رواية للكاتبة فريدة الحلوانى الجزء الثاني

النجار خليه يجيلي بكره الصبح الساعه ١٠ يكون قدامي في المكتب
بس يارب قاعده البنات متطولش جنب جدهم عشان نعرف نضرب اول ضربه صح
اه صحيح برده مش لاقي سكه مع حد جوه المصنع
ممدوح للاسف لا كلهم ولاءهم ليه وكل عامل وموظف عنده استعداد يفديه بروحه المعلم بدر مختار الناس الي حواليه صح دا غير ان جمايله مغرقاهم دا غير معاملته الحلوه ليهم ......
قاطعه عابد بغيظ خلاص يا ممدوح انت عايز تنقطني دانت فاضل ترشحه للانتخابات ماتروح تشتغل معاه احسن ادام عجبك اوي كده
ممدوح مش قاصدي ياباشا انا بس بوضحلك الصوره
عابد خلاص خلصنا قوم يلا شوف وراك ايه وبلغني بالجديد اول باول
مر اليوم بطيءا علي ال النعمان و قد افاقت مهره بعد وقت طويل قضاه اهل المنزل في قلق بالغ عليها ولكنها بعد ان استعادت وعيها وانخفضت حرارتها قليلا طمانتهم عليها انها اصبحت بخير ولا داعي لوجودهم حولها وتعطيل شؤونهم اكثر من ذلك اكلت القليل من الطعام و تناولت الدواء الذي احضره وليد لها بعد ان انتزع عنها المحلول المعلق
بعدها استاذنت منهم حتي تنام قليلا فهو ماذالت تشعر بالوهن قليلا فخرج الجميع وتركوها لترتاح ولكن كل وقت قصير تدخل احد الفتيات للاطمانان عليه اذا ما استيقظت او ارتفعت حرارتها مجددا
كان الجد يجلس علي اريكه داخل غرفته يسبح بمسبحته الفضيه وهو يناجي ربه ان يحفظ اخفاده ويقف بجانبهم فيما هم مقبلين عليه
قاطع تسبيحه رنين هاتفه برقم دولي كان ينتظره بفارغ الصبر التقطه و فتح الخط سريعا وقال بدر يابني وصلت بالسلامه طمني
بدر علي مهلك ياجدي انا لسه واصل حالا يدوب ركبت تاكسي يوصلني الفندق مردتش استني لما اوصل واتصلت بيك علي طول
الجد طب الحمدلله يابني طمنتني الهي يريح قلبك
بدر بتردد اااا جدي انت شفت مهره انهارده ولا لا هي انهارده يومها مليان هتطلع مالمدرسه علي درسين وري بعض يعني لسه قدامها ساعه علي ماتخلص بس مش عارف قلبي مقبوض علبها ليه
الجد اطمن يابني هي بخير حتي انا خليت احمد الي يوصلهم ويرجعهم
بدر بص يا جدي بعد اذنك انا بعد ماقفل معاك هكلم مدير المدرسه اخدلها هي والبنات اجازه الكام يوم دول لحد مارجع وبلاش لوجين ومها يروحو الجامعه بردو
الجد طب ليه كده انت ليه غيرت الي اتفقتي عليه
بدر معلش ياجدي كده احسن عشان ابقي مطمن اكتر انا مكنتش عامل حسابي عالسفر بس الي حصل بقي
الجد طب و دروسهم يابني ده الامتحانات عالابواب وبعدين قعدتهم مره واحده هتلفت النظر
بدر لا لا هيروحي الدروس عادي بس بعد يومين اكون كلمت شركه حراسات خاصه بتاعه ظابط صحبي استقال وفتحها هيعينلهم حراسه سريه من غير حتي مايحسو بيها عشان منضمنش وهما في الدرس ايه الي ممكن يحصل لازم عنينا تبقي عليهم
الجد لحقت تفكر في ده كله وتنفزه امتي يابني
بدر وانا في الطياره ياجدي الوقت كان طويل قدرت افكر بهدوء واخد القرارات دي بعد مااستاذنك طبعا
الجد الي تشوفه صح اعمله انا بثق فيك يا خليفه النعمان
بد ربنا يخليك لينا ياجدي انا هقفل معاك واول ماوصل الفندق هعمل الي قولتلك عليه وابلغك بالنتيجه
الجد ربنا معاك يابني في حفظ الله
قبل ان يغلق اوقفه بدر
جدي
الجد ايه ياحبيبي
بدر بخجل خد بالك من مهره يا جدي حاسس ان فيها حاجه قلبي واجعني عليها اوي يمكن عشان اول مره ابعد عنها من يوم ما اتولدت
الجد امانتك في عنيه متخفش
عليها و يمكن من هنا لما ترجع بالسلامه يكون ربنا هداك و تريح قلبك من وجعه
رد بدر بعد فتره وقال .....
تري بماذا سيرد علي جده
سنرى
13
بعد منتصف الليل في منزل النعمان
كانت مهره متسطحه علي فراشها يجافيها النوم وقد تحسنت حالتها الصحيه قلبلا
كانت تتمدد بجانبها لوجي غارقه في النوم فهي اصرت علي المبيت معها اليوم حتي تكون بالقرب منها اذا ما ارتفعت حرارتها مره اخري
بعد ما تاكدت انها لم تستطع النوم مره اخري نظرا لنومها ساعات النهار كامله
قامت من فراشها بهدوء حتي لا تشعر لوجي بها
فتحت خزانتها والتقطت بعض الملابس واتجهت للمرحاض حتي تنعم بحمام دافىء فهي قد تعرقت كثيرا بسبب درجه حرارتها المرتفعه ولا تتحمل ملابسها المبتله قليلا اكثر من ذلك
انهت حمامها سريعا و قد احست انها في حال افضل كثيرا الان
خرجت من المرحاض واتجهت لغرفه بدر والتقطت هاتفها الذي اخذته قبيل خروجها من غرفتها حتي لا تعود مره اخري و تزغج لوجي
فتحت الاستوديو ومنه ملف صور كامل لبدرها في جميع مراحل عمره
اخذت تقلب فيهم كثيرا 
فكرت للحظه ثم خرجت من الملف و فتحت الواتس ثم بدات في الكتابه
جدو طمني انك وصلت بالسلامه بس مش عارف تكلمني عشان مشغول
مع ان انت عمرك ماتتشغل عني لو مهما حصل 
بس انا عزراك وهفضل اعزرك لاخر نفس فيا مفيش مكان في قلبي للزعل منك مهما عملت 
حبيت اقولك طمن قلبك يا نبض قلبي