الجزء الثاني من رواية مزيج العشق للكاتبة نورهان محسن

قبل المغادرة حيث سئم ڠضب مراد المفرط اسمع انت هببت الدنيا وانت اللي هتصلحها قدامك بالكتير الصبح .. يلا سلام انا هروح علي شغلي
عند الطبيب
تحدث الطبيب بهدوء وهو جالس خلف مكتبه وأمامه أدهم وكارمن احنا بقالنا فترة ماشيين علي العلاج وانا شايف في التحاليل المرة دي أن في تحسن كبير جدا عن الأول
تومضت نظراتهم عليه بأمل وقالت كارمن بحذر حقيقي يا دكتور
أومأ لها الطبيب برأسه متسائلا ايوه انتي لسه بتجيلك اعراض الدوخة والصداع زي الاول
نفت كارمن بسرعة لا خالص راحو بقالهم مدة كبيرة
الطبيب بجدية تمام كدا عايزك تستمري علي العلاج والميعاد الجاي لينا زي ما هو
أدهم بهدوء تمام يا دكتور
كارمن بإبتسامة شكرا لحضرتك
الطبيب ببشاشة العفو ربنا يشفيكي قريب يا بنتي
أمام المستشفي
قال أدهم وهو يسير معها نحو السيارة ملاحظا ابتسامتها شايف التوتر اللي كان ملازمك وجايين في الطريق اختفي
نظرت كارمن إليه بإبتسامة مشرقة ثم تنهدت براحة قائلة بصدق بعد ما سمعت كلام الدكتور انهاردة حاسة أن ربنا هيكرمنا عن قريب ان شاء الله بقيت متفائلة اكتر
قبل جبينها بحب قائلا بإبتسامة يارب يا روحي وهقولهالك تاني انتي وملك عندي بالدنيا
غمغمت كارمن بحب ربنا يخليك لينا حبيبي
قال أدهم مقترحا بلطف طيب بمناسبة ان مزاجك راق ايه رأيك نطنش رجوعنا للشركة ونروح نتغدي في أي مكان
أومأت كارمن برأسها وهي تشعر بأن شهيتها مفتوحة ماشي بس ناكل سمك
ضحك أدهم قائلا بمزح مايضرش نديها فسفور
ليلا في منزل شاهين
جلست نسمة في غرفتها بعد أن تعشت مع والدها وتحدثت معه قليلا كالمعتاد لكن عقلها كان شاردا في مكان آخر تفكر في تلك الرسالة التي تلقتها على هاتفها من رقم غريب ولكن من كلمات المرسل التي اقټحمت قلبها دون جهد عرفت من هو على الفور!!
نظرت نحو الهاتف ثم التقطته وفتحت الرسالة للمرة التي لا تكن تعلم عددها ثم قرأتها مجددا.
إحتدمت بعيني جمرة الغيرة ولم تنخمد لأن حبك جعلني إنسانا ملتهب بڼار مشټعلة ولا أبالي إن أحړقتني بها ولن أعتذر عما بدر مني لأني مغرم بك بروحي وكياني وهذه طريقتي المچنونة في التعبير عن حبي فلا تغضبي منها بل إحتويها بقلبك الذي هو بالنسبة لي بيتي ووطني ومأمني لبقية حياتي.
الوقح
ظهرت ابتسامة صغيرة على شفتيها قبل أن تغلق الهاتف وتضعه على جانبها ثم استلقت على السرير حتي تنام وهي تكرر هذه الكلمات مرارا وتكرارا في ذهنها.
نهاية الفصل السابع والأربعون
توقعتكم
نورهان
الفصل الثامن والأربعون الأخير قلوب عاشقة
في الكتابة لا تقلل من شأن أي شخصية ثانوية لأنها قد تغير مجرى الأحداث بالكامل.
في اليوم التالي
داخل شركة البارون
في مكتب نسمة
تفاجأت بدخوله الهادئ وقد اصابها التوتر عندما تذكرت كلمات رسالته متسائلة بدهشة انت ليه جيت هنا
أجاب عليها ببساطة وهو يجلس أمامها ساندا ظهره بشموخ علي الكرسي بردلك الزيارة علي فكرة انا بشرب القهوة علي الريحة
تمتمت نسمة بإستنكار انا ماسألتكش!
ابتسم لها بسخرية ابتسامة لم تصل لعينيه بدون مرح قائلا ببرود عيب انا ضيفك فين كرم الضيافة!!
قلبت عيناها بتفكير ثم اسدلت بصرها نحو الأوراق علي طاولة مكتبها قائلة بجدية متصنعة دا مكان شغل مش كافيه
سأل مراد وقد قرر تغيير الموضوع بشكل جذري انا لحد دلوقتي معرفتش ليه كنتي متنكرة في شخصية كارمن
فوجئت بتحويله المفاجئ للكلام لكنها اجابت بما حدث بالضبط لكي تغلق هذا الموضوع تماما الموضوع ماكنش كدا ابدا .. دي كانت فكرة استاذ ادهم عشان يتجنبو الصحافة مش اكتر وانا كنت بساعدهم
أومأ بخفة وقال بإبتسامة صغيرة ماشي لما إتنين يكونو زعلانين .. الغلطان بيعتذر و الموضوع بيخلص
نظرت نسمة إليها بعد أن تشكلت عقدة بين حاجبيها وقالت بعناد انت اللي غلطت الأول وكنت وقح معايا
زفر مراد بضجر قائلا بضيق يوووه وانتي يعني لسانك دا ماطولش عليا .. نسمة مش هنفضل نلف وندور علي بعض
حاولت أن تخرج عن اطار ذلك النقاش وقالت بينما ترمش بإضطراب لو سمحت احنا في مكان شغل و ماينفعش تفضل قاعد كدا
ابتسم بجانبية متفهما ما كانت تحاول القيام به هروبا منه فقال بهدوء ممزوج بالاصرار مهما تحوري أنا مش هتحرك من هنا ومابيهمنيش المكان طالما عايز اكون معاكي هكون حتي لو روحتي اخر الارض
لا تعرف لماذا هز هذا الكلام كيانها وجعلها أكثر انجذابا إليه بدلا من نفورها منه لكنها جمعت بعض الأوراق بشكل عشوائي وقالت بسرعة انا عندي اجتماع مهم دلوقتي و مضطرة اروح وانا اسفة لو الكلمة دي هتخليك مبسوط اديني قولتها
وقفت من علي كرسيها ثم تحركت من خلف المكتب سريعا لكنه وقف أمامها مسرعا مانعا إياها من المغادرة وقال بينما ينظر في عينيها بعمق لو تقفي وتسمعيني بدل ما تهربي مني انا هكون مبسوط بجد
عضت علي شفتيها بتوتر يغزو جسدها من قربه وقالت بنبرة مرتجفة مافيش .. حاجة تتقال اكتر من كدا بينا .. كان سوء تفاهم سخيف واعتذرت عنه ومش عايزاك تعتذرلي حتي
رد عليها