رواية بقلم ريناد يوسف ام الولد

أنا ام الواد للكاتبه ريناد يوسف 
يابو اللبايش ياقصب عندنا فرح واتنصاااب.
هم ياعريس العروسه مستنياك والناس زمانهم عيقولوا العريس عوق ليه.
إيوه علف العمه اهه واخلص.. ايه رأيك زينه الجلابيه والقفطان 
زينه يانن عيني وهتاكل منك حته الله اكبر خمسه وخميسه.
حلوه العروسه النوبادي يازبيده
حلوه الا حلوه دي قمر ١٤ بيضه ومربربه  لساه جديد وبصراحه يابو بتي كل اللي عتتجوزهم وتطلقهم عيخلفو بس يتجوزو حد غيرك يعني الرك مش عالكبيره والصغيره.

قصدك ايه يازبيده
مقصديش ياابو الوفا وادينا عنحاولو لحدت ماربك يريد وتحبلك وحده فيهم وتجيبلنا الواد وبعدين انت خسران ايه يعني دانت متمتع ومتدلع وكل كام شهر مره جديده ففرشتك.
ايوه بس الفرح كل هبابه والتانيه مصاريف يازبيده ومال عيتبعزق شمال ويمين مليهش داعي وكمان انتي معتخليش مره تكمل سنه على ذمتي الا اخرها ٦ شهور او ٨ ولو محبلتش عتطلقيها مني!
وانت هتعوز منيها ايه من بعد ال٦ شهور و٨ ومحبلتش ولا يكونوش عيعششوا فنافوخك وعتعشقهم.. اسمع لما اقولك اني عجوزك عشان تجيب الواد مش عشان اجيبلك مره تتجلع معاها وتتمعشق.. وعشان إكده عخليك تطلقهم قبل ماتتعلق بيهم.. ودلوك هم بينا عالعروسه ويكون في معلومك داي اخر عروسه ومن بعدها موضوع الخلفه يتقفل واصل والارض والاملاك نصهم يتكتب بإسمي ونصهم بإسم بتي.. إنت راجل قليل واد دلوك وصاحب عيا واخواتك مهيهملوناش نتهنوا بحاجه لو جرالك شي.
ايه الفال ديه يازبيده ماتحسني ملافظك يابغله انتي
معلهش لو كلامي تقيل بس داي الحقيقه ياابو سنابل وانت خابر زين اني متمنالكش غير الخير كله والدليل اني عنقيلك العرايس واجوزك بيدي من خۏفي عليك وعلى املاكك وتعبك وشقاك وكاتمه قهري فقلبي واقول يابت راجلك وحبيبك ولاجل عيونه يهون كل القهر والۏجع. 
قرب عليها وحب فوق دماغها وهو عيقول
تسلميلي ياضي العين وسلامة قلبك من القهر والۏجع والله ياام سنابل اني لو لفيت الدنيا كلها مالاقي ضافرك ولا فيه واحد تحت عين السمس مرته عتحبه كيف ماانتي عتحبيني إكده.. ولاجل عيونك هكتبلك انتي وبتك كل الاملاك ومهخليش حد ياخد من فلوسي قرش واحد من بعدي.
بإذن الله النوبادي ربنا هيكرمك بالواد اللي يشيل اسمك ويورثك ولا تكتب ولا ترسم.. يلا هم يابوي الناس هيقولوا خبر ايه عاد. 
بص لروحه في المرايه مره تانيه وملس على شنبه وطلع على بيت العروسه يجيبها وهمل صفيه فى الأوضه رايحه جايه وڼار الغيره مشعلله قلبها ودقيقتين وباب الإوضه خبط ودخلت منه سعوده اخت جوزها
سعوده
ياقلبك اللي مركبه عليه مراوح يامرت اخوي ومهمله جوزك كل يومين تلاته يتجوز وحده جديده.. له والخيبه التقيله إن انتي اللي عاتنقيهاله بيدك. 
ومالو ياسعوده لما اني اللي انقيله واجوزه كمان مش جوزي ورايداله الفرح وبعدين اللي تحب راجلها تحبله رفعت الراس وسط الناس حتي لو بسبب مره غيرها.. 
واني رايده لجوزي واد وتنين وتلاته يسند ضهره بيهم لما يكبر وحتى اني وبتي نتسندوا عليهم. 
سعوده
من قلبك يامرت اخوي 
من قلب قلبي ياعيون مرت اخوكي ودلوك روحي انتي وسنابل بت اخوكي شوفوا الحريم اللي في الدار وعشوهم واني هغلى اللبن اللي هسقيه للعروسه وهي داخله عشان قدمها يكون اخضر وايامها بيضه ووشها وش خير علينا.
سعوده
اديني نازله ياقادره ياام قلب حجر صوان.
زبيده بعد مامشت سعوده
والله القلب لا صوان ولا نيله بس غيرش الزمن اللي حكم عليه بالۏجع.. بس معلهش هانت وكلها عروسه ولا تنين تاني ويتقفل موضوع الجواز مع رضوان من أصله وميتفتحش تاني واصل.. ودلوك همي يازبيده جهزي اللبن للعرسان احسن ياجوا وتدخل العروسه البيت من غير ماتشرب وتوبقا سنين اللي جابوكي طين. 
وقوام قوام دخلت الموطبخ تغلى اللبن وتصبه فى الكبايه.
اما حدا العروسه.. 
محاسن
يازينب بطلي بكا الكحله ساحت والبودره اتخربطت وبقيتي كيف الغوله عريسك لما ياجي ويشوفك هيخاف منك. 
زينب ببكا
ېخاف