رواية كاملة ورائعه بقلم نسمة مالك
بكون عامله حسابه زى ما حمزه عودنى..
كل معانا وكان فرحان جدا..
وبعد ما خلص رفع ايده ودعلنا..
وانا قولتله زى كل مره..
فريده ادعيلى يا عم شحته ان ربنا يحنن قلب ماما وبابا عليا انا واخواتى..
عيونى لمعت فيها الدموع وبتهدد بالنزول..
لكن عم شحته ابتساملى وبص لحمزه وطبطب على ضهره وكأن حمزه فهم هو عايز يقول ايه وقالى..
الا ان من غير اهلك تهلكى..
لكن بيهم اهلك لا تهلك..
صح يا عم شحته..
شاور بدماغه بمعنى صح..
طيب ياراجل يا طيب انا هستأذنك وهاخدها ونروح لأهلها.. ادعلنا ربنا يكتبلنا الخير..
خدنى حمزه واتمشينا لحد
ما وصلنا عند بيت اهلى..
وقفت زى كل مره ابص للبيت بدموع مغرقه وشى..
صعب اوى احساسى..
لو اعرف ايه ذنبنا اننا طلعنا بنات..
علشان يكرهونا كده انا واخواتى..
بس انا بدعلهم..
وديما هاجى ومش هيأس من رحمه ربنا..
فوقت على صوت حمزه وايده وهو بيمسح دموعى..
حمزه وبعدين ياام حمزه كل مره نيجى تعملى كده..
يله
ياحبيبتى خلينا نطلع نحطلهم الحاجه ونجرب نخبط المرادى يمكن يفتحو..
غريدهبعياط هستيرى..
كل مره بنيجى مش بيردو يفتحو..
لحد ما بقى بابا يفتح يرشنا ميه ويقفل فى وشنا..
وبقينا نسيب الحاجه اللى جيبنها معانا ونمشى بسرعه قبل ما يفتح ويرشنا تانى..
تفتكر المرادى لو فتح ورشنا ممكن ياخد باله من بطنى وانى حامل وهو هيبقى جد ويحن عليا
تفتكر ياحمزه ..
حمزه حبيبه قلب حمزه احنا قولنا ايه..
ومشوفش نظره الحزن اللى فى عنيكى دى تانى ابدا..
فريده بعشق..ربنا يباركلى فيك يا احلى حاجه فى دنيتى.. انت عوض ربنا لقلبى ياحمزه ..
ربنا وقعنى فى طريقك من دعوات جدتى ليا الله يرحمها.. كانت ديما تقولى ربنا يجبر قلبك بحب راجل يكون ليكى بعد الاهل اهل..
ويله نطلع عندك حق انا مش هيأس..
ونضرب الجرس ايه يعنى يرشنا بالميه هخبط تانى ويرشنا تانى..
بس مش همشى المرادى غير لما يرضو عنى..
عايزه اولد فى وسطهم ياحمزه..
عايزاهم يعملولى السبوع..
اخواتى هيبقو خالات حنينين اوى ياحمزه..
لټنفجر پبكاء مرير يدمى القلوب..
حمزه هشششش كفايه يا قلب حمزه..
والله ياحبيبتى ما هنمشى المرادى غير وانا منفذلك كل اللى انتى عيزاه..
خدنى من ايدى وطلعنا وقفنا قدام الباب..
وانا قلبى بيدق پعنف وخوف واشتياق..
وقبل ما نخبط..
كان الباب اتفتح..
غمضت عينى بسرعه..
وخبيت الهدايا ورا ضهرى واستعديت للميه اللى هيرميها علينا..
بس سمعت صوت عياط..
ايه اللى انا سمعاه دا!!!
والميه مترمتش علينا ليه
فتحت عينى براحه لقيت بابا عينه على بطنى وبيبكى بصوت مسموع..
وبينادى على ماما بفرحه غريبه..
جمال كريمه يا كريمه..
فريده جت..
نادى البنات قوليلهم اختكم جت..
بصلى وقالى..
اتأخرتى ليه يا بنت الكلب انا مستنيكى من بدرى..
واقفه انا وحمزه
