حكاية ملك ومالك

بارك الله لكما وبارك عليكما وجمع بينكما في خير
اول ما سمعت الجملة دى حسيت براحة كبيرة برغم انى مضايقة ومتجوزة ڠصب بس معرفش ليه حسيت انى مرتاحة
انا اسمى ملك واللى اتجوزته دلوقتى ده مالك معرفش حاجه عنه حاجه غير أنه رد سجون معرفش هو دخل السچن ازاى و علشان ايه متعاملتش معاه غير مره واحده كان شكله حنين وطيب بس بردو انا معرفش اى حاجه عن شخصيته
اتقدملى من اسبوعين بابا وافق عليه علطول رغم اعتراضى بس كله قالى وافقى ومش هتندمى كل حاجه تمت بسرعة ملحقتش افكر رفض إن احنا نعمل فرح وانا بردو مكنتش حابه اعمل فرح

كنت طول عمرى بحلم انى اتجوز شخص بحبه وابقى مبسوطة معاه بس اللى حصل كان مش متوقع خالص
فوقت من سرحانى وهو بيقفل باب الشقة
مالك ممكن اتكلم معاكى شوية
ملك تمام اتفضل
قعدنا فى الصالة كان قاعد قدامى كان شكله متوتر وحزين
مالك بصى انا عارف ان كل حاجه جت بسرعةو انك مبتحبينيش ولا كان نفسك تتجوزى واحد شبهى رد سجون ولا ولادك يبقى ابوهم كده بس صدقينى انا مش وحش انا بس بحبك ومكنش عندى استعداد بعد كل اللى عملته علشان اوصلك اخسرك
قال كده ودخل اوضة الاطفال بيحبنى !بيحبنى ازاى وامتى انا كنت متخيلة أنه اتجوزنى علشان حد قاله عليا أو كان بيجرب حظه
دخلت الاوضة وغيرت هدومى ونمت من كتر التعب والتفكير 
صحيت تانى يوم على صوت عالى ودوشة جاية من بره
قومت وطلعت لقيت للصوت جاى من المطبخ دخلت بس اټصدمت الحقيقه كان المطبخ مكركب وكل حاجه بايظة وهو واقف متبهدل 
ملك ايه ده
مالك اتخض ايه ده انتى هنا من امتى
ملك من شوية ايه اللى عمل فى المطبخ كده
حط أيده فى شعره وقال كنت بحاول اعمل الفطار بس تقريبا كده تقريبا فشلت
ملك تقريبا اه لا مفيش مشكله ممكن حضرتك تطلع بقى علشان انضف الكركبة دى
مالك تمام هطلع
طلع وانا قعدت انضف المطبخ وطلعت عينى الحقيقة كان بيعمل ايه بده كله ده فطار اومال لو كان بيعمل الغدا كان عمل ايه
خرجت بعد ما خلصت تنضيف لقيته قاعد بيتفرج على التليفزيون يا روقانك يا اخى بقى انا تطلع عينى وانت تتفرج
مالك تعالى مالك واقفة بعيد ليه
ملك لا مفيش
روحت وقعدت معاه لقيته بيقول هو انا تعبتك
ملك لا ابدا
فضلنا قاعدين هادين وبعد فترة أهلنا جم وطبعا مثلت أن احنا مبسوطين
تانى يوم صحيت قبله حضرت الفطار وقعدنا ناكل
مالك تسلم ايدك الاكل تحفه
ملك على ايه ده حتى فطار مش حاجه يعنى
مالك ولو تسلم ايدك بردو
فرحت بكلامه عمر ما حد جبر بخاطرى بكلمه حلوه طبعا عيلتى بتحبنى وانا قريبه من اخويا جدا بس بردو عمر ما حد خد باله من حاجه بعملها
عدا اسبوع على
جوازنا كان طيب وحنين اوى فى تعامله برغم أن انا أكبر مش حلو اوى بس كان لازم يشكر فيه كل مره وكان محسسنى انى ملكه
رجع شغله كنت بحس بفراغ جامد بالرغم أن احنا معشناش مع بعض كتير بس اتعلقت بوجوده وريحته اللى ماليه الشقة
 وفى يوم وانا بحضر الغدا تليفونى رن برقم غريب
رديت لقيته صوت شخص غريب
ملك أيوة مين
الشخص مدام ملك انا زميل جوز حضرتك فى الشغل
قلبى اتقبض أيوة خير
الشخص كنت عايز اقول لحضرتك أن جوز حضرتك تعب واغمى عليه وهو فى مستشفى ......
معرفش انا لبست امتى و روحت ازاى كنت تايهه
وصلت