها بيكى يا مزة
صوفيا باعجاب طلعت مصېبة ودماغك سم يا عاصم مش سهل ابدا 
عاصم بغمزة انا اعجبك فى كل حاجة 
نزلت صوفيا من العربية وكمل عاصم ع المكان اللى عايش فيه وكانت فيلا صغيرة فى مكان معزول وبعيد جدا عن المدينة شال وتين ودخل بيها ع جوة حطها ع السرير وفضل يضحك بهيستريا انا مش مصدق عنيا يا وتين معقول انتى معايا هنا وع سريرى ده حلم لا لا انا صاحى وانتى معايا فعلا يا حب عمرى
عند إمام وصل ع البيت ومعاه الولاد وكانوا هبطانين من اللعب عدى انا بقالى كتير اوى ملعبتش وفرحت اوى كده بليز يا بابى متبعدش عننا تانى 
إمام وهو بيمسك ايده ويبوسها وعد يا حبيبى مش هسيبكم تانى ابدا يلا كل واحد يدخل ياخد شاور ويغير هدومه 
تيم ايوة يلا بسرعة لان لو مامى شافتنا كده ممكن تاكلنا 
جريوا الاثنين ع غرفتهم وراح إمام ع الاوضة وخبط لكن محدش رد فتح الباب بهدوء ملقاش وتين ابتدى يدور عليها فى الشقة كلها لكن ملقهاش مسك فونه ورن عليها لقى فونها بالشقة وقف جنب السفرة وشاف ورقة عليها مسكها وفتحها وابتدى يقرأها وكان فيها
لو مفكر ان رجوعك انا وافقت بيه تبقى غلطان اوى يا إمام انا بعدك عنى خلانى كرهتك ومن قلبى زمان انت غدرت وسيبتنى اواجه مصيرى لوحدى لكن دلوقتى جه دورى اشربك من نفس الكاس متتعبش نفسك وتدور عليا لانك مش هتلاقينى انا قررت اعيش حياتى لنفسى وولادك عندك اشبع بيهم سلام يا يا ايمو 
كرمش إمام الورقة پغضب ومسك الفون رزعه بالارض انكسر خرج عدى وتيم بسرعة عدى فى ايه يا بابى
إمام البسوا وتعالوا معايا عشان هوديكم عند جدو 
عدى طب وماما !
إمام هشوف هى فين وهجيبها ونجيلكم هناك يلا بسرعة بقا عشان ننزل 
اخد الولاد ووداهم عند ابوه وراح ع بيت اهل وتين فتح الباب اخوها بدر إمام ايه اللى جابك هنا ليك عين 
إمام وتين فين يا بدر !
بدر انت مالك هى فين اسمع انت سيبتها بقالك سنة ونص متعرفش عنها ولا عن ولادك حاجة راجع تسأل عنها ليه!
إمام پغضب مش وقته كلامك ده بقولك وتين فين اختك سابت البيت والولاد ومشيت 
بدر پصدمة ايه اللى بتقوله ده وتين فى شقتها انا كنت مكلمها من بدرى وقولتلها اننا هنروح

ليها