رواية كاملة ورائعه للكاتبة أميرة اسامه ابن ليل الجزء الثالث

كلام وتحقيق من اي مخلوق

مها.....مين اللي قال كده ياما بس يمكن دي كلمه بنقولها لما بنكون مخنوقين اننا مش عايزين نتكلم مع حد بس صدقيني اكتر وقت الواحد بيبقي محتاج اللي منه هو وقت وجعه أيه لزمتنا في حياة بعض لما كل واحد يسيب التاني يهدأ طيب انا هحتاجك في ايه بعد ما هديت لوحدي من غير كتف أتسند عليه

نجوي.....كلامك صح بس يابنتي احنا مش زي زمان يمكن لو كنا زي زمان كنت شديت عبايتي وجريت عليهم بس الله اعلم السنين غيرت فيهم ايه كمان احنا مبقالناش كتير متصالحين وحتي الصلح اللي تم بينا لسه ميديناش الحق اننا نروح نتحشر ونستفسر.

مها....اولا ده لا تحشير ولا استفسار كل الحكايه اننا لازم نعرفوا فيهم ايه وايه اللي واجعهم وثانيا انتي اكتر حد ياما عارفه ان لا السنين ولا الايام غيرتنا ولا غيرتهم احنا طول عمرنا بنجري علي بعض من غير اي تفكير وانا منقدرش نشوف صحبتي في حالتها دي ومنجريش عليها ونعرفوا ايه اللي صابها وبعيدا عن الصلح اللي حصل بينا لو كنت شوفت دره في حالتها دي كان قلبي اتقطع عشانها ويمكن كنت نسيت كل حاجه وجريت عليها من غير ما نفكر اللي بينا يانوجا اكبر من اي بعد او سنين اللي بينا مفيش ايام تقدر عليه ده كرم نفسه ياما متحملش ۏجع دره وجري وراها من غير ما يفكر عيزانا احنا نقعدوا نتفرجوا عليهم ونعمل روحنا مسمعناش قومي ياما معايا بلبله اكيد محتجاكي وقلبها ۏاجعها علي بنتها

نجوي....بحزن هاتي العبايه بتاعتي يابت من علي الرشاقه.

ابتسمت مها بحزن وهزت راسها وقامت تلبس وتجيبلها عبايتها.

.......................

عند نبيله ودعاء

دعاء.....كفايه عياط يا بلبله هتتعبي وضغطك هيعلي انتي حتي مفطرتيش

نبيله.....مليش نفس يا دعاء

دعاء....عشان خاطري انا يعني لو وقعتي من طولك ولا جرالك حاجه فكرك دره هتتبسط

نبيله.....دره موجوعه اوي يا دعاء بنتي قلبها كان هيقف من القهر

دعاء....مش سهل عليها ياما اللي شافته ومفيش ست في الدنيا مهما كانت بتبان قويه تستحمل كل ده من الراجل اللي حبته.

نبيله....من يوم ما دره جت وحتي لما حكت اللي حصل معاها لما ابوها قالها ايه سبب الطلاق كنت حساها عاديه مش موجوعه وحتي وهي بټعيط مكنتش حاسه ان كل اللي حصل من جوزها ده ۏاجعها اوي كنت شيفاها قويه وماسكه نفسها كملت بعياط مكنتش نعرف انها كاتمه جواها كل ده

دعاء.....لانها مقالتش كل حاجه ياما كانت خاېفه علي مشاعر بناتها بس اللي حصل ده رغم انه ۏجعها بس كمان احسن ليها هترتاح بعد ما خرجت كل الۏجع اللي جواها كتمة الۏجع والقهر وحشه اوي يا بلبله دره وجعت قلبي بس كمان مش هننكروا اني فرحت

انها اڼهارت بالشكل ده وخرجت كل اللي جواها.

نبيله.....ۏجعها ربنا ينتقم منه ويدوق نفس اللي دوقهولها

دعاء.....انتي فكرك ربنا بيسيب لأي حد ولا بيرضي بالظلم اكيد كل حاجه عملها في دره هتتردله و هتيجي صورة دره في عينه عشان يعرف انه ذنبها

رن جرس الباب قامت دعاء فتحت لقت مها ونجوي

نجوي....ازيك يا دعاء

دعاء....تعالي يا ابله نجوي اتفضلي ادخلي يامها.

مها...في ايه يابت دره مالها.

دعاء....ادخلي الاول

نجوي....فين نبيله يا دعاء.

دعاء....جوه تعالي أدخليلها والنبي وقوليلها كلمتين كش مبطله عياط ومحطتش حاجه في بوئها

دخلت نجوي ووراها مها ودره.

نجوي.....ايه يا نبيله في ايه يا حبيبتي حصل ايه وصوتكم كان جايب اخر الشارع ليه.

اول ما نبيله شافتها حطت ايدها علي وشها وفضلت ټعيط بۏجع زي الاطفال

نبيله....وحدي الله يا نبيله بس

مها......في ايه يا بلبله وحدي الله كده حصل ايه لكل ده.

نبيله....هاتيلها تشرب يا دعاء.

دعاء.....المايه جنبها اهي مش راضيه لا تاكل ولا تشرب.

قربت منها نجوي وطبطبت عليها بحب

نجوي.....اهدي يا نبيله هتتعبي مفيش حاجه ملهاش حل يا اختي

نبيله.....مسحت دموعها وبصتلها إلا الۏجع يا نجوي ملهوش حل يا اختي ومهما الوقت بيعدي بيفضل معلم جوه قلوبنا.

نجوي.....بس طول ما في ناس بنحبها جنبنا وقلبهم علينا حتي لو مقدروش يشيلوا الۏجع من قلوبنا بيقدروا يخففوا شويه عننا.

مها....دره مالها يا بلبله فيها ايه 

نبيله....سمعت بنتها بتكلم ابوها في الموبايل قال بيطمن عليهم وكمان عايز يبعتلهم فلوس من غير ما دره تعرف بيضحك علي عقل عيله صغيره وعامل قلبه عليهم وفاكر نفسه هيمن عليهم بفلوس بنتي الواطي اللي معندهوش قلب ولا ضمير وطبعا دره مشافتش قدامها يا حبة عيني كانت كاتمه في قلبها وساكته عشان متزعلش ولادها بس مقدرتش تمسك نفسها ولا شافت قدامها وإنهارت زي ما سمعتوا ونزلت وهي مش شايفه قصادها.

نجوي....بس مهما كان يا نبيله اكيد العيال هيفضلوا يتكلموا مع ابوهم دره مش اول ولا اخر واحده هتطلق بس العيال ملهاش ذنب ده مهما كان ابوهم يا اختي وليه حق عليهم وليهم عليه حق ولا ايه.

نبيله....الكلام ده لو كان عايزهم ولا أمرهم يهمواااا ابوهم ده رفضهم وقال لدره انه مش عايزهم وقالها اخرجوا من حياتي