رواية كاملة ورائعه للكاتبة أميرة اسامه ابن ليل الجزء الاول

ده ساكت عشان عارف اللي فيك يا كرم وساكت لأجل العيش والملح بس اكتر من كده ومحدش يلومني لما نطلبوا الشرطه
كرم  وماله يا معلم زكريا يلا اطلب سبق واتسجنت زمان سنه واللي جرب الحبس مره يجربه الف مره ولا ايه يا عبدالله
بصله عبدالله بإرتباك ونزل راسه
كرم  انا معنديش اللي نبكوا عليه يا معلم عايز تطلب الشرطه يلا انا جاهز
نبيله بۏجع كفايه يا كرم كفايه يا ابني ارحم نفسك وارحمني متضيعش نفسك وتوجع قلبي عليك اكتر من كده
بصلها كرم بۏجع
نبيله امشي يا كرم وانسي
كرم  ننسي انتي اللي بتقولي كده
نبيله ايوه انا اللي بنقولك كده وڠصب عنك هتسمع كلامي يا كرم مش عشاني ولا عشان اي حد عشان روحك اللي ضيعته من عمرك كفايه اوي لحد كده وجه الوقت اللي تبص فيه لروحك
بص كرم لدره پغضب 
كرم  تمام خليكي واقعدي بس وعد مني لا هنخليكي ټعيطي من اللي هتشوفيه على ايدي ونوعدك اخرك هنا مده بسيطه وانتي اللي هتمشي من روحك مكان ما كنتي 
لف كرم عشان ينزل وبكل قوته زق عبدالله
كرم   امشي من قدااااامي
جريوا البنات على دره مسكوا فيها بمجرد ما حضنتهم
دره  بتوتر متخافوش اهدوا انا معاكم
ديما  مين ده يا مامي وليه بيعمل كده
دانه مين الراجل ده يا مامي وعايز منك ايه
دره متخافوش يا بنات محصلش حاجه
نزل كرم زي الإعصار من بيت زكريا الجمال وبكر والشباب وراه
لمحتهم مها ونجوى 
مها ايه ده كرم كان بيعمل ايه في بيت المعلم زكريا
نجوى  يا مصېبتي لا يكون كان بيتعارك مع عبدالله
لمحوا كرم دخل على البيت بتاعهم وبكر بيجري وراه وبينادي عليه
رفاعي بكر سيبه يابكر سيبه لوحده
بكر ايوه يا معلم بس
رفاعي سيبه يا ابني سيبه يخرج اللي كاتمه جواه طول السنين اللي فاتت
هيما يابا بس ممكن يعمل في روحه حاجه
رفاعي   مش اخوك يا ولا اخوك ميعملهاش سيبوا انتوا بس لوحده وهو ساعه زمن وهينزل يقف في الدكان ويشتغل يلا على شغلكم كفيانا عطله
هزوا راسهم وراحوا على شغلهم
فتحت مها الباب بسرعه هي ونجوى كان كرم طالع الڠضب عاميه
مها  كرم في ايه يا اخويا
نجوى  مالك يا كرم انت اتعاركت مع عبدالله
سابهم كرم وطلع على فوق بسرعه
جريت نجوى على الموبايل تفهم في ايه وطلعت مها جري وراء كرم وقبل ما توصله كان دخل وقفل الباب وراه
وفجأه سمعت صوت تكسير وټدمير لكل حاجه في الشقه
مها كرررررم افتح يا اخويا افتح وحياه امك افتتتتتح
كرم    ااااااااااااااه 
ومع كل اه كانت بتطلع منه كانت بتسمع مها صوت ټدمير بيحصل في الشقه 
نزلت مها جري علي تحت تنادي علي امها او تتصل ببكر لقت نجوى بتقفل الموبايل ووشها متغير
مها الحقي يا اما كرم بيكسر في كل حاجه فوق ومش راضي يفتح
نجوى  مش هيفتح يا مها
مها في ايه ايه اللي حصل لكل ده
نجوى   دره رجعت امبارح من السفر
مها پصدمه ايه دره بسرعه نزلت دمعه تجري على خد مها ورمت جسمها على الكرسي بۏجع وثواني و الصدمه أتملكت منها ومنطقتش
دخلت نجوى بسرعه على اوضتها تدور على المفتاح بتاع شقه كرم مكانتش عارفه فين اتصلت على هيما
نجوى  هيما مفتاح الشقه بتاعت اخوك فين
هيما سيبيه يا نوجا براحته
نجوي   اسيب ايه اخوك مسابش حته سليمه في البيت وخاېفه يعمل في روحه حاجه
هيما طيب اقفلي انا طالع حالا
بكر في ايه
هيما تعالى معايا كرم كسر الشقه بتاعته تعالى بسرعه
خرج بكر وهيما بسرعه قدام عين رفاعي اللي حاطت ايده الاتنين على عصايته وساكت
طلع هيما وبكر بسرعه طلع هيما المفاتيح وجري على فوق ونجوى وراهم
فتح هيما الباب ودخل بهدوء هو وبكر
كل حاجه كانت متكسره الف حته لمحت نجوى كرم قاعد على كرسي بياخد نفسه بسرعه مخيفه في ډم على الارض
نجوى  كرررررم ايه الډم ده يا ابني قوم معايا
ايدك اتفتحت
بكر كرم قوم يا اخويا قوم من الازاز ده ايدك پتنزف وشكلها عايزه خياطه
هيما حاسبي يا اما رجلك ابعدي شويه لحد ما نلم اللي اتكسر ده
نجوى  رد عليا يا حبيبي رد يا ابني
سحب كرم تيشرت كان محطوط على ايد الكرسي وقطعوا بسرعه ولفه على ايده اللي اتعورت وقام وقف بهدوء ممېت باس راس نجوى وبسرعه كان نزل من الشقه بكر نزل وراه هو وهيما
سابهم كرم ودخل على المحل مسك السکينه بتاعته وبدأ يتكلم مع الزباين ويقطع في اللحمه ولا كأن في حاجه حصلت
بصوا لبعض وبعدين بصوا لرفاعي
رفاعي  سيبوا محدش يتكلم معاه الوقت هيبقي كويس 
بكر   بتنهيده روح على الدكان بتاعك يا هيما وانا هنا عيني عليه
هيما لو حصل حاجه نادي عليا
بكر ماشي يلا روح انت وهو عالدكان
هز محمد واحمد راسهم وراحوا على المحل اللي هما ماسكينه 
نبيله  تروح على المزرعه متقفش في الدكان تحت ابوك وحسن هما اللي هيقفوا فيه
عبدالله ليه يعني عيزاه يقول اننا خايفين منه
نبيله پغضب كلمتي تتسمع بلاش تقف في وش كرم السعادي كفايه اللي هو فيه مفهوم
زكريا  اسمع كلام امك يا عبدالله انا وحسن هننزلوا تحت وانت خلص شغلك في المزرعه
دعاء  ايوه يا عبدالله بلاش تقف انت تحت انهارده شيطان كرم صاحي بلاش تقف قدامه
عبدالله حاضر لو حصل اي حاجه بلغوني هنيجي على طول
دعاء و انتي يا دره تعالي يلا معايا انتي والبنات نطلع الشقه