رواية رائعة للكاتبة لولو طارق الجزء السادس
وفعلا كلمتها واتفقو يتقابلو هناااك .... ووصلت البنات ونزلو سلمو على بعض ...
مريم ماشاء الله يا كوكو جميل بيتك قوى
ندى الله يا كوكو تصميمه حلو قووو
كارما سانكس ... برجليكو اليمين يابنات الله يستركووو
مريم وندى رجلينا اليمين أهو ياختى ... ودخلو وانطلقو جوا .. .
مريم اه تعبت قوى
كارما كذلك والنبى بقول لكو ايه نطلب دليفرى والا نخرج ناكل برا
مريم لا أطلبى دليفرى انا مش قادره واطلبلى بيتزا خضار
ندى انا بيتزا شاورما فراخ
كارما ايه يا مريم غيرتى فى البيتزا يعنى غريبه
مريم مش عارفه مليش نفس للحوم أبدا
ندى ممكن تكونى حامل يا مريم
4 مريم لا طبعا عيالى عندها شهور لسا بدرى وكمان لما حسن جه فجأه فا قولت لماما ... قالتلى انى برضع نضيف ولا يمكن يحصل حمل
معتز هنون جاهزه
هنا ايوا يا حبيبى جاهزه بس انت مقولتليش ها نقعد فين لما نرجع مصر
معتز عند بابا مؤقتا لحد ما تولدى وتقومى بالسلامه أكون انا جهزت شقه او بيت زى الا مصطفى عامله بس نشتريه جاهز ايه رأيك
هنا خلينا فى بيت أفضل نكون براحتنا
هنا ربنا يفرحه ويفرحك يا حبيبى ياله العربيه جبتها من الجراج
معتز ايوا انزلى هلى مهلك انتى وانا ها أجيب الشنط وجاى وراكى
محمود بتعملى ايه يا صفيه فى ريرى
صفيه طول عمرى أحلم انى عندى بنت وبعمل لها ديل القطه
صفيه والنبى عسل أهووو بص عمل نافوره كمان
محمود الله يحظك يا صفيه زيزو فين مش شايفه
صفيه نايم لسا ريرى حبيبتى الا صحيت معايا وقاعدين انا وهيا بنعلب مع بعض صح يا ريرى
ريناد تتا تتا تتا
صفيه عيون تتا وقلبها
محمود مفيش جدو يعنى
ريناد رافعه ايديها لمحمود يشلها وشالها .... قومى ياله يا صفيه جهزى الفطار البت باعتك
صفيه ايوا اول ما يشفوك ينسونى خالص ... ربنا ما يحرمنا منك ولا من ابوهم وامهم
محمود أمين يا أطيب قلب فى الدنيا
يزيد ما تتاخريش زى امبارح يا داليا وتسيب الولد وقت كبير مع المربيه
يزيد ها أقابل الدكتور ابراهيم انا وأحمد انهارده عشان فرح الولاد نشوف ها نعمله فين وها نرتبه ازاى
داليا بس احنا لسا مش عارفين الولاد ها ينزلو امتى
يزيد وقت ما ينزلو بس نستقر على القاعه وكل المهم نظبطه وبعدين هما يحددو المعاد
داليا اوكى يا حبيبى ربنا يسعدهم
يزيد يارب
ثريا بتعمل
ايه يا أسر
أسر بجهز نفسى عشان نازل ياماما
ثريا ما تقعد معايا البيت فاضى عليا وأخووك داخل على شهرين ما نزلش أهوووو وانا زهقت
أسر معلش يا ماما لازم انزل اذاكر مع أصحابى
ثريا ربنا معاااك واتنهددت جامد حاسه بالوحده من غير عيالها حولايها خصوصا بعد جواز جنا
حمزه حسن انا قلقان قووووى كل يوم بحس ان الموضوع بيكبر أكتر
حسن ما تفكرش كتير وتقلق نفسك أكتر ان شاء الله تعدى على خير
مصطفى يارب
خالد كلنا كنا قلقانين فى الاول بعد كدا الموضوع ها يبقى بسيط بالنسبه ليكووو اهم حاجه ما تخافش وتخلى الخۏف يتملك منك
مصطفى احنا ها نتحرك انهارده وناخد اماكنا
خالد ايوا الهمه يا رجاله عايزين نقضى عليهم وركزو عل صفقه السلاح قوووى ملكوش دعوه بالاجانب الا ها يكونو موجودين المخابرات ها تتولى أمرهم وكمان خلاص يعتبر كل الا تباعهم هنا تحت عنينا وبمجرد ما يبقى السلاح فى ايدينا هما كمان ها يتقبض عليهم فورا
مصطفى ربنا يسترهاااا وانت ها تعمل ايه يا خالد
خالد زى .... زى نسر المخابرات ها أموت فى نظرهم .....
مصطفى طيب ما فكرتوش فى حسن هما على علم بيه وأكيد ها يقولو انه هو الا ورا دا كله
خالد أكيد طبعا هما مش ها ينسو حاجه زى كدا
حمزه يعنى ها تعملووو معااااه ايه
خالد هو انتو متخيلين انهم بعد العمليه دى ها يسيبو جون فى مكانه ماعتقدش خلاص الموضوع ها ينتهى بمجرد ما يقيلو جووون
حسن بطلو تفكير فيا الا كاتبه ربنا ها يكون ..... ياله نقوم نجهز ونتمم
