رواية كاملة ورائعه للكاتبة أميرة اسامه ابن ليل الجزء الاول

عليهم وخد الشنط وطلعوا على فوق
احمد  يا نهار اسود
محمد دي كده خربت على الاخر
هيما  انت متأكد يا منكش
منكش   ايوه متأكد ولو مش مصدقين أسالوا صاحبكم
هيما طيب امشي امشي من قدامي الوقت
منكش  اهو انتوا كده تاخدوا المعلومه وبعدين تتزربنوا عليا
هيما امشي من وشي يا منكش الوقت
سابهم منكش وهو بيبرطم بالكلام اما الشباب فا وقفوا مصډومين ثواني من الخبر
محمد وبعدين الخبر ده لو صح هنعملوا ايه
احمد كيرو مش لازم يعرف ده مستني اليوم ده من زمان
هيما   هنعملوا ايه يعني كده او كده هيعرف
احمد  بس ازاي حسن يعرف وميقولناش اكيد مش هتيجي فجأه من غير ما تقول يعني كان عارف ومخبي علينا
هيما اتصل بيه يفهمنا اللي حصل
مسك احمد موبايله واتصل علي حسن
في الوقت ده حسن كان فوق وملخوم في المواجهه اللي حاصله بين دره واهلها فا اول ما الموبايل رن كنسل عليهم
احمد  بيكنسل
هيما  يبقي الحوار بجد
احمد  طيب هنعملوا ايه 
هيما ولا حاجه هنستنوا لحد ما يرد ويفهمنا وانتوا متجيبوش سيره قدام بكر ومها مش ناقصين الدنيا تولع يمكن تكون مش دره ومنكش والمعلم بتاعه بيتهيألهم
محمد المعلم صبري عارفها كويس اكيد مش هيغلط فيها
هيما بردوا نستني مش هنخسروا حاجه وادعوا متكنش هي عشان لو هي الدنيا هتخرب وكيرو هيقلبها سواد
احمد ربنا يستر طيب يلا نطلعوا و انا هنفضل وراه لحد ما يرد وهنكلمك
هيما  تمام يلا بينا 
بعد حوالي ساعه من المواجهه طلع حسن علي الشقه بتاعتهم فوق واول ما طلع شاف الموبايل بتاعه لقى احمد متصل كذا مره وسماح باعته رسايل كتير فتح الرسايل 
سماح   حسن فينك
حسن روحت فين كنت بتكلمني واختفيت
حسن طمني عليك في حاجه
يا حسن رد عليا بقى
ودين محمد لو ما اتصلت لا هنطين عيشتك
طيب لو مش عارف ترد قول اي حاجه عشان اطمن بس
قفل حسن الرسايل وقرر يتصل باحمد الاول يشوفه متصل ليه
احمد  انت مبتردش ليه
حسن كنت تحت عند جدي ومعرفناش نتكلم
احمد هي عمتك دره رجعت يا حسن صحيح
سكت حسن ثواني  ايوه يا حمو رجعت
احمد   اه يعني الكلام اللي سمعناه طلع صح
حسن لحظه بس انت عرفت منين
احمد  المعلم صبري لمحها وقال لمنكش ومنكش قالنا
حسن   ايوه وصلت من ساعه
احمد   واكيد مش هتيجي فجأه يا حسن انت كنت عارف ومقولتش
حسن ايوه كنت عارف بس عرفت امبارح الصبح قبل الفرح بكام ساعه
احمد ومقولتش ليه يا ولا من امته وانت بتخبي عننا حاجه
حسن انا لا خبيت ولا اتهببت بس لو كنت قولتلكم كان هيحصل ايه انا خۏفت توقعوا بلسانكم قدام بكر والدنيا تخرب
احمد  علي اساس انها مش هتخرب يا حسن الوقت
حسن  بنقولك ايه انا امي صدمتني ومعرفناش نعملوا حاجه ولو كنت عرفتكم قبل الفرح كان بان عليكم ووقتها كرم و ابوك كانوا هيحسوا انكم فيكم حاجه فا عشان كده سكت قولت نستنى لحد ما تيجي وبعدين امي امنتني منقولش ونحفظ السر خاڤت خالي بكر يعرف ويقول قدام ابله مها وهي انت عارف مش هتسكت والكلام هيوصل لكيرو
احمد ماهو كده كده هيعرف
حسن  عارف انه هيعرف خصوصا انها رجعت ومش ناويه تسافر تاني
احمد  احييييه طيب وهتسيب امريكا وتعيش هنا جوزها هيرضي
حسن عمتي اتطلقت يا احمد ومش ناويه ترجع
احمد پصدمه اتطلقت طب ليه
حسن   حوار طويل بكره نحكيلك انا
مش هنعرف نتكلم الوقت عشان ابويا صاحي والدنيا كانت والعه تحت
احمد  طيب خلاص نتكلموا بعدين
حسن  خلاص الصبح نتكلم بس بنقولك ايه
احمد قول
حسن  تفتكر كيرو هيعمل ايه 
احمد مش عارف يا حسن بس كيرو مستني اليوم ده من زمان ومش ناوي علي خير ربنا يستر والدنيا متولعش
حسن  الله يطمنك يا فقري 
احمد  يلا نتكلموا بكره اول ما تنزل عرفنا عشان نشوفوا هنعملوا ايه
حسن ماشي يلا سلام
احمد سلام 
قفل احمد مع حسن واتصل علي هيما
هيما ايه رد عليك
احمد  ايوه وطلعت هي دره فعلا
هيما  يا نهار اسود
احمد  لا وايه كمان رجعت على طول ومش ناويه تسافر
هيما  اللي هو ازاي يعني
احمد  حسن بيقول انها اتطلقت من جوزها
هيما اتطلقت
احمد  ايوه
هيما  اتطلقت ليه
احمد منعرفش حسن قال حوار طويل وهيبقي يحكيلنا
هيما ومكانش بيرد ليه الواطي ده
احمد كان تحت ومعرفش يرد بيقول ان الدنيا كانت والعه تحت
هيما  والعه دي لسه هتولعوا اكتر لما كيرو يعرف 
احمد  ربك يستر عموما بكره شكله يوم مطلعلوش شمس
هيما  شكله كده يلا خلينا نروحوا ننام عشان نستعد للعاركه بتاعت بكره 
احمد  ماشي يلا سلام 
محمد بنقولك ايه لا تقول قدام ابوك ولا امك مش ناقصين وش خليهم يعرفوا بعيد عننا
احمد انا عن نفسي مش هنقول اكيد
محمد ربنا يستر على كيرو يلا انا رايح ننام
احمد ماشي 
عند حسن اتصل على سماح 
سماح  انت مبتردش ليه يا حسن يعني ينفع نبعتلك كل ده و متعبرنيش بص على موبايلك شوف بعتنا كام رساله وقاعده هنتجنن نضربوا اخماس في اسداس ودماغي تجيب وتودي وانت ولا هنا
حسن  يابت افصلي ايه بالعه راديو بالهداوه 
سماح كمان مش عاجبك كنت بتكلمني على الواتس وفجأه اختفيت وبقالي اكتر من ساعه بنبعتلك 
حسن يابت كان في حوار ومعرفناش نرد عليكي
سماح حوار ايه إن شاء الله
حسن هنقولك بس اوعي تقولي قدام سونه مش ناقصين وش
سماح  تاني يا حسن هتحط امي في دماغك
حسن يابت منقصدش بس لو امك عرفت الحوار ده هتقلب الدنيا
سماح   في ايه قلقتني
حسن عمتي دره وبناتها رجعوا من السفر من ساعه
سماح ايه
حسن  زي ما بنقولك
سماح  طيب رجعت ليه وستك وجدك وابوك عملوا ايه وكيرو عرف ولا لا
حسن يابت افصلي شويه مش عارف نرد