رواية كاملة ورائعه بقلم اماني عنان
بس هما بخير
لا ماستناش اشوفهم مش عايزا كلام الله يكرمك ي احمد
هما ف شقتي في مصر الجديدة
انت عزلت
اتحرك بالعربية وكمل كلامه وهو سايق
بعت البيت كله اللي جامبكم وحطيت فلوسي ف قطعة أرض واشتريت شقة متوسطة كدا ف مصر الجديدة
اللهم بارك ربنا فتح عليك ي احمد ولسه زي مانت شيك ورشيق
افهم من كدا انك شيفاني حلو مش زي زمان مش عاجبك ..
ضحكت وقالت بحزن علي قرار خاطئ خدته زمان وسابت احمد الشاب الخجول الصامت واختارت زميل الجامعة الشقي المدردح كريم ..
الكلام دلوقتي مالوش لزمه زمانك اتجوزت وخلفت ..
طلعت علي الشقة كانت في الدور التالت ببلكونة واسعة وفرش كلاسيك بني ف بيج وتحف وانتيكات كلها ذوق وذو قيمة ..
ماما ماما
سارة وسالم ..حبايبي ايه اللي حصل
حكوا له كل حاجة وان عمو احمد هو اللي انقذهم من البرد والمطر
سالم .. بابا مارضيش يفتح لنا الباب واختار مراته وجدو سابنا ومشي
ي حبايبي انا آسفة مش هسيبكم تاني ولا هتبعدوا عني ..
انا متشكره اوووي ب احمد جميلك دا فوق راسي مش هنساه ابدا
يالا ادخلي غيري هدومك عشان تأكلي انتي مش جعانه
استغربت من معاملته وعايزا تسأل فين مراتك أو عيالك عنده 37سنة وعايش بطوله من غير حد أمه ماټت وهو في الكويت نزل ډفنها ورجع غير كدا مش معروف له أهل ..
اخيرا نورتي بيتي
تتجوزيني ي هدي
لا
ايه الرفض الصاډم للمرة التانية علي التوالي دا
مش انا ي احمد اللي يتحرق قلبها بزوجة تانية وتيجي تعمل كدا ف غيرها انت كراجل مش هتحس إنما أنا عارفه أنه چرح صعب اوووي ومابيتنسيش
ومين قالك اني اتجوزت اصلا
سابت الجبنة من أيدها وقفلت باب التلاجة وقالت بلاها عشا كدا كدا النهار قرب يطلع وهيبقي فطار
قرب ومسك أيدها وقال لها تسمحيلي
هتعمل ايه
سمعت حركت مشاعري من هنا وارتبكت
وشدت أيدها وقالت بحدة
ششش ماتكمليش
انتي عمرك ماكنتي متاحة ولا وانتي بنت ولا وانتي مدام ولا وانتي مطلقة واللي يفهم الست كدا يبقي مابيفكرش غير بنصه اللي تحت وبس
احمد انت مقتنع بكلامك دا اخاڤ اصدقك واټصدم تاني ارجوك بلااش انا هدور ع شغل وتصرف ع نفسي وعلي ولادي ومش عايزا اتجوز تاني
اخص عليكي ي هدي
ازاي تفكري كدا وانا موجود والله انا رجعت مصر عشانك انتي اهلي وبلدي فين ماتكوني يكون قدري
طلعت من المطبخ للصالة وهي مش مصدقة ولا قادره تسامح نفسها وتفكر في سرها
بقي أنا رفضت الراجل دا في يوم من الايام واختارت كريم .. كنت غبية اووي كدا ومش فاهمه ف معادن الناس ..
اشربي العصير زمانك عطشانه
ضحكت هدي جامد وقالتله ايوا بان بقي وشربني العصير عشان أغراضك القڈرة
رفع الكوباية ع بوقه وشربها كلها وقال لها
والله انا صادق مش بتاع افلام ثقي فيا بقي
انا آسفة ي احمد بس
حط أيده ع بوقها وقعد علي الأرض وسند ع رجلها وقال أنا مش هتحايل عليكي اكتر من كدا خلي الايام تثبت لك والافعال .. يالا ادخلي نامي جانب الولاد وبكره يحلها ربنا
_______ أماني_عنان _________
في بيت كريم سماح ف موقف صعب وكريم اتوتر وقلق علي ولاده قرب منها وهي لسه في السرير وضربها بالقلم
من أولها بتكدبي عليا طلعتي كدابه ي سماح وفي ايه في حق اولادي
صړخت وعيطت وفضلت تعتذر وتتمسكن
انا آسفة والله لما مالاقيتهمش بره توقعت أنه حس ورجع خد ولاد بنته ماعرفش أنه قاسې وقلبه جامد كدا ..
رجع حافظ لورا وهو بيستغفر وبينادي علي مراته
يالا بينا ي ام هدي من هنا وانتي تستاهلي كريم وحياته بعد ماصعبتي عليا وكنت هرضيكي لاقيتك شيطان وبترمي غلطك وغلطه عليا وع بنتي ..
طلعوا من الشقة يضربوا كف بكف ومحتارين هدي فين
البت فين ي حافظ تكون خدت العيال ومشيت بعيد عننا عشان كلامك ورافضك لهم
ولا يكونوا تاهوا
علمي علمك بس انا مش
هسكت خدي تاكسي وروحي ولو رجعت البيت أو عرفتي اي حاجة كلميني ..
ماتلومش نفسك ي حافظ انت اب وكنت مجروح علي بهدلت بنتك واللي
