رواية للكاتبة سمسمة
جدا ليكى دى بصراحه الحاجه الوحيده اللى عملتها بإيدى
ماسه طيب هقوم اغسل وشي وناكل على السفره أحسن
كمال يا قلبي متتحركيش من مكانك انتى النهارده يوم دلع وبس
وراح جاب الاكل وكان مصر جدا ان ماسه تشرب العصير وهي عرفت ان حاطط فيه الدواء
ماسه هشرب لوحدي يا حبيبي لا طبعا فين الكوبايه بتاعتك ثوانى أجيبلك واحده
استغلت ماسه خروج كمال من الاوضه ودلقت العصير من البلكونه في الجنينه ورجعت مكانها بسرعه
كمال انا رجعت يا قلبي ها شربتى العصير
ماسه اه يا حبيبي ده جميل جدا أبقي اعمل انت العصير دايما
كمال في نفسه خلاص يا ماستى فاضل شويه وتبقي ملكى للابد ومش هيكون عندك خيار تسيبينى أبدا
كمال فاق سورى يا حبيبتى بس سرحت في شعرك الطويل اللى بعشقه ده انتى بتحلوى كل يوم أكتر
ماسه بكسوف خلاص بقي علشان بتكسف صحيح انت مش هتروح الشغل
كمال زهقتى مني يا حبيبتى
ماسه لا مش قصدى بس انت عمرك ما غبت عنه أبدا
كمال النهارده ليكى وبس
كمال خرج يكلم أخته ماسه بسرعه فتحت موبايلها علشان تسمع كلامه
كمال انتى يا ست هند مفيش حاجه حصلت لها لحد دلوقتى زى القرد اهى عماله تتنطط
هند انت حطيت الدوا في العصير زى ما قولتلك
كمال ايوه ومحصلش حاجه لحد دلوقتى
كمال عارفه يا هند انا نفسي اقټلك جهزى الحاجه وانا مسافه السكه واكون عندك انا وهي
ماسه فضلت تبكى ومش عارفه تعمل ايه ولا تهرب إزاى
دخل كمال لقاها في الحمام خبط عليها ماستى تعالى اخرجي
ماسه ثوانى وغسلت وشها كويس وخرجت له
ماسه بخضه لا لا انا بقيت كويسه شايف زى القرده اهو وبتنطط مش عايزه اروح لهند وبعدين دى اول مره تطلب منى نروح لها انت اللى كنت دايما بترفض
كمال انا قولت هنروح يا ماستى ومفيش نقاش يالا اجهزى عايز اطمن عليكى
وخرج وماسه فتحت في العياط ومش عارفه تعمل ايه واخدها ونزل
كمال إنزلى يا ماسه يالا
ماسه لا يا كمال مش عايزه مش بالڠصب هو
كمال بنرفزه احنا وصلنا يا ماسه متفرجيش علينا الناس
ماسه انت مش هتعمل فيا كده يا كمال انا مش هسمحلك تعمل فيا اللى عايزه
ونزلت ماسه من العربيه وفضلت تجرى وكمال حاول يلحقها ويجرى وراها بس هي كانت سريعه وضاعت منه وركبت تاكسي وراحت عند اهلها
هند ايوه يا كمال كل حاجه جاهزه انت فين
كمال ماسه هربت يا هند هلاقيها واجيبها واجى
ماسه راحت عند اهلها رنت الجرس اختها فتحت
ماسه أزيك يا ملك عامله ايه
ملك من غير نفس اهلا
ماسه بابا هنا
ملك جوه ادخلى
ماسه دخلت وجريت اترمت باباها وفضلت تبكى
باباها مالك يا ماسه بتبكى ليه
ماسه كمال يا بابا كمال عايز يدمر حياتى
هنا اتدخلت مرات ابوها هه كمال اللى معيشك ملكه ونسيتينا خالص ولا حتى بتفكرى تبعتيلنا فلوس علشان اخواتك الغلبانين دول ياكلوا ويلبسوا ولا حتى تشغليهم في شركه جوزك حتى طول عمرك ناكره للجميل وبياعه
باباها خلاص يا هناء اسكتى
هناء انا برضو اللى اسكت هو احنا ناقصين يا راجل شايف الفلوس معانا مش عارفين نوديها فين ولا فين علشان الهانم تسيب جوزها وتيجى تقعد معانا
ماسه حرام عليكى بقي انتى بتعملى معايا كده ليه انتى عارفه كمال عايز ايه عايز يشيلى الرحم مش عايز يخلينى اخلف في حياتى انتى فاهمه
ملك وانتى عايزه تخلفي ليه يا ختى خليكى اتمتعي بالعز اللى انتى فيه
ماسه انا غلطانه انى جيت هنا
