رواية كاملة ورائعه للكاتبة أميرة اسامه ابن ليل الجزء الرابع

ترجع لمكانها الطبيعي في قلبي يا بكر رجعت عشان تعرف حقيقه جوزها اللي اتخدعت فيه والاهم ان السنين اللي كانت فيها بعيده عني اتاكدت انها مكانتش بتاعتنا مكانش لينا نصيب فيهم مع بعض هي رجعت وعرفت قد ايه انا كنت بحبها ولسه بحبها رجعت حد جديد غير دره بتاعت زمان وشوفت في عينها اللي اتمنيت اشوفه ومقدرتش  
بنات دره عمرهم ما هيكونوا عبئ عليا ولا هيأثروا في حبي ليها مش محتاج اشوف غيرها عشان قلبي مش هيطاوعني اعمل كده وبنت البنوت اللي انت شايف انها هتعوضني دي مش هتقدر تديني اللي محتاجه من دره ولا هتقدر تخليني اشوف الدنيا بعينها بالعكس هي او اي حد مناسب ليا من وجهه نظرك مش هيشوفوا معايا غير ۏجع لاني مش هقدر اديهم فرصه يبصوا في عيني حتي
بكر  انا خاېف عليك يا كرم خاېف عليك يا صاحبي وجعك عامل زي الشريط بيمر قدام عيني طول الوقت مش هتحمل اشوفك بترجع تاني حتي لو خطوه
كرم مش هرجع يا بكر مش هرجع صدقني انا عارف ان خلاص حلمي اللي مستنيه قرب يتحقق
بكر ماشي يا كرم طب ليه مقولتوش لحد الوقت 
كرم هي اللي طلبت مني ده عايزه تخلص كن حوار قضيه يوسف خالص وعايزه تمهد للبنات والاهم دره كان عندها رأي في نظرتكم ليها وكانت عاره انكم مش هتصدقوا انها حبتني في الوقت البسيط ده وهتسألوا امته وازاي زي ما انت سالت كده وكان معاها حق وحبت نستني شويه لحد ما الكل يلاحظ ان في حاجه بينا
بكر اي حد طبيعي هيسأل امته وازاي وهي عارفه ده كويس  بس قضيه ايه مش فاهم
كرم  قضيه رفعاها علي يوسف عشان تجيب حقها وتقفل صفحته دي خالص
بكر وانت ضامن ان صفحته تتقفل بسهوله كده يا كرم او ضامن انها متحنش تاني لعشرة عشرين سنه
كرم بكرررررر انت عايز مني ايه انت سالت في كل حاجه وانا جاوبتك كفايه بقي واقفل الموضوع ده خالص ومش عايزك تدخل في اي حاجه تخصني انا ودره
بكر بۏجع كمان يا صاحبي حاضر انا نصحتك بس اوعدك اني مش هدخل في اي حاجه تاني وانت حر
مشي بكر خطوه عشان يمشي مسكه كرم من ايده
كرم بكر استني متزعلش مني يا صاحبي انا منقصدش والله ولا قاصد اوجعك انا بس مبسوط يا بكر وكنت اتمني اشوف في عينك فرحه ليا
بكر مش هنكدب عليك يا كرم مش هنقدر نفرح مش عارف كل ما بنحاول بنفتكر وجعك ومش هقدر افرح يا كرم غير لما اشوف حلمك متحقق بطريقه تريحك وقتها بس هفرح من قللي واتمنالك انت وهي السعاده
كرم هيحصل يا بكر صدقني هيحصل وقريب اوي اصارحها بس بكل حاجه وبعدين ربنا يحلها
بكر   ان شاء الله يا كرم ويارب يخلف ظني والمرادي تفرح من قلبك ومتتوجعش  
كرم بأبتسامه بسيطه هز راسه يارب يا بكر 
وللحديث بقيه 
شويه و هنزل بارت تاني اطول
أبن_ليل
صاحبة_البطل_الواحد
أميره_اسامه
البارت السادس و الثلاثون  
سماح انت بتقول ايه يا حسن
حسن يابت بنقولك الاسبوع الجاي هنيجي نقروا فتحتك وبكره امي هتيجي تعرف سونه عشان يبقي عندها علم
سماح احيييه طب احلف والنبي احلف
حسن بضحك في ايه يابت المجانين بنقولك والله هنيجي نقروا فتحتك الاسبوع الجاي
سماح مش مصدقه يا حسن حاسه اني بنحلم اوعي تكون عامل فيا قلب ده انا كمت نطب ساكته
حسن يابت مقلب ايه انتي فاكره روحك في الكاميرا الخفيه ولا برنامج الصدمه والله ما بنعملوا فيكي مقلب
سماح طب ازاي وايه اللي حصل ومين فتح الكلام من الاساس انتوا مش كنتوا عازمين عيله الرفاعي ايه اللي جاب سيرة الموضوع ده
حسن ايووووووه يابت بطلي زن بدل ما نقفلوا السكه في وشك واديني فرصه
سماح من فرحتي يا حسن انا قلبي هيقف والله ومش مصدقه
حسن يابت بعد الشړ متقوليش كده يارب انا وانتي لا
سماح بعد الشړ عليك يا ابو علي
احكي يلا بقي
حسن مفيش كل الحكايه اتفقنا احنا والشباب ناخدوا البنات بكره نركبوهم الترام عشان نفرجوهم علي اسكندريه تقوم دانه تقع بلسانها كالعاده قدام الكل وتقولي قول لسماح الجو بتاعك
طبعا الكل سمع وعرفوا اللي حصل وكرم اللي اتصدرلي في الحوار وقال ادام الكل معندهوش اعتراض ايه رأيكم نقرأ فتحتهم الاسبوع الجاي وبما ان حسن فاضل شهر ولا شهر ونص ويخلص دراسه يعني هانت وكده كده معنديش جيش فا ايه يمنع نفرحهم وطبعا الكل وافق  
سماح انا طول عمري بقول علي كيرو جدع وراجل
حسن صراحه طول عمره جدع وليه مواقف متتنسيش
سماح بضحك ودانه اول مره لسانها الفالت ده يعمل حاجه عدله
حسن بضحك بيني وبينك في الاول مكنتش طايقها بس لما الحوار ختم كده قولت عملت فينا معروف
سماح طيب ممكن نسألك سؤال
حسن سؤال واحد بس قولي الف انا معاكي للصبح
سماح بحزن بسيط انا مش قادره اصدق ان الموضوع مشي بسهوله كده هو مفيش عندك اي حد اعترض
حسن بابتسامه وهيعترضوا ليه يابت هما هيلاقوا عروسه ليا احلي ولا احسن منك
سماح حسن انا بنتكلموا جد مش بنهزر
حسن ودين محمد انا كمان بنتكلموا جد انتي يابت مش عارفه قيمة روحك