رواية رائعة للكاتبة يسرا
الصحاب عنها
سالى الو منى ازيك
منى ازيك يا سالى بنت حلال مصفى كنت لسه هتصل بيكى حالا
سالى القلوب عند بعضها
منى انا زهقانه اووى ماتيجى نخرج
سالى تصدقى اخدتى الكلمه من على لسانى ماشى هنروح فين
منى اى مكان ايه رأيك نروح جرين بلازا نقعد فى اى مكان هناك ولا حتى ندخل سينما فيلم احمد عز الجديد نزل
سالى مش عارفه موضوع السينما ده الوقت اتأخر
سالى ياسلام ونخلص امتى ونروح امتى ونصحى تانى يوم للشغل ازاى
منى اوف فكرتينى بالشغل والصحيان بدرى خلاص تعالى نقعد فى اى كافيه ولا اقولك نتقابل فى محطه الرمل نلف على المحلات وناكل ايس كريم
سالى اوك هقول لبابا واقابلك على 7 هناك ماشى عند جوجو بتاع الفشار
منى بصى هتجيبى تانى سيره الفشار هقولك ندخل سينما هههههه
ارتدت سالى ملابسها وخرجت من غرفتها واتجهت الى غرفه المعيشه فوجىء بها والدها وهى مرتديه ملابسها وتستعد للخروج
محسن على فين يا لولو
سالى هخرج يا بابا مع واحده صحبتى
مجيده واحده صحبتك!!!! صاحبتك مين
سالى منى يا ماما معايا فى الشغل
سالى لاء يا ماما موظفه الاستقبال هناك
محسن وماله يابنتى اخرجى وغيرى جو
مجيده وهتروحو فين
سالى ابدا يا ماما هننزل نتمشى فى محطه الرمل ومش هتأخر
محسن طيب يا حبيبتى خدى بالك من نفسك
خرجت سالى من المنزل عندها توجه محسن الى مجيده بالكلام ايه يا مجيده مالك مضيقاها على البنت كده ليه
مجيده يعنى ما انتش عارف بنتك مطلقه عارف يعنى ايه وكلام الناس
مجيده كفياك دلع فيها يا محسن انا خاېفه البنت تقعد جنبنا انا وانت
محسن وماله تقعد جنبى معززه مكرمه ولونيش اديها لراجل يبهدلها... ويقلل من كرامتها
مجيده هوه انا بقولك نرميها... بس شد عليها شويه
محسن كفايه انتى طول عمرك شاده عليها وعلى اختها
محسن والحمد لله متربين احسن تربيه لاعمرهم عصيونا... ولا مشيو غلط
مجيده مقولتش حاجه ربنا يتممها علينا بالستر .اقعد ساكت بقه الماتش
________________________________________
هيبتدى
محسن برضه مصارعه حره انا مابيعجبنيش الرجاله القالعه دى
محسن انا!!! ااااااااه ....لاااااااا.... انا اصلى كنت بقلب فى التلفزيون وبعدين لقيت مصارعه حره ...قلت اسيب القناه ليكى تيجى تتفرجى ياحبيبتى ..... هوا انا ااقدر ابص للمزز دى واسيب حب حياتى ههههههههه....بقولك ايه ماتسيبك من الماتش وقومى اعمليلنا كوبايتين شاى والبيت كده فاضى وناخد راحتنا فى الكلام شويه فى كلام كنت عايز ااقولهولك
ابتسمت مجيده وقد فهمت ما يرمى اليه زوجها ياراجل كبرت وبقيت جد..... عيب عليك.... كلمتين ايه
محسن الله انتى هتكبرينا ليه يا مجيده تعالى ياشيخه وسيبك من الماتش قال مصارعه حره قال تعالى نلعب عروسه وعريس
ارتفعت ضحكه مجيده قائله يووووووووه جتك ايه يا محسن
امضت مجيده ومحسن وقتا حميما رائعا فيما امضت سالى هى الاخرى وقتا طيبا مع منى فجلسوا سويا فى باسكن روبنز وتناولو بعضا من الايس كريم
سالى ياااااااااه يا منى ماتعرفيش انا بقالى اد ايه ماخرجتش واتبسطت كده
منى لاا انا والله الشغل ده جالى عشان يربينى.... يابنتى انا كنت كل يوم لازم اخرج ان شالله اروح السوق اشترى طلبات البيت ماطقيش القاعده فى البيت
سالى يابختك.... ومامتك بتسيبك تخرجى
منى ماما يووووه دى بتزقنى زق من البيت .اصل عندى اخين اصغر منى تؤام فى ثانويه عامه السنادى مطلعين عينها
سالى الله يكون فى عونها
منى انتى مامتك بتشتغل يا سالى
سالى لاا ماما طوول عمرها ست بيت
منى ااه عشان كده فضيالك بقى على طوول ...انا ماما وكيله مدرسه وكانت مدرسه عربى قبل كده فكانت مشغوله شويه
سالى انما ايه حكايه معتز
منى ابدا ياستى بنحب بعض
سالى طيب ماتخاطبتوش ليه
منى بصراحه مش ماليه ايدى منه وخاېفه ااقوله يجى يتقدم.... كمان هوا لسه بيدور على شقه
سالى ليه مش ماليه ايدك انتى مش قولتى انكم بتحبوا بعض
منى معتز اصله بتاع بنات وساعات بخاف انه بعد مانتجوز يفضل فيه العيب ده
سالى بس شكله طيب
منى طيب مقولناش حاجه بس اللى فيه داء يابنتى ....زى زياد كده
سالى زياد مين
منى زياد مين.... زياد سليم انتى نسيتى
سالى ااااااه صح ده بقى بتاع بنات درجه اولى ده اول يوم استلمنى
منى لا والله احكيلى احكيلى عمل معاكى ايه على فكره استلمنى اول ما تعينت برضه بس اخوه جاسر بهدله يومها بس زى ماتقولى دلوقتى جاسر مش فايقله اووى
سالى اهو جاسر ده انا مش ببلعه خالص ....والله مستغربه ازاى ده يكون اخو زياد ولا حتى اسامه
منى ليه ده سو تشارمينج يابنتى عليه كده هيبه وطله ولا نجوم السيما ولا عينيه فظيعه تحسى اما يبصلك كده كأنه بيخترقك
سالى ههههههه
