رواية كاملة ورائعه للكاتبة أميرة اسامه ابن ليل الجزء الرابع
مش موافقه انا كنت فاكره ان لما نيجي نقولك انتي اول واحده هتفرحيلي كنت فاكره ان لما نيجي نقولك اني هنبقي عروسه هنقدر نخرجك من حاله الحزن اللي بقالك فتره فيها وتاخديني في حضنك وتنسي اي زعل وتنسي كرم اللي شقلب حياتك كلهااااا لكن لا انتي لا فرحتي ولا اتمنتيلي الخير والزعل اللي جواكي من رفض كرم ليكي اتحول لڠضب و نااااار
انا لأول مره مش هنسمع كلامك ومش هسيب حسن عشان وجعك اللي انا مليش ذنب فيه اوعي تكوني فكراني مش فهماكي يا سونه قولتهالك انا
اكتر حد فاهمك انتي من يوم ما دره جات وانتي حياتك اتلغبطت من يوم ما اتصالحوا وبقوا كويسين وانتي خاېفه ان صلحهم ده يقرب بين كرم ودره وانتي اكتر حد عارفه ان كرم مهما دره عملت فيه هيسامحها عشان بيحبها وطبعا انتي موجوعه واللي بيحصل مش علب هوي قلبببببك فا تخرجيه علي مين مفيش غيري صح يا سونه
سماح بۏجع بتضربيني ياسونه ده انتي عمرك ما عملتيها واه ياسونه واقفه قدامك وبنقولك اللي بيدور في قلبك ولسانك مش عارف ينطقه انتي قررتي تعلني الحړب علي الكل وادام انتي مش هتطولي كرم يبقي محدش يطول فرح بعدددددك واولهم بنتك
سماح اه انتي يا سونه عملتيها اول مره لما عرفتي اني بنحبه وكنتي عيزاني نشبك مع محمد او احمد او هيما وده ليه عشان تكوني اقرب لكرم ويومها كدبتي احساسي وقولتيلي انتي فاكره اني هنبني سعادتي علي حسابك وانا صدقتك بس انهارده انتي انا بنقولهالك يا سونه انا كنت صح انتي اهم حاجه عندك نفسك وبس ومستعده تعملي اي حاجه عشان تكوني اقرب لكرم ولو معرفتيش يبقي تيجي عليا وتكسري قلبي بس صدقيني يا سونه مش هيحصل
سماح انا تحت رجلك في اي حاجه لكن تيجي عليا عشان اللي في دماغك اه ياسونه هنخرج عن طوعك
سونه ده انا كنت نحطك تحت رجلي ونكسر رقبتك قبل ما تفكري تخرجي عن طوعي
سماح يبقي تفكري فيا زي ما بتفكري في روحك وترضي عشان انا مش هنتجوز غير حسن ويوم ما تفكري ترفضي يا سونه صدقيني هتبقي خسرتيني
ووقفوا مع عبدالله وزكريا ورفاعي وكرم وبكر وكانوا بيتكلموا وبيضحكوا مع بعض
عبدالله خلوا بالكم منهم وحطوهم في عينكم
هيما متقلقش ياعم عبدالله
قرب منهم منكش وهما واقفين وبيتكلموا
منكش لاموأخذه يعني انا كنت واقف وسمعتكم مرمتش ودني ولا حاجه انتوا رايحين لحد الترام
منكش ياجدع عيب متقولش كده انا بس بنقول لو رايحين خدوني في ايدكم وارموني عند الترام
هيما بضحك ما نرموك تحت الترام ونرتاح منك يا منكش
حسن اتكل علي الله يا منكش ملكش مكان معانا خدلك توك توك
منكش بقي كده يا حسن ده انا حبيبك
حسن ولا نعرفك
بكر وهو المعلم صبري رضي عليك وادالك اجازه ولا ايه
منكش اجازه هو ده بتاع اجازات ده منه لله مش هيورد علي جنه
كرم بابتسامه عملك ايه
منكش عايزني نوصل لحد سوق باكوس عشان نجيبوله من تاجر جمله هناك شويه مستلزمات للقهوه
رفاعي طب ما في بتاع الجمله اللي علي الناصيه
منكش تقول ايه بقي راجل معفن قال ايه التاني بينزل جني في كل حاجه عشان صاحبه ربنا ياخده غاوي مرمطه انا
عبدالله معلم صبري
منكش بتنادي عليه وتبيعني بقي كده
هيما خلاص يا منكش صعبت عليا تعالي في مكان في العربيه معايا تعالي يلا
منكش لا تعالي ايه انا لسه قدامي ساعه ماهو البعيد كمان بيتشرط عليا وقالي خلص شغلك الاول وبعدين روح
هيما اتكل علي الله يا منكش كمان عايزنا نستناك شغالين عندك انت ومعلم صبري احنا
منكش بقي كده ماشي يا هيما ليك يوم
كرم امشي يا منكش قبل ما نتغابي عليك
منكش طب سلام انا بقي
ضحكوا كلهم علي منكش
زكريا اهو جاب وراء وخاف من كرم
هيما ماهو بجح مش كفايه بنقوله هناخدك معايا كمان عايزني نستناه ساعه
بكر طب يلا انتوا عشان متتأخروش
راح زكريا ورفاعي قعدوا علي الكراسي جنبهم
محمد ما تكلموا سماح اتأخرت
حسن هنتصل عليها
عبدالله اتصل يا اخويا ما صدقت
كرم بابتسامه ما تهدي علي روحك يا جدع شويه
عبدالله هديت يااخويا
رن موبايل سماح وهي واقفه قدام سونه بصت عليه وهي دموعها نازله
سونه اقفلي المخروب ده ومترديش عليه ومش هتنزلي يا سماح
سماح تمام ولو منزلتش يا سونه هتغيري رأيك وهتوافقي
سونه ايه فاكره انك هتلوي دراعي
سماح ياستي مبنلويش دراعك مش هننزلوا بس قولي انك هتقابلي ابله دعاء وانك هتوافقي ومش هتكسري قلبي
سونه مش هنوافق ومش هنقابل حد معنديش بنات للجواز
سماح يبقي انتي اللي اختارتي ياسونه و لو مش هنكون لحسن يبقي مش هنكون لغيره وهنريحك مني خالص ونموتلك روحي بس يوم ما نروح لربنا هنقوله اني مش هنسامحك علي كسرة قلبي منك يا سونه
فتحت سماح الباب ونزلت جري من البيت
وهي دموعها مغرقه وشها
سونه سمااااح بت يا سماح استني
