اسكريبت جميل جدا

أخته هي كمان انتقبت !
بصتله بذهول وهما طلعوا فاتكلم بسرعه 
_قبل ما تتكلمي خمس دقائق و المأذون جاي وهنكتب الكتاب 
_كتب كتاب مين !
_كتب كتابي انا و انتي 
اتكلمت بغيره_مش انت متجوز !
_لا طبعا انا مش متجوز دي كانت تغريد اختي
شويه و المأذون دخل و كتبوا الكتاب و أعلن حملته الشهيره ادهم ساحبني و دخل اوضتي و قفلها 
_انت بتعمل اي 
_اي مراتي و براحتي 
_نعم تقوم قافل الباب 
_براحتي علي فكره وبعدين فيه حاجه انا كنت عايز اعملها من ساعه ما شوفتك بالنقاب 
_اي ده انتي عرفتني 
_انا بعشقك يا شهد بحبك من زمان اوي لما جيت اتقدمتلك كنت بتمني تغيري من نفسك عشاني و عشان نفسك
بعد شويه و مسك ايدي 
_بتمني نكمل حياتنا في طاعه ربنا و نربي اولادنا علي حب الله بعشقك
بصتله شويه _اهه عشان كده مسألتش عليا ساعه ما 
حط أيده علي شفايفي_اوعي تجيبي السيره دي خالص وبعدين انا كنت بسال عليكي من والدتك علي طول ومن ساعه ما سبتك وانا متابعك خطوه خطوه و كنت بعدي ربنا بيكي في كل صلاه انه ميحرمنيش منك و تغيري نفسك للاحسن
مسكت أيده وابتسمت و همست وانا

ببص في عيونه _انا بقيت متيمه بيك
بعد مرور خمس سنوات
_انتي يا شهد انتي يا هانم 
_اي في اي يا ادهم صوتك عالي لي 
_يعني سايب ساره و يوسف يلعبوا من غير صلاه
_يا ادهم دول صغيرين 
هدي_صغيرين اي لازم يتعلموا عشان يتعودوا لما يكبروا مره علي مره هيتعودوا 
_ماشي يا ادهم 
_يلا هاتيهم و تعالي نصلي مع بعض 
_بس انا صليت
خبط بصباعه علي انفي وابتسم_هنصلي تاني عشان تتعودي وانا مش موجود يصلوا معاكي
نادي عليهم و خلينا نصلي مع بعض و خلصنا و طلعوا بره وهو شد ايدي بعد ما كنت هطلع وابتسم 
_رايحه فين 
_هكون رايحه فين المطبخ 
_لا استني يا حبيبتي عشان هنقرا صفحه من القرآن مع بعض كل يوم عشان تبقي عاده 
_بس انا بقرا ورد دايما 
_غير الورد دي هتبقي عاده انا و انتي مع بعض كل يوم بعد الصلاه 
_حاضر يا ادهم 
_استني هنا 
_ها اي تاني يا ادهم 
_امبارح وانتي ماشيه بالنقاب عيونك كانت جميله و ملفته اوي وانا بغير 
_يعني عايزني اعمل اي يا ادهم 
_بقولك بغيير تقولي اعمل اي تنزلي بيشه النقاب 
 حبيبي الغيور 
 _وربنا انت اللي حبيبي 
تمت 
انتمي إليك بكل تفاصيلي وارغب في الحصول على جزء من قلبك 
حكايات_ايمي
ايمان_صالح