قصة جميلة جدا كاملة الفصول بقلم الكاتبة ريحانة الجنة
من تغيره ده.. وتخيلت عصبيته واغضبه دول بسببها انها بتكبر ووحملها عليه بيكبر....وجه قبل فرح مصعب بيوم واخدها يشتريلها فستان تحضر بيه الفرح....وكان يوم متعب وكله جنون بسبب غريته من كل حد يبصلها ..حتي الستات والبنات بتتعجب من جمالها. ..وهما في محل الفساتين...
حذيفة بضيق يا مدام الله يرضي عليكي ..دي حاجات سوارية ومش مناسبة لسنها. انا عايز حاجة هادية ورقيقة تناسب سنها .
چوري بتكتم ضحكتها من شكل حذيفة الغيران...وهو بيغلي استغفر الله ..ياستي قولي اللهم بارك..دي عيلة اصلا عروسة ايه بس...بصي انا همشي واضح انك مش هتساعديني..
البياعة ههههههههههه...خلاص.. خلاص يا شيخ مايبقاش خلقك ضيق كدة...انا عرفت طلبك وهجيبه تعالي معايا فوق..
طلع حذيفة هو الاول والبياعة استغربت وچوري ضحكت ووشوشتها علشان مايبصش علينا واحنا قصاده فطلع هو الاول واحنا وراه..
البياعة هههه ده ماشاء الله عليه ..راجل بجد..ربنا يحميه ويخلهولك...تعالي بقي انا هجبلك شوية فساتين يجننوا زيك كدة يا قمر انتي...
چوري ابتسمت جميل اوي يا
ابيه هقيسه...
دخلت چوري قاست فستانها والبياعة
جهزتلها حجاب مناسب ليه يشبهه..وساعدتها في لبسه وخرجت لحذيفة ....حذيفة لسة بيفرج ويشوف حاجة مناسبة كمان وفجاة هي خرجت قصاده وعنيه وقعت عليها وڠصب عنه عنيه ثبتت مش قادر يبعدها....من جمالها...اكنها رسمة علي لوحة بتنطق وتتكلم ..قربت منه بتبتسم بخجل من شكله وهو معحب بيها.
حذيفة ابتسم اللهم بارك..انتي جميلة اوي فعلا...انتي بتحلي اي حاجة تلبسيها ...
چوري مبسوطة انه بصلها ومابعدش نظره عنها بجد يا ابيه انا حلوة عجبتك يعني...يعني انا كبرت صح ..
حذيفة اكنه كان تايه وكلمتها فوقته ورجعته للواقع بعد نظره عنه واهو بيستغفر ويأنب نفسه من تاني احممم..اااه ..ااه جميلة والفستان جميل ..ادخلي بقي غيري هدومك اتأخرنا...
حذيفة غمض عنيه پغضب وغيره ياربي اعمل ايه بس.. فتنة واتفتنت بيها ...دي معايا وفي بيتي..هعمل ايه بس...وافتكر الفرح ..يا نههههاري..ولا الفرح ده كمان لما تروح وهي كدة ..هيحصل هناك ايه....ده انا اللي اسمي انا...هتجنن من جمالها..اومال بقي الناس ولا الشباب الصغيرة..يارب . يارب ..ارحمني انا كدة بضيع وهضيعها...وهضيع الناس كمان ....
مر اليوم وحذيفة عقله مش بيهدأ شايل هم التجمع والفرح والناس ...لحد ما عدي اليوم وجاء الليل وبدأ الكل يجهز ..
چويرية لبست فستانها وحجابها وكانت جميلة جداااا وكانت واقفة قصاد المرايا بسعادة وبرائة وبتلف حاولين نفسها وبتضحك..واتنهدت بحلم برئ...يا تري هعجبك يا ابيه ..اممممم..وعقدت حاجبها...يا خۏفي لللبنات تفضل تبصلك وتعاكس فيك...وانت جميل كدة وتجنن .ااااه طب اعمل فيك ايه بس ..والله لو واحدة بصتلك لخرم عنيها واعميها هاه بس ....
ودخلتلها فريدة بتضحك علي حالها..
فريدة ههههههههههه..يخيبك يا چوري انتي اټجننتي ولا ايه بتكلمي نفسك يا بنتي ....سلامة عقلك ...
چوري ههههههههههه...اااه اټجننت يا مامتي وربنا يسامحه اللي مجنني بقي ...
فريدة ههههههه .وده يبقي مين بقي ده ان شاء الله... .
چوري غمضت عنيها واتنهدت عقلي يا ماما عقلي ...اللي تعابني..وبعدين ضحكت بشقاوة ...بس قولي بقي ايه رئيك فيا وفي فستاني حلوة صح ..
فريدة بإعجاب بسم الله عليكي زي
القمر عقبال فستان فرحك وربنا يديني العمر كدة والبسهولك بإيدي وافرح بيكي يا حبيبة ماما..
چوري بقوة وحب حبيبتي يا مامتي ...احن ام في الدنيا...عارفة متهيألي ماما الله يرحمها ماكنتش هتجبني كدة ولا هتكون حنينة عليا للدرجة دي..
فريدة ابتسمت بحزن خرجتها من وهي بتظبطلها حجابها اوعي تقولي كدة....مهما عوضناكي مافيش حد بيعوض الام والاب...ودنيا الله يرحمها كانت نسمة وحنية الدنيا فيها...دي في الفترة اللي عاشرتني فيهم ....بقت بنتي والله ..الله يرحمها كانت روحها فيكي...
چوري بحزن هو انا ليه ماحدش من اهل ماما وبابا بيسأل عني ولا بيزرني...انا حتي ما اعرفش شكلهم ...هما للدرجة
