قصة جميلة جدا كاملة الفصول بقلم الكاتبة ريحانة الجنة
للناس
فريدة بتأفف يوووو بقي هو انت كدة غاوي تقلقل من نفسك طيب ده مافيش حد مابيجيش يسألني علي سؤال علشان ابلغك بيه وترد عليهم
حذيفة پخوف من الفتنة اللي بتخبط علي بابه والحمل الكبير اللي مش اي حد يقدر يشيله استغرب
حذيفة بدهشة ليه يا امي! كنت الشيخ ابن عثيمين أمي الله يباركلك انتي بتفتحي عليا باب انا مش قده انا زي ما قولتلك لو بدرس علم شرعي علشان نفسي واهلي مش علشان افتي للناس
عفاف تبقي طالق بالثلاثة ولا ايه !
حذيفة مسك راسه بعصبية وانا مالي يا أمي تروح دار الافتاء وتسأل هناك بس علي
فكرة مش الست اللي تتسأل عن يمين الطلاق الراجل هو اللي يتسأل لان اليمين في يد الرجل مش المرأة وهو ادري حد بنيته لو سألت ماحدش هيرد عليها لازم زوجها هو اللي يسأل
فريدة بقلة حيلة خلاص اتفضل انزل وانا هبلغ الغلبانة دي تتصرف وانت يارب تكون مبسوط وانت بتصغر امك كدة وسط الناس الناس تتعشم فينا واحنا نصدهم
حذيفة قرب من امه بهدوء يا أمي الفتوي دي حمل تقيل مش سهل و الفتوي بغير علم ده ذنب كبير يرضيكي علشان الناس افتي بغير علم واتحاسب انا واغضب ربنا علشان خاطر الناس !
حذيفة ابتسم ربنا بيرضي عننا لما نمتثل لأوامره ونتجنب نواهيه ومعاصيه
واتنهد بتعب ممكن بقي انزل
فريدة ابتسمت بالسلامة يا نور عيني
حذيفة كمل لبسه بسرعة وفتح الباب علشان ينزل
فريدة بصوت عالي يا ابني الاكل استني
مشي خطوتين وامه ندهت عليه تاني وهو بينزل علي السلم
فريدة بصوت عالي حذيفة حذيفة استني نست اقولك
حذيفة كان نزل بسرعة عايز يهرب من اسالتها وبصوت عالي
حذيفة لما ارجع يا امي بالليل اتاخرت سلام
فريدة لوت بغيظ منه ااااخ منك انت واد مناكف بس والله كنت عايزة اقولك علي السكان الجداد بس ياللا ابوك يقولك
في ورشة الحاج بلال
حذيفة دخل الورشة لقي والده خارج من مكتبه ووراه الدكتور الصيدلي حذيفة مسح وشه پغضب من نفسه وتأنيب بسبب شكل والده المجهد والتعب الواضح عليه وعلشان كدة كان بياخد حقنة المسكن
الحاج بلال ابتسم بتعب وهو بيقعد علي الكرسي اهلا بشيخنا حمد لله علي سلامتك حبيبي
حذيفة حقك عليا يا حاج والله
كان عندي محاضرات كتيير واتاخرت في الطريق انا السبب في تعبك ده
انور الصيدلي يا شيخنا الحاج زي الفل مافهوش حاجة ده صحته احسن مني ومنك
الحاج بلال ضحك بتعب هههههههه يا دكتور انور خلاص بقي ده كان زمان الصحة خلاص ولت
حذيفة ضحك ماتقولش كدة يا حاج الدكتور انور عنده حق انت لسة شباب
الحاج بلال يا ابني هو احنا هناخد زمنا وزمن غيرنا الحمد لله ربنا بس يديم عليا شوية الصحة دول لحد ما اموت مش عايز ابقي حمل عليك اكتر من كدة
حذيفة بعصبية حمل! حمل ايه يا حاج ده انا اشيلك فوق راسي اوعي تقول كدة
انور فضل يمشي ويسيبهم احممم طيب استأذن انا علشان علا لوحدها في الصيدلية وهي كمان عندها مذاكرة دي لسة بتقول يا هادي يادوب اولي صيدلة
حذيفة اتنهد بضيق ربنا يخليهالك يا دكتور اتفضل انت
خرج انور وحذيفة قعد جنب ابوه ينفع اللي بتقوله ده طب دي للبنت اللي لسة ما طلعتش من البيضة بتساعد ابوها في الصيدلية اهو وبتروح جامعتها وتذاكر يبقي لما تلمحلي بكلامك ده ابقي في عينك مش راجل ولا قد الحمل والمسؤلية
الحاج بلال بنفي لا لا لا يا ابني اقسم بالله
ما اقصد انا بس حاسس ان الحمل عليك تقيل جامعة ومذاكرة والورشة وشغلها وكمان دكاترة ومشاوير ليا ولامك يعني وانت لسة شاب من حقك تعيش سنك انا حاسس اني كبرتك قبل اوانك
حذيفة ابتسم يا حاج انت عملت معايا احسن معروف في حياتي ربتني اني ابقي راجل وقد المسؤلية اللي كتيير في سني ويمكن اكبر مايقدروش عليها ثم شغلي في الورشة ده بيفدني
