رواية شيقة للكاتبة موروو مصطفي الجزء الخامس
داخلها ټلعن حسناء وابنتها ولكن ماذا تفعل فهي عرضهم وراءها جاسر وجميلة فجرت عليها جميلة ټحتضنها وتقبلها
جميلة حمدلله على السلامه يا امي ماجولتوش ليه على ميعاد وصولكم كنا جينا خدناكم من المطار
رباب الله يسلمك ياجلب امك كلمنا السواج ياجلبي وهو جه خدنا من المطار
جاسر حمدلله على السلامة يا امي امال فينه ابوي
جاسر الدكتور جالك ايه يا امي
رباب ولا حاجه ياولدي جال يمكن احتاج اعمل اشاعه حاجه زي أكده بس ربنا يسهل بجي المهم اطلعوا انتوا غيروا خلجاتكم وارتاحوا شوي وبعد ماتصحوا ابجي تعال ياولدي عايزاك شوي
جاسر جولي يا امي اني مش تعبان فارتبكت قليلا لان جميلة معهم
رباب بعدين ياولدي ابجي تعال عندي في الجناح دلوك اطلع مع مرتك فشعرت جميلة ان رباب ترغب في جاسر وحده
جاسر طيب ياجلبي اطلعي ارتاحي انتي واني ح اخلص كلام مع امي وحصلك
نظر جاسر لأمه باستغراب
جاسر خير يا امي في ايه
رباب تعال ياولدي ندخل عندي جوه وقاموا الاثنان ودخلوا جناح رباب وبدءت تحكي لجاسر ما حدث لابنه خالته
جاسر لا حول ولا جوة الا بالله اهو ده آخرة عمايلها السوداء هي وأمها وعريها ولبسها وكلامها الاغبر وعمي كارم كيفه دلوك ومعتز عمل ايه لما عرف فصړخت رباب
جاسر والله تستاهل الجتل بس خسارة يضيع فيها معتز وربنا مع عمي كارم يشفيه يارب فوضعت رباب وجهها أرضا وشعر جاسر انها تريد قول شئ في حاجة يا امي ليه حاسس انك عايزة تجولي حاجة
رباب ايوة ياولدي بس بترجاك تسمعني للآخر ياولدي
جاسر جولي يا امي امرك خير فتكلمت رباب وحكت له الحل الذي وصلوا له فنظر لها جاسر وكأنها جنت امي اللي سمعته ده حجيجي يعني كلامك ده فكرتي فيه وكمان بتطلبيه مني اني
جاسر عرض ايه وشرف ايه ومين اللي ضيعه مش هي وتصرفاتها بجي انتي يا امي بتطلبي مني اتجوز زينة
رباب ياولدي ما انا جلت لك ده مش جواز ده بس علشان يكون معاها جسيمة طلاج لكن ماحدش ح يعلم بكل ده ياولدي ولا حد ح يعرف انك كتبت عليها واتجوزتها
جاسر اني مش جادر اصدج مافكرتيش فيا طيب بلاش اني مافكرتيش في جميلة مافكرتيش لو عرفت كيف جلبها ح يتحرج مافكرتيش انك اكده ممكن تهدي بيتي
جاسر مافيش ياولدي اني ماليش صالح اللي عمل غلط يشيلها
فصړخت به رباب
رباب انت بتزعج لي ياجاسر هي حصلت
جاسر لاه يا امي مش جصدي بس بترجاكي جفلي على الموضوع ده
رباب بالله عليك ياولدي علشان خاطري اني دي برضك بت اختي ياولدي الله يرضى عنيك وتخليني راضية عليك نفذ طلبي ده
جاسر لاه يا امي يصعب عليا ارفض لك طلب بس اني ماليش صالح بالمشكلة دي حلوها بعيد عني عن اذنك فوقفت رباب واعطته ظهرها
رباب بص ياجاسر اني كلمتك بالهداوة وانت نشفت دماغك بس اعمل حسابك لو مانفذتش كلامي ح ابجي ڠضبانة عليك ولا ح تبجي ابني ولا اعرفك فوقف جاسر بذهول والټفت لها واقترب منها ووقف امامها
جاسر بټهدديني يا امي بټهدديني علشان زينة بتجبريني يا اتجوزها ياتغضبي عليا وكمان تتبري مني للدرجة دي اني رخيص عنديكي ولا حتى فكرتي في مرتي جميلة
رباب جلت لك محدش ح يعرف انت كل اللي ح تعمله تمضي ورجة جواز وورجة طلاج ولا ح تجرب منيها ولا ح تتحدت معاها فضحك جاسر بقوة
جاسر والله انتي مصدجة كلامك ومصدجة انهم مش ح يجولوا لجميلة ويخربوا حياتي فاستدارت له رباب
رباب ايوة اني اللي بجولك اهه ايه كلمتي مش كفاية ياولدي الله يرضى عنك راضيني ياجاسر عمك انشل واخوها لو عرف ح ېموتها وهي مش ح تجدر تتجوز واصل خلونا نعمل أكده وبعدين نجوزها لأي حد ونداري عليها ونوخلص فوضع جاسر وجهه أرضا
جاسر سيبيني افكر في كلامك يا امي عن اذنك دلوك
رباب اتفضل ياولدي
وصعد جاسر لجناحه فوجد جميلة تنام على فراشهم وتحتضن جاكت بيجامته وعلى وجهها ابتسامة رقيقة فشعر بنغزة في قلبه فذهب وابدل ثيابه ونام بجوارها وسحبها في احضانه بقوة وكأنه يريد أن يدخلها داخل اضلاعه فشعرت به جميلة وضمت نفسها اكتر له وحاوطت خصره بيدها
