اسكريبت بقلم رنا مالك

وانا لحد دلوقت مش فاهمة سلمى وافقت لي!! ويونس اشمعنا دي بالذات .
خليكي كدا لحد ما يتجوزا وانتي تفضلي قاعدة كدا 
_ بت عيب انا أكبر منك 
شوفي يبت سلمى منزلة اي !
_ لا ولا ويونس منزل اي !
وانتي مسجلة رقمه لي 
_ حبيبتي كان زمان رقمه نفعني ومخطوبين دلوقت بلاش دماغك دي 
انا ماشية من قدامك عشان انتي هتجبيلي جلطة قريب 
دخلت ع الشات بتاعه قعدت اكتب كلام وامسحه لحد ما قررت اني هقول ال جوايا وخلاص
انا لحد دلوقت مش مستوعبة ال حصل دا معقول معقول بعد السنين دي كلها اشوفك ف خطوبتك وبنت تاني غيري واقفة جمبك الموضوع كان صعب اوي عليا كان جوايا مشاعر كتير اوي لما شوفتكم غيرة وحب وڠضب وحزن كنت حاسة اني عاوزة اجي اقولك متعملش فينا كدا لي معقول نستني ف كام يوم ولا كل ال فات دا كان وهم عيشت نفسي فيه جوايا أسئلة كتير ملهاش إجابة كان نفسي احنا ال نبقا سوا انهاردة واجي انام ع السرير ومعرفش اغمض من الفرحة بس عمتا انا بتمنالكوا تعيشوا حياة لطيفة وسعيدة اسفة لو طولت عليك بس انا حقيقي جوايا كلام اكتر من كدا بكتير 
كتبت الرسالة ورميت التليفون بعيد معدتش دقيقة ومكست التليفون ومسحت الرسالة .
بقلم.
_رنا_مالك
الجزء_الثاني
ادينا خلصنا الشبكة اي بقا
_ استني بس. المتخلف صاحبي هو كمان يجمع
اديه جه اتفضل قول ال عندك 
_ اولا كدا خطوبتي انا وسلمي هتتفشكل بعد اسبوعين 
دا ال هو ازاي يعني
_ مبدايا كدا كل واحد فينا ليه مصلحة هتخلص بعد اسبوعين ومصلحتها هي اكبر الحقيقة
ينفع تتكلم من غير الغاز 
_ تمام بصوا طبعا انتوا الاتنين عارفين أن سلمى قريبتنا 
هو انت ينفع تتكلم بسرعة
_ ما انتي ال بتقاطعيني لو مقاطعتنيش هكمل بسرعة اسكتي بقا 
حاضر
_ المهم انا كنت عند خالتي من قريب وبعدين لاقيت سلمى بتقولي عوزاك ف حوار كدا انا دلوقت مرتبطة بواحد وهو ظروفه وحشة شوية ومش هيقدر يجيب شبكة والكلام دا وانا قولتله ان بابا مش بيهمه الكلام دا بس هو خاېف يكون مش قد المسؤولية 
Falsh back........
طب وانا مالي اروح اضربه واقوله اتقدملها بالعافية ولا اي مش فاهم 
_ يعم بالراحة الكلام اخد وعطا 
طيب كملي 
_ انا بقا عوزاك تيجي تتقدم وانا أقوله ان بابا وان انت مش اول واحد يتقدملي ونعمل خطوبة وبعدين

افشكلها خد خطوة يبقا اشطا مخدش هنفشكلها برضو بعد أسبوعين متخافش 
لا يستي انا بحب واحدة وهتقدملها اتصرفي انتي والبيه بتاعك دا بعيد عني
_ يسطا انت اخويا ومش هثق ف حد غيرك اسبوعين بس وهنعمل خطوبة ع الضيق كدا وهتجيب خواتم صيني كدا وخلاص معلش بقا بالله عليك
Back.........
بس وهو دا ال حصل كل حاجة جات بسرعة مقدرتش اقول لحد بس هو كلها اسبوعين وهتنفض الاتفاقية