رواية كاملة ورائعه للكاتبة أميرة اسامه ابن ليل الجزء الاول

متصل كذا مره وباعتلي مسدچات
دانه  طبعا ادم هيتجنن عشان سافرتي
دارين بحزن حبيبي زعلان خالص وانا مش عارفه ازاي هقدر مشوفهوش
دانه هو مش هينزل مصر
دارين مش عارفه بس هو قالي انه هيبقي يجي وكمان هو عنده أمل ان الخلاف اللي بين بابي ومامي ينتهي ونرجع تاني
دانه تفتكري في امل يا دارين انهم يرجعوا
دارين مش عارفه يا دانه انا بتمني بس بيتهيألي بابي مسابش اي فرصه لمامي عشان تسامحه خصوصا انه خاڼها مع اقرب صاحبه ليها
دانه بس لو رجع وطلب انها تسامحه المفروض مامي توافق انا بصراحه مش قادره اتخيل اننا نكمل حياتنا من غير بابي
دارين  ولا انا يا دانه بس كمان مينفعش نفرض علي مامي حاجه لازم نحط نفسنا مكانها واي واحده فينا عمرها ما هتقبل ولا على نفسها ولا على كرامتها انها ترجع ولا ايه
دانه يمكن معاكي حق بس انا مش قادره ارضي بالامر  الواقع
دارين حاليا مفيش حاجه في أيدنا نعملها غير اننا نرضي وبعدين محدش فينا عارف بكره ممكن يحصل فيه ايه
لازم نسيبها تهدأ وتاخد وقتها اللي بابي عمله مش بسيط يا دانه واظن مش محتاجه افكرك بابي عمل في مامي وفينا ايه 
دانه اووووف خلاص اقفلي السيره دي ويلا تعالي ندخل التويلت مش قادره اتحمل 
دارين  يلا تعالي وربنا يستر 
راحت دارين براحه فتحت الباب بصت شمال ويمين وبعد كده خرجت ودانه وراها 
دانه  بصوت هامس شكلهم لسه نايمين
دارين   طيب امشي براحه ومتعمليش صوت
دانه حاضر
مشيوا كام خطوه وقبل ما يوصلوا للحمام ظهرت قدامهم نبيله كانت خارجه من المطبخ 
ارتبكوا البنات و مسكت دانه بسرعه في ايد دارين وفضلوا باصين عليها پخوف 
نبيله  خير
ماشيه انتي وهي تتسحبوا زي الحراميه كده ليه 
دارين اااا لل لا اصل اص
نبيله في ايه القطه كلت لسانك
دارين يعني ايه
نبيله  لا انتوا شكلكم هتغلبوني معاكم
في ايه ما تنطقي
دارين يعني عايزين ندخل التويلت
نبيله   ومالكو ماشين زي الحراميه كده ليه
دارين لا حضرتك احنا مش حراميه بس يعني محبناش نزعجكم 
نبيله اااااه قولتيلي وايه ناويين تدخلوا مع بعض
دانه  اكيد لا يعني احنا مش رايحين رحله
نبيله  رحله ااااه دمك خفيف يعني
ضړبتها دارين بكتفها
دارين  لا هي متقصدش بس يعني اكيد مش هندخل مع بعض 
نبيله طيب يا اختي انتي وهي ادخلوا وتعالولي عيزاكم
دارين   عيزانا احنا ليه اقصد يعني في حاجه
نبيله  خلصوا الاول وتعالوا وانتوا تعرفوا
دارين اوك 
دخلت دانه بسرعه اول ما نبيله بعدت من قدامهم وفضلت دارين واقفه مستنياها تخرج وبعد ما خرجت دخلت دارين وفضلت دانه واقفه خاېفه تروح لوحدها 
دقايق بسيطه والاتنين كانوا قدام نبيله 
كانت قاعده على الكرسي بتاعها وحاطه رجل على رجل ورافعه حاجبها
دارين  حضرتك عيزانا في ايه
نبيله جاهزين
دانه لأيه حضرتك
نبيله  للتنضيف يا حيلتها انتي وهي
دانه  بهمس يعني ايه حيلتها
دارين وانا ايش عرفني اسكتي مش وقتك
نبيله  مالكم بتتودودو على ايه
دانه هو احنا فهمنا الاولى عشان نفهم التانيه
دارين هو بصراحه احنا مش فاهمين كلام حضرتك
نبيله  ليه يا اختي بتكلم هندي ايه اللي مش فهماه
دارين   احمممم خلاص مش ضروري قولي حضرتك جاهزين لأيه
نبيله للتنضيف ولا هتقعدوا في الشقه على ترابها
دارين 
دانه what
نبيله   لا وحياه امك كلميني عربي
دانه  يعني اقصد ان كان في بنت هتيجي تنضف صح
نبيله البت مبتردش هنفضلوا نستنوها 
وتفضلوا قاعدين هنا كتير
دارين   لا بس يعني
نبيله  بس ايه مبتعرفوش تنضفوا امكم معلمتكوش تبقوا ستات بيوت ولا مكانتش فاضيه
دانه  بصراحه احنا كان عندنا مساعده
في البيت
نبيله اااااه لا هنا بقي لازم تعتمدوا على روحكم محدش بيساعد حد
دارين  بتنهيده بصت لدانه خلاص يا دانه طيب حضرتك حاضر هننضف بس ينفع الاول نصلي قبل ما الضهر يأذن
ابتسمت نبيله شبح ابتسامه بسيطه
نبيله انتوا بتصلوا
دارين اه الحمد لله
نبيله  عملت حاجه عدله في حياتها بنت الجمال
دارين بتقولي حاجه
نبيله لا يا اختي مبنقولش روحوا صلوا يلا وتيجوا على طول لسه اليوم طويل 
دارين حاضر بعد اذنك
نبيله   استنوا هنا
وقفوا البنات وبصولها
دارين  نعم
نبيله  هي البت اختكم تعبانه عندها ايه
دارين  عندها قصور في عضله القلب
نبيله  ودي مين اللي كسر قلبها
ضحكت دانه وكتمت ضحكتها ضړبتها دارين في كتفها
نبيله ايه يا اختي قولت نكته
دارين لا حضرتك بس يعني قصور في عضله القلب مش معناه حد كسر قلبها
نبيله امال معناه ايه
دارين  يعني قلبها تعبان شويه من يوم ما اتولدت 
نبيله اممم لا الف سلامه خلاص انتي واختك اللي هتنضفوا بلاش هي
دارين  تمام
نبيله  يلا يارب نخلص
دارين بعد اذنك
نبيله اذنك معاكي يا اختي
بمجرد ما راحوا علي الاوض
خرج زكريا من اوضته وابتسم
زكريا  ايه يا بلبله ناويه تطلعي غضبك من بنتك علي بناتها
نبيله  طب قول صباح الخير الاول
زكريا صباح الخير يا ستي
نبيله انت واقف تتسمع عليا
زكريا  ومن امته وانا بنعمل كده بس كنت رايح الحمام سمعتك بتتكلمي معاهم قولت نستني  لحد ما تخلصي
نبيله طيب وانت ايه اللي مزعلك يا اخويا ايه مش هيسكنوا في الشقه يبقوا ينضفوها بايدهم
زكريا بإبتسامه طيب انا راضي زمتك البنات دول وش بهدله ولا ليهم في التنضيف
نبيله وايه المشكله هما احسن من غيرهم ما ياما نضفنا وشيلنا الطين لا عمرنا اشتكينا ولا قولنا لا
زكريا  يا وليه الحال غير الحال وبعدين دول لسه ضيوف معقول نشقوهم كده
نبيله انت عايز ايه الوقت يا زكريا متعصبنيش
زكريا مش عايزك تطلعي غضبك علي بناتها هما ملهمش ذنب شيعي للبت اللي بتساعدك تيجي تنضف
نبيله ايه مصدقت تحن يا زكريا
زكريا  انتي عارفه يا بلبله اني منقدرش نيجي على حد وبعدين مهما كان دول احفاد زكريا الجمال منرضالهمش البهدله
نبيله بهدله الله يرحم لما كنت جيباها معاك