رواية كاملة ورائعه للكاتبة أميرة اسامه ابن ليل الجزء الثالث
الاتنين مبيحسوش والاتنين مقصرين والدليل انهم نسيوا كل حاجه و واقفين في وش بعض.
هيما....بعد صمت دام دقايق احممم حسن مش هينفع كده الخلق رايحه جايه بتتفرج علينا والاتنين دول مش هينفع يفضلوا مع بعض وهما في حالتهم دي انا هاخد دارين شويه وانت خد البنات معاك وشويه لما يهدوا نتقابل هتطمن عليها معايا ولا في مشكله يا صاحبي
حسن.....مشكله ايه يا هيما عيب عليك روحوا شويه وابقي كلمني نعرفك احنا فين
هيما....تمام يا صاحبي يلا يا دارين
فضلت دارين واقفه نفس وقفتها دموعها نازله وباصه لدانه ومش بتنطق
هيما...... داااااارين يلا معايا مد ايده لكتفها عشان تتحرك واول ما اتحركت ناحيه العربيه بعد ايده فتحلها الباب وراح ركب ومشي بيها.
حسن......لدانه بإبتسامه هاديه ايه مش نبطلوا عياط بقي ونهدوا كده
احمد....ايه رأيكم ندخلوا نقعد علي الشط مع بعض الجو هادي ومفيش حد هيتفرج علينا
محمد.....اه يبقي احسن ايه رايكم يا بنات مش كان نفسكم تقعدوا علي الرمل
سماح....بيتهيألي كده مفيهاش جامعه
حسن....بضحك لا جامعه ايه بقي كل سنه وانتي طيبه
ديما.....انا عايزه اقعد مش قادره اقف
حسن....طيب تعالي يلا ندخلوا جوه هتعرفوا تنطوا من السور ولا هتفضحونا
محمد....مافي سلم في اخر السور ولا انت حنيت لايام الهروب من المدرسه
حسن....بضحك لا مفيش حيل نمشي كل ده هننطوا من هنا وبصراحه ليا مزاج اشوف دانه وديما وهما بينطوا
محمد....احيه دول هيفضحونا
ابتسمت دانه بهدوء هي وديما
سماح ...ايوه كده اضحكوا
حسن....يلا نسمي الله وننط
دانه.....انا مش هعرف
محمد.....ياستي تعالي بس دي تجربه جديده متضيعيش الفرصه خدها محمد نط هو الاول وبعدين قعدت علي السور ومسك ايدها ونطت وبعدين نزلوا ديما
سماح نطت لوحدها.
حسن.....شايفين بنات اسكندريه اللي متعودين
سماح....عيب عليك
نط حسن واحمد ودخلوا جوه مشيوا علي الرمل لحد ما وصلوا قدام البحر وقعدوا كلهم علي الارض.
....................
اما عند كرم ودره فضل كرم يلف بيها شويه لما لقاها سانده علي الشباك وهديت حب انه يسيبها براحتها ويفضل يلف بالعربيه قدام البحر عشان عارف ان دره بتحب شكل البحر من بعيد واخيرا قرر انه يقف وينزلوا عشان
بتكلم معاها وقف قدام المارينا اللي عليها ابن ليل
كرم.....يلا يا دره انزلي
فضلت دره سرحانه ومش بترد
كرم....دره دره
بصتله دره وحزن الدنيا في عينها
كرم....يلا انزلي وصلنا
دره....وصلنا فين
كرم.....هنقعدوا شويه في ابن ليل
دره.....لا مش عايزه
كرم....بأبتسامه هاديه مش بمزاجك علي فكره هتنزلي ڠصب عنك يا اما هضطر أشيلك وانزل بيكي وانتي عارفه كلك علي بعض شبر ونص يعني هشيلك بأيد واحده
دره....كرم انا مش هنزل بقولك وياريت تسيبني انا عايزه نفضل لوحدي
كرم.....اممممم شكلك هتغلبيني وانا كنت بنتكلم بذوق غمزلها وانتي شكلك ليكي في العڼف
دره.....بتنهيده كرررررم ارجوك سيبني
قفل كرم العربيه وشال منها المفتاح ونزل فتحلها الباب ووقف قدامها
كرم....يلا
دره....مش هنزل يا كرم قولتلك
وطي كرم ومسك ايدها خرجها بره العربيه
دره.....كرم انت اكيد مش هتاخدني ڠصب عني
كرم....والله لو اضطرتيني لكده هاخدك ڠصب عنك مش محتاجه سؤال فا من رأيي تنزلي وانتي ساكته عشان انتي عارفه اني مش هرجع في كلامي.
دره.....انت عارف اني مش هقدر يا كرم وعارف اني بنخاف من البحر
كرم.....والله اللي اعرفه انك بتحبيه اكتر ما پتخافي منه إلا لو في حاجه اتغيرت بقي
دره....بنحبه من بعيد لكن من قريب بنخاف منه
كرم.....مش يمكن پتخافي منه عشان محاولتيش تقربي وترمي روحك في حضنه
بصتله دره وهي عينها كلها دموع
كرم....بإرتباك بسيط ااا البحر !!! قصدي علي البحر يا دره وعموما ياستي مټخافيش هنقعدوا بس في اللانش مش هنتحركوا بيه
دره...احمم تمام يا كرم
كرم.....يلا تعالي.
نزلت دره معاه وراحوا مع بعض طلع كرم الاول ومدلها ايده بهدوء
بصتله دره وبصت لايده
كرم....اطلعي يا دره يلا انا معاكي
دره....طيب خلينا هنا او خلينا في العربيه
كرم....اطلعي يا دره مټخافيش.
مدت دره ايدها لكرم ومسكت في ايده وطلعت براحه ډخلها كرم قعدها جوه وبصلها
كرم....ثواني وراجع
دره....پخوف رايح فين
كرم....بإبتسامه مټخافيش راجع هنكلم عبدالله نطمنوا عليكي ونرجعوا
هزت دره راسها وقعدت تاني
نزل كرم من علي اللانش واتصل علي عبدالله.
........
قبل ما يتصل بدقايق نزلت مها ومعاها علبه فيها ساندوتشات لزكريا وعبدالله.
زكريا....مليش نفس يا بنتي والله
مها.....ملكش نفس ده ايه طب تعدمني لو ما كلت
زكريا....بعد الشړ عنك يا بنتي
رفاعي....خد من ايدها بقي يا زكريا ومتكسفهاش تعالي يا عبدالله يا ابني كل حاجه عشان تقدر تشوف شغلك.
مها....لا بنقولكم ايه انا مش هنمشوا غير لو كلتوا انا اكلت بلبله ودعاء ودره والبنات كرم والعيال مش هيسيبوهم ناقص انتوا يلا كلوا
رفاعي....مش هتخلصوا منها دي بنتي وانا عارفها
مها....قولهم يابا اني زنانه و رغايه ومش هيخلصوا مني غير لو كلوا
رفاعي....يلا يا زكريا يلا يا عبدالله يابني وسيبوها علي الله ومتقلقوش علي دره دي بمېت راجل
مها....يلا بقي متكسفوش ايدي
زكريا.....تسلم ايدك يا بنتي من يد ما نعدمها هاتي يابنتي تعالي يا عبدالله كلك لقمه انت مكلتش.
وقف منكش باصص عليهم من بعيد وحاسس انه هيتجنن
منكش.....لنفسه ماهو يا أما دي الكاميرا الخفيه يا أما بيصوروا مسلسل الصلح خير قوم نتصالح عشان يلحقوا موسم رمضان يا اما اللي بنشوفوا
