اسكريبت جميل جدا بقلم الكاتبة فاطيما يوسف

بيحبها 
وكل مرة ترفض وتتحجج إنها لسه مش مستعدة لأي ارتباط علشان التجربة المريرة إللي مرت بيها 
ويتكلم نفسها بشجن اتعودت عليه
_ياه ياأسامة تخيل أنا عاملة إزاي دلوقتى عايشة زي الميتين بالظبط 
إنت رحت للي خلقك واستريحت وأنا هنا بدفع التمن 
التمن إللي بدفعه من سنين من يوم ما عرفتك وفضلت أعافر معاك بكل جهدي وأقف قدام أمي وأبويا والدنيا بحالها علشان حبك إللي خلاني شبه إنسانة 
جت مامتها من وراها وهي بتقول لها بإبتسامة حنونة 
_ حبيبة قلبي عملت لك كوباية الشاي بالنعناع إللي بتعشقيها 
شكرتها هبة وسألتها
_ آمال بابا فين ياماما 
ردت عليها وقالت لها
_ نزل يتمشي في اسكندرية شوية ياستي بيقول شوارعها بتوحشه وأما بيصدق يجي هنا كل إجازة صيف علشان يفضل يلف فيها ويشبع منها وبرده ما بيشبعش 
وطلب مني أتمشي معاه بس أنا قلت له إني هقعد معاكي هنا علي البحر 
ابتسمت لأمها بشرود وقررت خلاص تبدا من معاها الكلام وخلاص لامفر وقوع البلا ولا انتظاره 
وبصت لمامتها وهي بتفرك في إيديها وقالت بلجلجة
_ ماما عايزة أتكلم معاكي في موضوع مهم وخاص جدا ياأمي 
بس ياريت تتقبلي مني وتستنيني لحد ماخلص للآخر وبعدها اعملي فيا إللي إنتي عايزاه 
مسكت مامتها إيديها تطمنها وشاورت لها بعينيها أنها تتكلم وتحكي ومتخافش هي أصلا مستنياها بقالها مدة تترمي في حضنها وتحت رجليها علشان تفضفض بۏجعها 
بدأت هبة تحكي حكايتها من ساعة إللي حصل معاها هي وأسامة يوم كتب الكتاب 
لحد حملها وسقوطها وتعبها وهمها وشلالات الدموع مغرقة وشها وجسمها إللي بيتنفض وهي بتحكي 
كل ده ومامتها كأن سهم وقع علي قلبها ورشق فيه 
وعلي لسانه وأخرصه من إللي بنتها حكته ومش بس كدة واللي عاشته واستحملته كمان 
كل ده وهبة خلصت ومستنية العاصفة إللي بعد الهدوء من مامتها واللي سكوتها رعبها أكتر وأكتر 
وفجأة أخدتها أمها في حضنها وهي بټعيط جامد وبتطبطب عليها جامد وفضلوا الاتنين في حضڼ بعض يعيطيوا ويشهقوا كل واحد فيهم علي ليلاه 
وبعد شوية إتكلمت أمها وهي في حضنها وقالت بقلب متقطع
_ ياحبيبتي يابنتي كل القهر ده عشتيه لوحدك ومفكرتيش تقولي لي!
كل العڈاب والۏجع ده اتحملتيه بطولك من غير حد مايقف يسندك في كل وقعة وقعتيها !
كل الدموع والمرار والألم ده ومفكرتيش تيجي تترمي في حضڼ أمك ياقلب أمك وتشتكي وتفضفضي من الخۏف والړعب !
آه يابنت عمري وقلبي آه ياحبيبتي آه 
وفضلت تحضن فيها وتبوسها من راسها ومن وشها إن بنتها الوحيدة لسه عايشه بعد كل إللي عاشته وحكته 
بتحمد ربنا في نفسها إنها معملتش زي إللي بيعملوا اليومين دول وينتحروا وساعتها كانت ھتموت وراها 
وفضلوا علي حالهم ده لحد ماهديوا وبعدين اتكلمت أمها وهي بتسألها
_ وياتري ندمتي وعرفتي غلطتك إللي ماتعليمتيهاش ببلاش ياحبيبتي ولا لسة مصرة علي موقفك 
مسحت هبة دموعها بايديها وردت علي أمها
_ ندمت على غفلتي ياأمي لكن عمري ماندمت علي حبي لأسامة 
ندمت على عدم تحكمي في نفسي وفي مشاعري وإني محافظتش علي نفسي كفاية لكن ماندمتش علي اختياري لأسامة رغم كل إللي حصل وأنا عايشة زي الميتين 
وخبطت علي قلبها وقالت بدموع 
_ ياريتني كنت مكانك يارتني كنت بدالك يا أسامة ولا إني أعيش محطمة أعيش حياة بلا حياة 
اټرعبت أمها من دعوتها علي نفسها وحطت إيديها علي بوقها وقالت لها 
_ بس ياهبة بس يابنتي متدعيش علي نفسك ياحبيبتي 
ربنا يخليكي ليا وميحرمنيش منك أبدا يابنتي 
ده إنتي روحنا وحياتنا وعمرنا كله 
فداكي كل حاجة ياعمري 
وخلاص إللي حصل حصل وبعدين إنتي كنتي متجوزة علي سنة الله ورسوله مش خاطية أينعم كان مكتوب كتابك وكان لسة قدامك شهرين علي فرحك بس هنعمل ايه مقدر ومكتوب يابنتي 
واللي انكتب علي الجبين لازم تشوفه العين 
خدي راحتك وأنتي بتداوي چروح قلبك وجسمك وروحك وإللي عايزك يقبلك بظروفك إنتي مكنتيش ماشية علي حل شعرك إنتي كنتي متجوزة 
وملكيش دعوة بالناس خالص الناس ولا بيسيبوا السليم في
حالة ولا العيان ولا الصالح ولا الطالح 
وكل واحد مليان عيوب متدارية وهموم مستخبية بتداري ورا الإبتسامة الكذابة 
كل واحد يسيب الناس لرب الناس هو إللي يحاسبهم علي السئ والحسن 
كل واحد يركز في حاله أحلاله ومتقلقيش ياحبيبتي إنتي تعبتي وعانيتي مع جوزك الله يرحمه علشان تصلحي شأنه وكل ده مكتوب عند ربنا واللي عنده مابيتنسيش 
وكملت وهي زعلانة 
بس أنا ليا همسة عتاب عندك 
_ ليه مجتيش لأمك ياقلب أمك وقلتلي علي همك وتعبك وأنا كنت هشيل معاكي ياقلبي 
ليه سبتي الخۏف يتمكن منك ويدمرك وأنا طول عمري معتبراكي صاحبتي وأختي وامي قبل ماتكوني بنتي 
جريت علي أمها وحضنتها جامد واستريحت خلاص والهم إللي في قلبها راح 
بعد ماطمنتها أمها وطبطبت عليها وعلي چروحها ووعدتها إنها هتقف جنبها ومش هتسيبها أبدا للدنيا تخبط فيها وصبرتها إن ربنا هيبعت لها العوض علي حزنها وقهر قلبها إللي يسعدها ويفرحها 
واتفقوا مع بعض إن حملها وسقوطها يندفن وېموت مع اللي ماټ وكفاية بس إن إللي هيرتبط بيها يعرف أنها كانت متجوزها ويا يقبلها ويقدرها علي كدة ياإما سكة السلامة 
وهدتها إنها هتفهم باباها بهدوء وتطمن حتي لو عنفها شوية تستحمل وتعدي 
زي ما كل حاجة بتعدي الألم والأمل بينهم حرف واحد متبدل 
والصبر والجبر برده نفس الحروف بس تحقيقهم مرتبط ببعضه 
وهما في حضڼ بعض فجأة أغنية في الكافيه إللي جمبهم اشتغلت وكانت بتعبر عن إللي
فاطيما_يوسف
همسة_عتاب