قصة جميلة جدا كاملة الفصول بقلم مني محمود الجزء الثاني

ضحكت علي طريقتة و فضلت اشجع سليم اللي كان مبسوط جدا و اندمج بسهولة مع باقي الاطفال واللي حد كبير كان بيفهم اللي حمزة بيقولوا و بينفذة كنت مبسوطة اد ايه احساس السعادة اللي بعد التعب والصبر بيكون حلو اوي وانا في التمرين تلفوني رن برقم هند و دريت
ميرنا ... الو 
هند ... ميمو ازيك عاملين اية 
ميرنا ... تمام انتي عامله ايه 
هند ... بخير الحمد لله اومال فين سولي
وحشني اوي 
ميرنا ... لا سولي مش فضيلك خلاص بقا ديما مشغول 
هند ... يا سلام مشغول ف ايه بقا انهاردة مش يوم جلسات انا عارفه مواعيد جلساتة 
ميرنا ... احنا في النادي عندة تمرين سباحة و بعدة ب نص ساعه تمرين جمباز 
هند بفرحة ... بسم الله ماشاء الله حبيب عمتو ربنا يحقظة 
ميرنا ... اللهم امين يارب
هند بتردد ... يعني انتم في انهي نادي 
ميرنا ... اشمعني 
هند .. يعني لو ا قدامكم شوية كنت يعني 
ميرنا ... عايزة تشوفية 
هند بسرعه ... اه وحشني اوي يا ميرنا و مكسوفة اقولك اجيلو
ميرنا ... هبعتلك لوكيشن بمكانا ياعبيطة انتي بس متتاخريش عشان ع مايخلص هيكون عايز ينام
هند ... فريرة وهكون قدامك يلا باي
ميرنا .. باي
_ وفعلا في وقت قليل كانت وصلت وكان باين اوي أنها مشتاقة ل سليم وكانت مبسوطة وهي شيفاة مختلف تماما عن ماكان أهلها مصورين ليها و لنفسهم هو كمان اتجاوب معاها كان مبسووووط اوي وتاني يوم لاقتها بتكلمني تاني 
ميرنا ... اية دا خير يومين ورا بعض 
هند بتوتر .. ازيك يا ميمو 
ميرنا .. مالك يا هند في اية 
هند .. مفيش بس احم بصراحة بابا لما حكتلة علي سليم طلب مني اقولك أنة نفسة يشوفو 
ميرنا بترقب .. والدك بس 
هند بحزن ... اه يا ميرنا بابا بس ممكن هو قالي مضغطش عليكي بس صدقيني هو
نفسه اوي يشوف سليم بليز وافقي
ميرنا ... معنديش مشكلة يا هند انتي عارفه مواعيدنا ف النادي يجي معاكي اي وقت يناسبة زي ما يحب 
هند بفرحة ... شكرا شكرا اوي يا ميرنا 
ميرنا ... بس يا عبيطة انتي ويلا بقا ورايا شغل مش فضيالك
_ قفلت معاها و حسيت بحزن علي حال ابني ابني اللي يعتبر يتيم و أبوة عايش و موجه كل حبه و حنانة و اهتمامة ل ولادة التانين ونسي سليم تماما سالت نفسي معقول مبيحسش أنه وحشه مش بيشتقلة طب حتي معندوش فضول يعرف وصل ل فين طب ما هند حكت ل عمي محي يعني اكيد كلهم عرفو ازاي مبقاش جواة اي احساس لابنة بالشكل دا دموعي نزلت من غير ما احس ولاقيت ايد سليم بتسمح دموعي و بيشاورلي علي صدرلة وبيقولي 
سليم ... م ما ما نامي هنا نامي هنا 
ميرنا ... مساء الخير هو احنا جينا بدري ولا ايه
حمزة .. مساء النور لا ياستي دا معظم الأطفال انهاردة اوف صدفة غريبه وبص ل سليم. يلا روح ل كابتن نهي علي ما اجيلك 
سليم .. حاضر 
حمزة ... هو ممكن اسالك سؤال شخصي شوية 
ميرنا ... خير يا كابتن 
حمزة ... هو والد سليم مش بيجي ليه معاه انا بلاحظ نظرة الحزن اللي في عنيه لما بيشوف طفل مع أبوة 
ميرنا بحزن ... انا كمان بشوفه بس هعمل ايه 
حمزة بصلها باستفسار 
ميرنا ... انا و والدة منفصلين من وهو على سنة و تقريبا مشفش والدة من سنتين 
حمزة .. ليه كدة الولد ملوش دخل ب مشاكلكم دي ومفروض تحرصي علي أن علاقتهم تكون كويسه عن كدة 
ميرنا بۏجع ... اجبرة يعني هو مش عايزه اعمل انا ايه 
حمزة باستغراب ... نعم ! مش عايزة ازاي 
ميرنا بضيق ... لو سمحت 
قاطع جملتها صوت هند ... ميمووو احنا جينا 
ميرنا ... اهلا يا هنود ... ازيك يا عمي 
محي ... الحمد لله يا بنتي انتي عامله ايه
ميرنا ... الحمد لله . افتكرت وجود حمزة واللي واقف والفضول هينط من عينيه احم كابتن حمزة رب سليم هند عمت سليم و عمي محي جدة 
حمزة ببتسامة ... اهلا وسهلا تشرفنا 
محي ... الشرف لينا وياتري سليم عامل معاك ايه 
حمزة ... دا البطل بتاعي عن ازنكم بقا اكيد كدة خلصو تسخين لازم نبدء 
محي ... اتفضل 
هند ... تعالو نقعد هنا عشان نشوف سولي كويس 
وبعد ما قعدو
محي .. ا انا مش عارف اشكرك ازاي انك وافقتي اشوفة
ميرنا ... وانا من امتي حد طلب يشوفوة ومنعتة عنة 
محي بخجل .. عندك حق احنا اللي مقصرين معاه اوي 
ميرنا ... عموما ياريت حضرتك تراعي أنه بقاله كتير مشافكش 
محي .. عارف عارف يا ميرنا
_ سليم خلص و
و لما جدة حاول بعد عنة وبصلي 
ميرنا ... دا جدو محي يا سولي يلا سلم عليه زي عمتو هند يلا يا قلبي 
وفي المعاد اللي بعدة حمزة وقفني قبل ما يبدء مع الاطفال التمرين 
حمزة بجدية و حزم ... مدام ميرنا بعد تمرين سباحة محتاج اتكلم مع حضرتك شوية ع انفراد مش هنطول هتلحقي تمرين الجمباز عن ازنك
_ مدنيش فرصة ارد عليه باي كلمة اصلا لما بيتكلم بجدية كدة بخاف منه معرفش ليه فضلت طول التمرين دماغي مشغوله هو عايزني في ايه 
وبعد التمرين سليم كان بيريح وهو بيشرب العصير بتاعه و حمزة جة وقعد ع الكرسي إلى قدامي 
ميرنا بتوتر .. خ خير هو سليم عمل حاجة و انت مش عايزة تاني معاك 
حمزة بدهشة ... ليه بتقولي كدة 
ميرنا بحزن ... عشان أنا متعودة ع كدة يعني هي الحضانات هتفرق ايه عن التمارين كله ۏجع قلب 
حمزة ... بس انا مقلتش كدة انا بحب سليم جدا وهو شاطر و مجتهد و حقيقي بيتقدم كل مرة عن اللي قبلها جدا انا كنت عايزك في حاجة تانيه 
ميرنا ... خير قلقتني 
حمزة ... انا مهتم ب سليم واظن انتي لاحظتي دا 
ميرنا ... ايوة 
حمزة .. طيب انا عايز اعرف والد سليم فين مختفي ليه الولد بجد هيفرق اوي معاه وجود باباه جمبه
ميرنا بضيق ... ما قلت ل حضرتك هو مش عايزة 
حمزة مستفهما. ... يعني ايه مش عايزة متنازل عن حضانتة يعني مسافر مهمل فيه ايه بالظبط 
ميرنا .. مش عايزة مش متقبلة مشفوش من سنين ومش عايز يشوفو ولا يعرف اخبارة حتي متجوز و مخلف وكل وقتة واهتمامة ل مراتة و ولادة هو رافض سليم رافض وجودة في الدنيا اصلا مش عايزة مش عايززززززة 
حمزة بعد ما لاحظ الدموع في عينيها ... اهدي انا اسف اسف والله مقصدش انا انا بحب سليم و حبيت اساعد بس اسف ارجوكي اهدي عشان خاطر سليم حتي 
ميرنا ... ممكن اقوم عندنا تمرين تاني بعد ازنك
_ مستنتش يرد عليا و مشيت أنبت نفسي جدا ازاي أفقد السيطرة علي نفسي
كدا ازاي اقول ال قولتة و بالطريقة دي مين دا عشان اتكلم معاه كدة 
_ معاد التمرين ال بعدة لاقيت نفسي بتحجج لاول مرة اني عندي شغل مهم اوي وخليت ماما اللي راحت مع سليم و لما رجعو ماما قالتلي أن حمزة سأل عليا وأنها كانت مبسوطة اوي وهي شايفه سليم ف وسط الاطفال و بيعمل زي ما بيعملو و المعاد ال بعدة معرفتش اتحجج لان ماما كانت هتشك اكيد فيا رحت وانا مقررة مش هتكلم معاه تاني هو كابتن ابني وبس ملوش دعوة هو باباه فين ولا بنعمل ايه هو مالو هو مش فاهمه
حمزة ... اهلا بالبطل يلا بسرعه عشان تسخن كابتن نهي مستنياك 
لفيت عشان امشي 
حمزة ... ازيك 
ميرنا ... تمام عن ازنك 
حمزة بحزم ... استني هنا 
ميرنا ... نعم 
حمزة ... مش مفروض لما حد يقولك ازيك تقولي الحمد لله وانت ازيك 
ميرنا .. هه
حمزة بجدية ... هو ايه اللي هه اظن سمعتي 
ميرنا ... انت بتكلمني كدة ليه 
حمزة ... عشان كسفتيني مفروض تقولي وانت ازيك ف انا متكسفش لوحدي انتي هتكسفيني انا هخوفك بس كدة خالصين عن ازنك بقا عندي تمرينات باي
ميرنا ... انت بتكلمني كدة ليه 
حمزة ... عشان كسفتيني مفروض تقولي وانت ازيك ف انا متكسفش لوحدي انتي هتكسفيني انا هخوفك بس كدة خالصين عن ازنك بقا عندي تمرينات باي 
_ قال كدة وسابني ومشي ولا كانة عمل حاجة قعدت اقول ل نفسي أنة اكيد مچنون مع أن شكلة ميديش ع جنان خالص شكلة حد جنتل كدة رحت مكاني و استنيت سليم يخلص عشان نروح تمرين الجمباز وبعد مدة لاقيت سليم جاي ومعاه حمزة وهو مبتسم اوي 
سليم ... ماما 
ميرنا ... قلب ماما انت 
حمزة ببتسامة ... ازيك 
ميرنا ... 
حمزة .. اظن بقولك ل تالت مرة ازيك 
ميرنا ... انت مش طبيعي بجد 
حمزة ... ليه بس كل دا عشان بسالك سؤال عادي جدا 
ميرنا ... لا حول ولا قوه الا بالله عموما يا كابتن انا
كويسه الحمد الله شكرا علي سؤالك
حمزة ... العفو ع ايه بس 
ميرنا ... طيب عن ازنك بقا عشان عندنا تمرين تاني 
حمزة .. لا ما كابتن محمد مجاش انهاردة اعتذر و انا وعدت سليم أن هنتغدا سوا بيتزا انهاردة صح يا سولي 
سليم ... صح 
ميرنا ... والله 
حمزة ... اه والله 
ميرنا ... بس انا مش فاضيه هنتغدي في البيت 
حمزة ... مش فاضيه ازاي ما دا نفس معاد تمرين الجمباز هو تلاكيك وخلاص متنكديش عليا انا وسليم لو سمحتي مش عايزة تأكلي بيتزا اقعدي ع اي ترابيزة تانيه لحد ما نخلص احنا مش ھنموت يعني عشان تتغدي معانا
ميرنا بغيظ ... انا اصلا مكنتش هتغدي معاك اوف ايه دا 
حمزة .. براحتك .. يلا يا سولي يا حبيبي البيتزا مستنيانا و هتبقي سخنة و كلها جبنه و حاجة ايه تحفة 
سليم وهو ماسك ايد ميرنا ... ماما يلا ماما 
ميرنا ... روح انت يا سولي مع كابتن حمزة وانا هستني ع ترابيزة دي اتغدي وتعالي 
سليم بضيق ... مامااا تعالي 
حمزة ... ما تيلا يا ستي ولا لازم تنكدي عليه يعني وهو مبسوط كدة 
ميرنا ... ستي 
حمزة ... اهو كل كلمة اقولها تتنحي بعدها ميرنا يلا انا مش بعض انا واعد سليم أنه لو عمل حركة معينه هعزمة ع بيتزا وهو عملاها انهاردة ولازم اوفي بوعدي معاه بجد يلا بقا 
_ انا مش عارفه ازاي اتحركت معاهم من غير ولا كلمة طول القاعدة متكلمتش كنت ببصلهم و مبتسمة وبس طريقة مع سليم اهتمامه و حنانة و هزارة معاه نظرة الحب و السعادة اللي كانت في عيون ابني كل دا كان مخليني مبتسمة وبس
حمزة ... مالك من وقت ما قعدنا وانتي بصالنا و بتضحكي وبس 
ميرنا ...