اسكريبت بقلم ايمان شلبي
تعيش وانت بتحب مرات اخوك
ازاي مسامح نفسك اصلا ازاي
رديت بجمود
انا معملتش حاجه غلط
انت شايف انك معملتش حاجه غلط
لما شريف اټوفي وبابا قالي هتتجوز مرات اخوك فورا وافقت من غير اي اعتراض
ردت بحزن ودموع
وياسمين خطيبتك سيبتها عشاني
ياسمين كانت بديل ليكي يا نور
حرام عليك ليه عملت فيها كده ياسمين كانت بتحبك و...
وانا مكنتش بحبها انا بحبك انتي افهمي بقي
هزت راسها بنفي
مش قادره اصدق مش قادره استوعب انك مكنتش بتحبها نظراتك ليها لمعه عينيك وانت بتحكي عنها تفاصيل يومها كل حاجه محتفظ بيها عشان منها كلها اشياء بتقول قد ايه كنت بتحبها
غمضت عيني بقوه وانا بضغط علي ايدي وبحاول اتكلم بثبات
حاولت اتأقلم علي وجودها حاولت احبها كل كلامي وكل نظراتي ليها عشان مكنتش شايفها ياسمين
يعني عشان كنت بشوفها انتي طول الوقت
ردت بصوت مبحوح
مش قادره اصدق
مسكت ايديها وانا ببصلها وبقولها بتوسل
ممكن تديني فرصه يا نور انا فعلا بحبك اوي
هزت راسها بنفي وهي بتسحب ايديها من ايدي
مش هقدر يا رحيم صدقني مش هقدر
اومال اتجوزتيني ليه أما انتي مش هتقدري
اخدت نفس عميق وبعدها بصتلي وهي بترد بحزن
عايزاه يعيش مع حد يحبه وېخاف عليه ويكون في مقام باباه لما قالولي انك هتتجوزني فورا وافقت عشان انا عارفه ومتأكده أني مش هلاقي احن منك علي مازن
وانتي كمان
هتحبيني أن شاء الله
وصلنا البيت كان مازن نايم علي كتفي دخلته اوضته وبوست رأسه بحب وخرجت
بصي بقي يا رحيم انا زي ما قولتلك انا متجوزاك عشان مازن يعني لا تطلب مني احبك ولا تاخد فرصه ولا كل الكلام الفاكس ده ولا ...
انا جعان عندك ايه يتاكل
جزت علي أسنانها وردت بغيظ
علي فكره انا بتكلم معاك في موضوع مهم
ابتسمت ابتسامه مستفزه
مش بعرف اتكلم وانا جعان
رحيم من فضلك متتعاملش معايا بالبرود ده
وانا عملت ايه دلوقتي
رحيم احنا لازم قبل ما نبدء حياتنا نحط شويه قواعد لأن وضعنا مختلف
اتنهدت تنهيده طويله وقعدت علي الكنبه وانا بشاورلها تقعد
اخدت نفس عميق ومسحت علي وشها كرد فعل تلقائي لطيف منها خطڤ قلبي !!
قعدت علي الكرسي اللي قدامي وبدأت تتكلم في محاوله منها أن الكلام يكون متناسق ومرتب وكأنها طفله لسه بتتعلم ازاي تقول جمله علي بعض
بص يارحيم ب بص يعني عشان ع عشان احنا وضعنا مختلف وكده يعني فأنا ا انا ..
عيونها لمعت بالدموع وحطت وشها في الأرض بأحراج وهي بتهمس پقهر
هتصدقني لو قولتلك اني عمري ما اتكلمت مع حد ولا بعرف اقول كلام مترتب زي الناس
طيب خدي نفس واتكلمي قولي كل اللي في بالك وانا هفهمك
ابتسمت ابتسامه حزينه
كان نفسي يكون شريف زيك يا رحيم كان نفسي يعاملني بهدوء وحنيه كان نفسي يفهمني
نبره صوتها اتخنقت بالدموع
كان نفسي يحبني
قومت قعدت علي ركبتي قدامها وانا بمسك ايديها بحنان
انا بحبك وهفهمك
وشها بقي احمر من كتر الاحراج والتوتر وسحبت ايديها وهي بتمسح دموعها
عمري ما حبيت يا رحيم ولا عمر حد قالي كلمه حلوه ولا حسسني اني بنت زي اي بنت بتحب وتتحب وتعيش حياه رومانسيه وقصه حب مع شخص بتحبه طبيعي اي كلمه منك هتأثر فيا
من فضلك يا رحيم متعشمنيش بحب مش حقيقي ..
برقه
انتي جميله اوي يانور فعلا شريف كان معاه جوهره مقدرش يقدرها ولا يحافظ عليها بس انا هقدرك وهحافظ عليكي هخليكي تحبي نفسك وتثقي فيها اكتر من كده هخليكي تعيشي قصه الحب اللي كنتي بتتمنيها
صدقيني يانور ياسمين مبقتش في بالي خلاص مقدرش افكر فى واحده متجوزه دلوقتي
رفعت راسها اللي مليانه دموع وهي بتسألني پصدمه
اتجوزت!
هزيت راسي بحزن
امبارح كان فرحها
معقوله ازاي دي كانت بتحبك و....
قاطعتها وانا ببص قدامي پقهر
قصدك كانت بتحب فلوسي واول ما جالها الاغني مني قررت تعمل عليا تمثيليه بايخه زيها عشان نسيب بعض
ياسمين دي أحقر بني ادمه انا شوفتها في حياتي
نور
نعم
انا محتاجلك ارجوكي متسبنيش
عيطت واترمت في وهي بتقولي بهمس
مش هسيبك لاني محتاجه وجودك اكتر مانت محتاجلي!
بعدتها عني وحاوطت وشها وانا بمسح دموعها برقه
يلا ادخلي ارتاحي في اوضتك انتي تعبتي النهارده
سألت بهدوء
وانت مش
