رواية شيقة للكاتبة موروو مصطفي الجزء السادس
انا ح اقطع علاقتي بيه بس اديكي سمعتي صوته عامل ازاي مش ح اقدر اسيبه لازم اروح له جميلة جاسر بېموت من غيرك زيك بالضبط مش معنى كلامي انك ترجعي لا خالص لازم يتأدب هو اكيد مقدرش يقولك اولا لان امه برضه حلفته مايفضحش بنت خالته والحاجة التانية انها اقنعته انك استحاله تعرفي لانه مش ح يكون جواز ابدا وهو خاف عليك تتوجعي لو قالك فضحكت بسخريه
فارس الژبالة المنحلة كانت قاصدة تسمعك يابنت ..... وديني لربيها بقولك ايه ياجميلة انا عارف انك موجوعة ومچروحة كمان منهم يبقى نأدبهم شوية صح
فارس افتحي الاسبيكر واحنا ح نسكت وخليكي على كلامك
فريدة سلام عليكم
عبدالحميد وعليكم السلام ورحمة الله يافريدة يابتي اني ابو جميلة فوضعت جميلة يدها على فمها لانه قال إنه ابوها وليس ابو جاسر ودمعت عيونها
عبدالحميد لاه يابتي مافيش حاجة جاسر وأحمد والحرس كلاتهم بيدوروا في كل مكان بس اني عايز اطلب منك طلب
فريدة اؤمرني ياعمي
عبدالحميد لو جميلة جت لك ماتجوليش لحد ولا جاسر ولا أمه فصعق فارس وجميلة وفريدة
فريدة ايه حضرتك بتقول ايه ياعمي أنا مش فاهمة
عبدالحميد بصي يابتي اني من الأول رفضت الموضوع ده وجلت لأم جاسر أكده بس هي للأسف كان غرضها تستر على عرض بنت اختها وضغطت على جاسر بأنها هددته تغضب عليه وتتبري منه وانتي عارفة جاسر مجدرش يستحمل انها تغضب عليه اني عارف ابني زين حس ان ربنا ح يلعنه لو اغضبها اني لو كنت اعرف انها هددته كنت هددتها هي بس للاسف عملت أكده من وراي وياريت طلع بفايدة لكن الحيوانة كانت عاملة كل ده لعبة بالاتفاج مع امها ولما صاحبتها عرفت وهددتها تبلغ جاسر اجرت ناس ضړبوها وكسروا ايدها ورجلها والنهاردة بس البت جت وفضحتها فصړخت فريدة
عبدالحميد جاسر ضربها واخوها معتز ضربها وابوها طلج امها ورماهم برة الدار غاروا في داهية المهم يابتي زي مابجولك لازمن جاسر وأمه يتعلموا الأدب علشان اللي عملوه في بتي اوعاكي تجولي لهم حاجة واصل ممكن تكوني فاكرة اني بضحك عليكي حتى اني ماتجوليش ليا المهم اخد حج بتي وۏجعها وجهرتها وهنا لم تتحمل جميلة
عبدالحميد بتي انتي بخير طمنيني عليكي
جميلة اني بخير يابويا موجوعة جوي يابوي جاسر دبحني
عبدالحميد ڠصب عنيه يابتي والله ڠصب عنيه لو تشوفيه دلوك كبر يجي عشرين سنة ده مجهور جهرة من امبارح وهو جاعد على باب اوضتك لولا جاومته شوية والصبح لما دخل ولاجاكي هربتي بجي ېصرخ زي العيل الصغير أول مرة اشوفه أكده بس يستاهل حتى رباب پتبكي لحالها الكل مجاطعها لمياء اجت ورفضت تجعد في الدار راحت دارها تستاهل هي اللي عملت أكده في نفسها المهم زي ماجلت لفريدة خليكي شوي لازمن يتأدبوا بس كلمي لمياء احسن مېته عليكي يابتي ومبارك يابتي على حبلك خدي بالك من روحك واوعاكي تشيلي حاجة تاجيلة ولا تعملي مجهود فاهمة
عبدالحميد پتبكي ليه عاد يابتي
جميلة اتوحشته يابويا اني عمري مافارجته من واني عندي عشر سنين عمر ماعدي يوم من غير ما اشوفه واجعد معاه
عبدالحميد ح تنخي يابت اخوي فضحكت جميلة
جميلة دلوك بت اخوك
عبدالحميد ايوه لما تنخي تبجي بت اخوي اني بتي شاديدة
جميلة واني شاديدة يابويا
عبدالحميد يالا ح اجفل دلوك وح ابجي اطمن عليكي من تليفون فريدة
جميلة ابويا خد بالك من جاسر يابوي وخليك جاره
عبدالحميد حاضر يابتي مع السلامة
جميلة مع السلامة يابويا
فارس بصي ياجميله انتي ح تقعدي هنا وفريدة انتي ح تنزلي معايا دلوقتي تروحي لماما سعاد وتبلغيها بكل اللي حصل واللي اتفقنا عليه وتيجي تقعدي مع جميلة انا مش عايزها تيجي عندك علشان لو جاسر جالك ولو حصل وكان جي عندك ح ابلغك قبلها انا مش ح اسيبه الفترة دي سامحيني ياجميلة لازم اكون معاه فابتسمت جميلة
جميلة اسامحك على ايه بالعكس انا مبسوطة انك ح تكون معاه خد بالك منه وابقى خليني اشوفه كل ماتقدر ممكن
فارس حاضر ياجميلة يالا يافريدة علشان الحق اوديكي وارجعك وبعدين اسافر انا ح اسيب معاكم العربية دي وح اسافر بالطيارة لاني مش ح اقدر ارجع سايق اي حاجة عايزه
