رواية كاملة الفصول بقلم الكاتبة سلمي عاطف
منه كل هذا.....
ابعد عينيه عنها ثم تسطح بجانبها واغمض عينيه ليهرب من هذه الذكريات التي تجدد ندبات جديده بقلبه كلما تذكرها...
مر الليل سريعا وصدحت أصوات الديكه تنبيها لسطوح شمس يوم جديد
قامت نسمه لم تجده فقامت لتقوم بروتينها اليومي وجهزت نفسها وجاءت لتفتح الخدامه وجدت ريان فجأه يضع يديه سريعا قبل أن تفتحها وقال هدومك في الضلفه التانيه مش هنا كام مره قولتلك متقربيش من دي عشان دي تخصيني
ريان طيب يلا عشان منتأخرش
دار سؤال برأسها ان ماالذي يخبأه ولا يريدها ان تراه...
مر الوقت ونزلوا لاسفل فأستغربت ناهد وقالت على فين
ريان رايح المزرعه ورايا شغل هناك اسبوع وهاجي
ناهد وواخدها معاك ليه
ريان تغير جو
لوت ناهد فمها وقالت بتهكم تغير جو ااه ومالو تيجوا بالسلامه
بعد رحيلهم نظرت ناهد بكره في أثر نسمه وقالت هسيبك. تتهني يومين لكن وحياة امك لهكرهك في عيشتك وكمان خليتي ابني يبقي في صفك وربي لاعلمك الادب...
عند نسمه وريان وصلوا بعد وقت الي المزرعه واعجبت نسمه كثيرا يالمناظر الطبيعه وبدات ان تنسى حزنها قليلا...
دلفوا الي بيت المزرعه وكادو ان يدخلوا حتى سمعوا صوت يقول والله عال ياسي ريان تيجي من غير ماتسلم عليا
وضعت الصغيره يديها في خصرها وقالت كده متجيش تسأل عليا ومين الحلوه دي پتخوني ياعزمي
ضحك ريان عليها وحملها وقبل خديها وقالوحشتني لماضتك يازقرده امال ابوكي فين
كادت ان ترد ولكن جاءه صوت يقولانا هنا ياكبير
نظر ريان بسعاده الي صديقه عمر وسلم عليه بحبور ثم اردف عمر من زمان مجتش هنا ليك وحشه
عمر ماتخليك شويه
ريانانت عارف مينغعش عشان ورايا شغل في البلد كمان ومينفعش اتأخر
عمر ربنا معاك ياصاحبي ثم نظر عمر الي نسمه وقال بتساؤل وهمس لريان وقال مين دي
اقترب ريان من نسمه وقال نسمه مراتي
عمر بسعاده بجد هي دي نسمه الي...
نظره من ريان جعلته يصمت وقال اهلا
دلف جميعهم الي الداخل وكانت تشاهده من الأعلى يضحك مع الصغيره ومتغير تماما تزمرت وقالت يديني انا بوز ويبرق ليا وضحكته وصلت أمريكا اما بتوصل من الجعير راجل عنده انفصام هووف انا رخم ذهبت للغرفه بتذمر كي ترتب الثياب وعقلها مشغول بماذا كان يقصد صديقه يجب أن تعرف ماذا يخبئ غريب الأطوار هذا...
صعد للأعلى ودلف للغرفه وفجاه حل الڠصب الشديد على وجهه وقال بصوت عالي نسمااااااه
باااااس الفصل خلصصص
مستنيه ارائكم
بقلم salma Atef
الفصل السابع
صعد للأعلى ودلف للغرفه وفجاه حل الڠصب الشديد على وجهه وقال بصوت عالي نسمااااااه
كانت تمسك كتاب مذاكراته وكادت ان تفتحه وماان سمعت صوته حتى انتفض جسدها ووقع الكتاب منها
نسمه پخوف انا.. انا..
اقترب منها والڠضب يتطاير من عينيه وامسك معصمها بقوه وقال بصوت هادر انا مش قولتلك متلمسيش حاجه تخصيني انتي مش بتفهمي
نسمه بصوت مخڼوق مقصدش انا انا كنت برتب الهدوم ولقيته م.. م مفتحتوش
شدد على يديها بقوه اكبر وقال مين قالك تلمسي شنطتي اصلا معتش ليكي دعوه بحاجتي فااااهمه
بدأت في البكاء ولم ترد عليه
ريان پغضب يوووه كل مااقول كلمه ټعيطي سمعتي انا قولت اييي
نسمه بصوت متحشرج ح. حاضر
نظر لها پغضب ثم دفشها واخذ الكتاب من الارضيه
وخرح من الغرفه وأغلق الباب خلفه بقوه...
وقفت مكانها تنظر في اثره وتبكي پقهر على حالها ذهبت للشرفه وجلست في ارضيتها وظلت تنظر للسماء وتبكي ماالذي فعلته خاطئ بحقه كيف تغير الزمن واصبح شخصا لا تعرفه كان هو من يزيل چروحها في الماضي اصبح هو من يفعلها الآن....
مسحت دموعها وقامت حتى تصلي وبعدها تهرب في النوم من الأحزان كالعاده عل الأحلام تضمد چراحها وتبحث عن ابتسامتها التي سړقت منها عنوه...
في مكان آخر في كلية مي
رغده بت يامي مش ده مراد ابن عمك الي واقف هناك ده
مي بزهق اه هو يادي النيله هو عايز اي تاني.
رغده شكله بيحبك يامي حرام اي الي بتعمليه في الراجل ده
مي يابنتي انا مش عايزه اعلق نفسي بالمواضيع دي دلوقتي انا عايزه اخلص جامعه واعمل ماجستير
رغده خليكي ياختي لحد ماالواد هيطير منك انتي الخسرانه يلا انا همشي سلام
مي سلام
كادت مي تخرج من الجامعه وهي تتصنع انها لم تراه وكادت ان تخرج الا انها سمعت ندائه
مراد مي
مي بعصبيه في اي يامراد جاي هنا ليه
مراد بحزن من طريقتها مفيش انا اسف اني ضايقتك عن اذنك
مشي وتركها بينما هي حاولت مناداته ولكنه اكمل طريقه وركب سيارته وانطلق لوجهته
لامت مي نفسها على طريقتها معه وقررت ان تحدثه وتعتذر منه...
اما علي الجانب الآخر
شعرت بيد تملس على وجهها بحنان وتقول بصوت حاني نسمه حبيبتي
فتحت عينيها وابتسمت وقالت احنا فين
ابستم لها وقال. طايرين
قامت بدهشه وقالت انت موديني فين
ريان هخطفك
ابتسمت له وقالت احلي خطڤ ده و لا اي واكملت انا بحبك اوي
ريان وانا كمان بحبك اووي
وفجأه دون سابق انذار
قامت من الفراش بفزع وقالت سلام قولا من رب رحيم أعوذ بالله من الشيطان الرجيم اكيد شيطان اي الحلم ده مستحيل لا طبعا
قامت وهي تحرك رأسها برفض على ماحلمت به وغسلت وجهها ثم خرجت الي الشرفه لكي ټشتم بعض الهواء لشعورها بالاختناق
وقفت في الشرفه قليلا وفجأه سمعت صوت باب الغرفه فعلمت انه جاء خرجت له حينما استمعت له يناديها
نسمه نعم
ريان بنت عمي وامها جايين يباركوا لينا وزمانهم في الطريق فجهزي نفسك
نسمه بتهكم جيهان وامها
ريان اه
نسمه بس انا مش عايزه اقابلهم جيهان پتكرهني وبتقعد تلقح عليا بالكلام
ريان مليش دعوه بالكلام ده مينفعش متقابلهمش يلا جهزي نفسك مينفعش متقابلهمش
نسمه قولهم اي حاجه تعبانه اي حاجه انا فعلا مش قادره حرفيا انا تعبانه وعايزه انام
ريان انا هنزل لو مجهزتيش ونزلتي تصرفي مش هيعجبك يلا
ثم تركها وذهب
ضړبت ارجلها بالارضيه بضجر وقالت حسبي الله انسان متسلط يارب صبرني علي العاهات الي جايه دي يارب
ارتدت عباءه بيتيه عليها حجاب مناسب ثم نزلت لاسفل حينما استمعت لصوته يخبرنا انهم على الباب
نزلت لاسفل ونظرت له بتهكم ولكن لم يعيرها انتباه وذهبوا للباب كي يفتحوا لهم..
ريان اهلا وسهلا ازيك يامرات عمي
ناديه ازيك ياحبيبي مبروك
ريان الله يبارك فيكي
جيهان ريااان وحشنييي اووي
ريان ازيك يا جيهان
نظرت له بحب وقالت بخير طول ماانت بخير
اشاح نظره عنها ثم قال اتفضلوا اتفضلوا
دخلت جيهان وناديه ولم يعيروا نسمه اي انتباه كأنها ليست موجوده
جيهان مبروك يانسمه انتي محظوظه بريان مين كان يصدق
نسمه شوفي قدر عقبالك كده واكملت بهمس لما نخلص منك
جيهان بتقولي حاجه ياحبيبتي
نسمه ابدا بكح
جيهان ااه اوكي الا قوليلي العبايه الي انتي لابسها دي بتاعة ستك شكلها بيئه اووي متزعليش مني انا بدي رأي بس
ابتسمت نسمه لها بإقنضاب وقالت بسرها الله يرحم ابوكي كان بيشرب العصير في
