رواية كاملة ورائعه للكاتبة أميرة اسامه ابن ليل الجزء الرابع
غريبه بتحصل وشكه كان في محله خصوصا بعد كدب بكر عليه لاول مره
دخل محمد علي مها في المطبخ
محمد مهااااا
اتخضت مها وصوتت وقفلت الدرج بتاع المطبخ علي صباعها
مها اااااه
محمد في ايه وريني ايدك حصلها ايه
مها انا ياولا مش قولتلك الف مره متدخلش زي الثور كده بنتخض
محمد بضحك طب حقك عليا وريني صباعك طيب
محمد طب تعالي حطيه تحت المايه
مها منك لله هننشروا ازاي الوقت
محمد ياستي حطي صباعك تحت المايه وسيبك من النشير الوقت
مها ولا اسيبني من النشير هتلبسوا لبسكم مبلول هو ده اللي بيجيني من وراكم يا ولاد بكر
محمد ياستي انا ننشرلك ولا تزعلي روحك وبعدين مش قولنالك بلاش نشر وغسيل بليل عايزه تاخدي دور برد تاني مصدقنا خفيتي
محمد ماشي يا ستي يلا روحي اقعدي بره مع ابويا وانا هننشرلك
احمد دخل عليهم
احمد ايه ده في ايه مالك يا مها
مها اخوك خضني و قفلت الدرج علي ايدي
احمد صباعك طار ولا ايه
مها شوف ابن الصرمه بيبشر في وشي طب تصدق هشان لسانك اللي عايز قطعه ده هتدخل تنشر مع اخوك
وهاتي
الشي ده انا هخرجه
مها خد امسك مني ياولا صباعي مطلع ڼار
احمد عشان تعرفي انك ملكيش غيرنا وجوزك قاعد بره سمعك بتصوتي ولا سأل فيكي
مها بتسخني عليه ياواطي وسع كده
احمد بضحك خدي حقك
مها احبه عليك راجل ده انت متهزتش من مكانك حتي
بكر في ايه
بكر مسمعناش والله كنت مركز مع الفيلم وريني كده ايه ده ده هيورم علي فكره
مها واجعني اوي يارب بس ضفري ميقعش
بكر لا مس هيقع هات تلج ياولا
احمد ايوه اقعد ركز في الافلام وسيب مراتك تصوت وفالاخر بتديني اوامر
مها صدقت يا ولا
بكر حط ايده علي دقنه بيستحلفله اخلص يا ابن الكلب
مها سيب ياولا انت وهو الغسيل اللي في ايدكم ده انا هنريحوا صباعي شويه ونقوموا ننشروا
محمد خليكي مرتاحه هننشر احنا
مها ياولا عشان محدش من الشارع ولا الجيران يشوفكم
احمد وفيها ايه لما يشوفونا خارجين من غير هدوم
مها ياولا انا مخلفه رجاله مش عايزه حد يضايقكم من الخلق
اجمد بأبتسامه هنرصولك الغسيل رصه علي المنشر ولا رصه الكحك في الصاجات
ابتسم بكر بحب لولاده
مها بأبتسامه شايف عيالك
بكر مالهم عيالي زي الفل رجاله بصحيح
مها ربنا يخليكم ليا
بكر ويخليكي لينا يا ست الستات ورين صباعك كده
مها ضفري هيقع صح
مها بضحك احيه عليك راجل ما تتلم عيالك جوه
بكر الله هما مالهم
مها بحبك يا بكر
بكر وانا بمۏت فيكي يا قلب بكر من جوه
دخلت دره عشان تنشر كام حاجه بصت علي تحت لمحت محمد واحمد دخلت تاني وسابت الغسيل جنب البلكونه
دانه ايه يا مامي تعبانه ولا ايه اجي انا وديما نحط الغسيل
دره لا لا لا سبيه انا شويه وهننشره
دانه ليه في حاجه
ديما بضحك اكيد الۏحش واقف في البلكونه ومامي بتهرب منه
ابتسمت دره وضړبتها علي راسها براحه
دره اتلمي يا ديما
دانه امال في ايه
دره محمد واحمد واقفين بيحطوا غسيل علي المنشر فا خليهم براحتهم
دانه بعدم فهم طيب وايه المشكله احنا هنقف جنبهم ولا هنقف في البلكونه بتاعتنا
دره لا مش كده بس عشان منحرجهمش
ديما وليه نحرجهم يا مامي مش فاهمه
دره بصوا يابنات يعني في مصر الحجات دي بتعتبر من التزامات الست اكتر اللي هو شغل البيت وكده هو طبعا عادي الامور دي في امريكا او عادي مع اي مغترب بس لو البيت في ست في مصر بالذات بيبقي الموضوع محرج شويه فا لما نشوف حاجه زي دي نسيبهم براحتهم وبعد لما يخصلوا ندخل عشان ميتحرجوش
دانه طيب ولما هو حاجه محرجه في مصر ليه بيعملوها
دره انا مقولتش حاجه محرجه بس هما ممكن يتحرجوا فا ملهاش داعي نحرجهم كمان ليه بيعملوها مش عارفه بس اكيد بيساعدوا مها ودي حاجه جميله اوي خصوصا ان مها معندهاش بنت تساعدها زيكم
ديما بس انا بشوف حسن بيساعد طنط دعاء وبيساعد بلبله ومش بيبقي محروج مننا
دره يمكن عشان اتعود عليكم و يمكن كمان عشان مساعدته دي مش بتتخطي غير انه يحضر الاكل ويخرجه علي السفره يشيله معاهم بس لو حصل وشوفتوا حسن بيساعد دعاء في نشر او حاجه زي كده بردوا متحاولوش تخلوه يشوفكم زي ما قولت هو مش بيعمل حاجه غلط وكتر خيره انه بيساعد بس احنا عشان منحرجهوش منحاولش نبين نفسنا
زمان خالكم عبدالله مع كل دخلة عيد او دخلة مدارس او اي مناسبه بلبله كانت تشيل السجاد كله وتقول لعبدالله يساعدها في غسلهم كان من غير اي
تردد يشمر هدومه وهاتك يا دعك في السجاجيد الكل هنا في الشارع متعود علي الحجات دي بس لما يشوفوا ولد او شاب او حتي راجل كبير بيعمل حاجه مش من اختصاصه بيحاولوا يخبوا عينهم عنه عشان ميحرجهوش وانتوا كمان لازم تتعودوا علي العادات دي مش عيب الراجل يساعد مراته ولا
