رواية رائعة للكاتبة اسماء سليمان الجزء العاشر

ليلتكم بعطر السوسن 
بقلمي اسماء سليمان
الفصل السابع والعشرون
سوسن حست ان حسام خلاص جاب اخرة والڠضب عنده وصل الي منتهاه فدخلت الحمام وشغلت الدوش من كل الاتجاهات والمياه تتساقط علي الاعلي ومن الجوانب ومن الاسفل
سوسن في سرها ازاي عرف وليه الرجل العجوز مجاش يمكن هو اللي قال لحسام بس هو ميعرفش حسام وانا مقلتش اسم حسام بالكامل في كلامي معاه ولما حكيت مقلتش اي معلومة كامله او عنوان غير اسم يوسف ابو مسلم ودا طبعا معروف من غير كلام يمكن حسام عرف موضوع يوسف لوحدة بس ازاي عرف يمكن عرف لما كنت تعبانه وهلوست بالكلام وانا نايمة اه يا دماغي انا عقلي هينفجر

سوسن فضلت تحت الدش فترة طويلة وبتحاول تفكر وتستنج ايه اللي بيحصل واخيرا لبست البرنس وخرجت ومجرد خروجها بحقلت عيونها وقالت
سوسن يا نهار اسود انت ازاي دخلت هنا
متقلقيش
سوسن وهيا بتخبط علي راسها يا نهار اسود وانا كمان لبسه البرنس وواقفة ادامك بيه هو دا اللي فاضل ياربي
قلت متقلقيش
سوسن يا نهار اسود يا نهار اسود يا نهار اسود
قلت اسكتي ومتقلقيش
سوسن يا نهار اس لحظة دا مش صوتك دا صوت حسام
حسام بعصبية ايوه صوت زفت وجسم زفت ووش زفت
سوسن بذهول وحيره بس دا مش وشك دا وش الرجل العجوز اللي قابلته في اسكندرية
حسام اهدي يا سوسن
سوسن وهيا علي وشك الجنون يعني انت اللي كنت معايا في اسنكدرية علي الشاطيء لا انت مكنتش معايا مروان قالي انك كنت معاه بتعمل تعديلات في الشقة انت خليت حد تاني ويعمل راجل عجوز صح
حسام كنت مع مروان علي الفون
سوسن انا مش فاهمة حاجة دماغي هينفجر
حسام تعالي ورايا ودخل بيها الي غرفة الغرفة السابعة من الغرف التمانيه التي لم تدخلها سوسن قبل الغرفة عبارة عن مراءة كبيرة وفيها جميع ادوات المكياج والزينة وكمان بواريك للشعر باشكال مختلفة وملابس كتير مختلفة في التنوع ما بين مودرن وشعبي وكلاس وجلاليب وغيره
سوسن بمجرد دخولها قالت ايه دا انا حاسة اني في كوافير
حسام بدا يشيل المكياج ويمسح وشه وسوسن عماله بتبحلق في اللي بيحصل ادامها وبعد انتهاء حسام قالت
سوسن بدهشة انت الرجل العجوز وعرفت عني كل حاجة ليه عملت كدا
حسام قرب منها تفتكري كان ينفع اسيبك تسافري لوحدك بعد اللي عملته فيكي كان لازم اقرب منك واطمن عليكي انت كنت داخله علي اڼهيار عصبي كان لازم اعرف انت اتطلقتي ليه علشان اعرف ارد لك كرامتك ودي الطريقة الوحيدة اللي تناسب واحدة عنيدة زيك
سوسن بالخديعة انت كنت بتراقبني
حسام مش براقبك بحاول اتقرب منك بطريقتي بدليل اني عرفت منك كل حاجة يا بتاع الزفت حسام فاكرة
سوسن بعصبية لا دا علشان خدعتني وضحكت عليا وانا اللي قلت لك علي كل حاجة بارادتي انت مكتشفتش اي حاجة لوحدك ولو مكنتش عملت كدا مكنتش عمرك عرفت
حسام اكتشف حاجات كتير لوحدي يا سوسن زي القهوة والشيكولاته اللي كان نفسك فيها وبعد ثواني كانت عندك
سوسن طبعا كنت حاطط سماعات في الجناح
حسام بضحكة انا كنت معكي في نفس الوسيت يا روحي وسمعتك بوداني واتصلت وطلبتها زي ما كنت بتصل علشان كل مرة ترجعي فيها الجناج تلاقي مفأجاة وكنت تؤمري الخدم يشيلوها زي ما ضړبت الولاد اللي رخموا عليكي علي الشاطيء وقبل ما تسالي وقعتهم عليا وبالتالي انت مشفتنيش لما بصيتي عليهم
سوسن بلخطبة وحيرة كنت معايا ازاي انت كداب اكيد حد من رجالتك كان مراقبني او كريم ايوة هو كريم علشان كدا اصريت يكون معايا
حسام انا اللي كنت معاكي متظلميش كريم عرفت اغنيتك اللي بتحبيها اغنية كلمات لماجدة الرومي وشوفتك بترقصي عليها بالبرنس عرفت نوع البارفان نوع الشامبو وكمل وهو بيلقدها شعري الجميل وحشتني اليومين دول بتوعك يا كبير مش دا كلامك اه وكمان وصلت للحسنتين اللي جنب بعض علي كتفك اليمين
سوسن انت قليل الادب
حسام بمناسبة قله الادب انا مش قليل الادب انا عديم الادب بس معاكي لان لما جالك اڼهيار عصبي وحاولت افوقك ومعرفتش وقفتك تحت الدوش وبعدين قلعتك كل هدومك ولبستك بايدي
سوسن بعد ما مسكت البرنس باحكام من خجلها كويس انك عارف نفسك فهمني ازاي كنت معايا
حسام بضحكة انت سافرتي بالعربية مع كريم وانا سافرت بالطايرة وطبعا وصلت قبلك علي ما وصلتي كان الجناج اتزين بالفل والياسمين واحدة جاية من السفر بالليل اكيد هتاخد شور وتنام ودا اللي حصل وانا كنت في الاوضة اللي فيها بابين براقبك منها لما كنت بتخرجي كنت بكون معاكي في نفس المكان بس عمرك ما كنتي هتكشفيني دا شغلي بقه وكنت بتصل بمدير الفندق يظبط الحناج ويبعت ليا صور واتس وانا اقوله تمام او يعدل كنت واخد الجناج اللي جنبك علشان لو ډخلتي اي اوضه انا فيها اخرج بسرعة من الشباك للبلكونه علي بلكونه الجناج
سوسن كنت معايا وازاي محستش بيك
حسام يا بنتي دا شغلي طيب فاكرة لما كنت بترقصي ببوكية الورد الاخير اللي مردتيش ترميه ونفسك راحت للشيكولاته والقهوة اتصلت وطلعت ليكي بعدها بدقايق وبعدها انت خۏفت وقلبتي الدنيا يمكن يكون فيه كاميرات بتراقبك اتصلت علي مدير الفندق وطلع قال الكلمتين اللي انا قلتهم ليه وانت اطمنتي خالص بعدها فاكرة لما اتصلتي علي اخواتك وبعدها نزلتي علي الشاطيء انا كنت معاكي مغبتيش عن عيني لحظة كنت بحاول اعرف كويس يا سوسن
سوسن طبعا لازم اخاڤ ازاي اكون بقول حاجة بيني وبين نفسي وبعد شويه تتحق كان لازم اخاڤ بس انا مش مسامحاك علي الغدر دا
حسام غدر انا اللي كنت بمۏت عليكي لما تعبتي ومش عارف مالك ولا عارف اتصرف ولما طلبتي من ادم يناولك التليفون كان موبايلي في ايدي ومكنتش مصدق انك تتصلي علي واحد متعرفهوش يساعدك ونسيتي اني موجود جنبك انا اقدر افهم انك متتصليش الاول لاني كنت معاكي قاسې وذباله لكن يعد ما حبيتك وطلبت منك نبتدي صفحة جديدة ليه مترميش حمولك عليا خاصة اني كنت حاسس انك كمان بداتي تحبيني ومبسوطة
سوسن بحيرة مكنتش عايزة اشيل حد همومي ويوسف بلطجي وملوش كبير
حسام دا كلام فاضي وعلشان خاطرك هحاول اصدقه ويوسف انا اقدر عليه لو كنت عرفت من بدري مكنش يقدر ېخوفك ولا يخليكي تعيشي طول الفترة اللي فاتت في ړعب وكمان مكنش خوف سحر وعلي معاكي بس مش مشكلة انا هتصرف معاه المهم يا سوسن انت كنت هتتصلي بيا ونبدا صفحة جديدة مع بعض بس ظهور يوسف هو اللي خۏفك ومنعك صح
سوسن بعد خرجت من الغرفة الي الغرفة الرئيسة وقعدت علي السرير 
حسام خرج وراها وركع علي رجله وقعد ادمها وقال برجاء وامل كنتي هتتصلي يا سوسن صح
سوسن اه
حسام بفرحة ومش مصدق ودانه اه