رواية بقلم حبيبة الشاهد

اتأخرت
يسرا اهي جات الهانم شوفلك حل معاها
علي كنتي فين
ملك كنت مخنوقه واتمشيت شويه يا بابا انا اسفه اني نزلت من غير اذنك
علي طب ادخلي نامي تصبحي على خير
يسرا تصبحي علي خير ! انت عايز تفرسني انت وبنتك
ملك عن اذنك يا بابا ومشيت 
علي ما تهدي شويه علي بنتك مش كدا انت مش شايفه شكلها بقي عامل ازاي من كتر نكدك عليها
يسرا تصدق انا غلطانه ابقي وريني بقي هاتخليها تفلح ازاي انا مش هاتكلم تاني بس ابقي افرح بيها وهي قاعده جمبك كدا
علي هافرح طول ما بنتي مبسوطه ابعدي انتي بس عنها وانا هفرح بيها
يسرا ماشي يا علي
اليوم التاني

ملك صباح الخير يا بابا
علي صباح النور يا حبيبتي نازله الجامعه
ملك اه يا بابا
علي طيب يا حبيبتي تروحي و تيجي بالسلامه
ملك الله يسلمك يا حبيبي
في الجامعه
ريم ملك ....ملك
ملك نعم يا ريم
ريم ما تيجي نخرج بعد الكليه حاسه اني زهقانه عارفه مطعم k A انهارده افتتاح فرع جديد جمبنا تعالي نروح نتغدى فيه وانا هاعزمك نفسي ادخله من كتر ما سمعت عنه
ملك معلش يا ريم بس....
ريم بس ايه هو انتي ليه دايما بتتهربي مني .... انا مش وحشه علي فكره
ملك انا اسفه انا ماقصدش كدا والله
ريم مش هاقبل اسفك غير لما تقبلي وزوجتي
ملك خلاص حاضر
ريم هنتقابل بعد المحاضرات
ملك بإذن الله
في المطعم
ريم وااو المطعم تحفه فعلا يستاهل كل الضجه اللي معموله عليه دي
ملك فعلا المكان حلو جدا
شخص اهلا بيكوا شرفتونا انا استاذ كريم صاحب سلاسل مطاعم K. A اتمني ان الخدمه والاكل يعجبكوا
ريم بصراحه هو واضح ان الاكل هيكون تحفه
ملك ان..... انت.......
ملك ان..... انت......
كريم ايه دا معقول انت
ريم ايه دا هو انتوا تعرفوا بعض
ملك ل..لا
كريم لا هو احنا بس اتقابلنا مره صدفه ... علي العموم انا سعيد جدا بالزيارة والمكان كله تحت امركوا
ريم شكرا جدا لذوقك
ريم ملك .... يااملك الاكل برد مالك سرحانه في ايه
ملك هااا. لا مش سرحانه ولا حاجه
ريم ما هو واضح.... مش ناويه تقوليلي ايه حكاية استاذ كريم دا
ملك ولا حكايه ولا حاجه زي ما هو قالك اتقابلنا مره صدفه مش اكتر
ريم لا بس هو الواد مز بصراحه
ملك لنفسه
ريم يا بنتي انتي ماشوفتيش بيبصلك ازاي
ملك خليكي في الاكل يا ريم وماسمعش صوتك لحد ما نروح
ريم طب بس ماتزوقيش
ملك في نفسها تفتكرى ممكن تكون ريم معاها حق ... بس لا طبعا واحد زي القمر زي دا ومحقق النجاح دا كله اكيد مش هيبص لوحده زيي .... اكيد عنده الف واحده احلي مني مليون مره تتمناه بلاش هبل وماتسرحيش بخيالك عشان ماتتكسريش وانت مش ناقصه
علي حمد الله على سلامتك يا حبيبتي
ملك الله يسلمك يا بابا
علي شكلك مبسوطه
ملك يعني الحمد الله بس اصلي اتغديت مع واحده صاحبتي بعد الجامعه
علي طيب يا حبيبتي ربنا يسعدك
ملك انا هدخل ارتاح شويه في الاوضه
علي ماشي يا حبيبتي
بعد مرور اسبوع
ملك حاسه اني احسن بكتير اخيرا اسبوع ما بسلام من غير خناق مع ماما في البيت ولا كلام عن عرسان
د يوسف اشمعنى
ملك يعني بابا حس بيا وخلاها تبطل تضايقني بكلامها
د يوسف بقيتي بتشوفي نفسك ازاي
ملك لسه بشوف نفسي زي ما انا مش معني ان بقي في هدوء يبقي بشوف نفسي اجمل مثلا انا جوايا احساس دايم اني مش حلوه واني دايما ناقصه شيء عن اي بنت حواليا
د يوسف وليه تحطي نفسك في مقارنه مع غيرك اصلا
ملك صدقني مش انا ....