رواية كاملة ورائعه للكاتبة أميرة اسامه ابن ليل الجزء الرابع
فكرت تبعد مش هخلي في جيبك دولار ومش بس كده هسجنك وبعدها بدأ يهددني بيكم لانه كان حاسس اني باخد قرار اني ابعد ومش مهم اسيبله كل حاجه المهم ابعد عن شغله القذر ده بس هو شاف ان شغله مينفعش يقف فا بدأ يضغط عليا بيكم كان بيراقبكم وكل ساعه يبعتلي صوره ليكم من اي مكان انتوا فيه من جوه مكتبك من مدرجات البنات في جامعتهم بدأت اتاكد انه بيراقبنا ومش بس كده ده تقريبا كأنه عايش معانا في كل تفاصيل يومنا لدرجه انه كان باعتلي صور من قلب الجنينه بتاعت البيت وانتي والبنات وانا قاعدين مع بعض وقتها حسيت اني بستسلم للكابوس اللي دخلت روحي فيه وسكت بس هو قرر يعلم عليا عشان يضمن اني اشتغل معاه من غير ما انطق وخلاني ساعدته في شغله انا ودينا نفذت معاه اول عمليه وعدت علي خير بس التانيه فشلت فيها وده لاني كنت ضايع ومن كتر خۏفي مكنتش مركز وخسرته كتير وهو اداني مهله اسبوعين ارجع فيها كل اللي خسره وقتها قررت انا ودينا نفكر ازاي هنرجعله كل ده وطبعا دينا وصلت لفكره وهي اننا ناخد منك كل حاجه من غير ما تعرفي ونسد بيها المبلغ اللي خسرناه عشان نتجنب شره وكده كده انتي عملالي توكيل والاهم انك مش هتعرفي لانك مش بتراجعي ورايا وفعلا عملنا كده و مسحت الرسايل اللي جاتلك وقابلت موظفين البنك وعرفتهم انك مسافره ولما رفضوا الفلوس خلصت كل حاجه ومشينا كل حاجه قانوني بس وانتي بعيد عن الصوره وسدينا المبلغ وبعدها بفتره اكتشفت بالصدفه ان دينا كانت بتشتغل معاه برضاها من وراء ضهري قدر يضحك عليها وطمعها بالفلوس قدرت توصله ان انتي والبنات نقطة ضعفي ولعبوا عليا كل اللعبه دي عشان نبعدكم وشغلنا يبقي علي المكشوف وانا اشتغل معاه بتركيز اكبر وعقلي يكون معاه هو وشغله وبس
