رواية بقلم ريناد يوسف ام الولد

تشرب شايها من تاني وابو الوفا همل البيت وطلع لاشغاله وارضه بدال مايقعد في البيت وعيونه ڠصب عنه يروحو عالعروسه الجديده اللي حتى اسمها لساه مايعرفوا وتوبقى وقعته طين مع زبيده مرته. 
خلصت زبيده كباية شايها ودخلت الموطبخ وشافت زينب ملهيه فقربت من بتها سنابل وقالتلها
هاه ياسنابل صاحبتك جابت اللي قولتيلها عليه من البندر ولا له. 
سنابل
جابته يمه ودسيته فوق فدولابك تحت الهدوم وخدت مني عشره اجنيه بحالهم في شريط برشام واحد.. الا هو برشام ايه ديه يمه اللي كل شهر والتاني تجيبيه من غير وصفة داكتور ولا يكون حكيم مطلعهولك! 

ديه برشام لۏجع الركب ياسنابل وقولتلك قبل سابق متسألينيش عن حاجه انتي تنفذي اللي اقوبك عليه وبس واوعاكي تجيبي سيرة البرشام ديه قدام حد واصل ولا حتي قدام عمتك العقربه سعوده واوعاكي متكونيش نبهتي علي صاحبتك متجيبش سيره لحد. 
له له نبهت يمه وهي عارفه لحالها ماهي مش اول نوبه تشتريه يعني وعارفه انها لو قالت لحد هتخسر العطايا والهدايا. 
زبيده
بمناسبة العطايا تاخديلها كارتونه فيها من كل حلويات الفرح وخبيزه وتوديهالها وفوقها حتتة قماشه من اللي اشتريتهوملك جداد نقي اللي ملاداش عليكي واديهالها وقوليلها دول حاجه بسيطه من امي حلي خشمك.. وتاكدي عليها تالت وعاشر البرشام محدش يعرف بيه ولو قالتلك ليه ومش ليه قوليلها امي مش عايزه ابوي يعرف انها عيانه عشان ميرميهاش ويقول الوليه مبقتش نافعه خلاص. 
سنابل
حاضر يمه مع انو الكلام ديه ميدخلش عقل عيل صغير واني كبيره وصحبتي كمان كبيره زيي وفاهمين كل حاجه.. وديه يمه برشام منع الحبل.. انتي عتاخدي برشام منع الحبل عشان متخلفيش من ابوي ولا تجيبيلو الواد اللي نفسه فيه ومهملاه يتجوز كل يومين عروسه جديده ويطلقها وياخد غيرها ويبعزق فلوسه شمال ويمين.. اني فاهمه كل حاجه يمه وساكته وعقول اما اشوف اخرت اللي عتعمليه ديه ايه.
زبيده قوام حطت يدها علي خشم سنابل وجرتها بره الموطبخ وراحت بيها على اوضتها وقفلت الباب عليهم وقالتلها
ششش اكتمي ياغبيه ياحماره هتوديني فداهيه ياللي عامله روحك ام العريف وانتي الحماره تفهم اكتر منك.. برشام منع حبل ايه ياام راس حمار اللي اخده هو اني خليت داكتور ولا حكيم في البر كلياته الا ورحتله عشان الخلفه وعشان اجيب الواد اللي ينور عيني ويشد ضهري ويورث خير ابوكي وفي النهايه معرفتش اجيبه.. نسيتي ان كل الدكاتره قالولي خلاص انتي مهتجيبيش عيال تاني والكلام ديه كان يتقالي قدامك وكت ماكنت عاخدك معاي! 
يعني لما حبيتي تشغلي مخك الخربان هو ديه اللي وصلك ليه ان امك. عتاخد برشام منع الحبل عشان. متجيبش الواد 
أمال ايه يمه بس وبرشام منع الحبل ديه لمين 
اقعدي ياسنابل واني هفهمك.. انتي دلوك كيف ماعتقولي كبيره مش صغيره ولازمن تعرفي كل حاجه.. برشام منع الحبل ديه اني عديه لحريم ابوكي عشان ميخلفوش ووحده منهم تجيبله الواد وتاخد كل شي واني وانتي نطلعو من المولد بلا حمص. 
اني عنقيله البنته الصغار اللي لساه عنقودهم مكبرش ولا بطنهم تقوا على شيل عيل واكمل عليهم ببرشام منع الحبل وتقعد الوحده معاه كام شهر متخلفش وبعدها يطلقها وتتحسب عليه جوازه وجوازه فجوازه خلاص عقله صدق ان الخلفه وقلة العيال منه مش مني وانه. خلاص معادش فيه عنقود ولا هيجيب الواد.. وبعد مايسلم بالأمر هيشيل موضوع الواد وخلفته من دماغه ويكتبلك ويكتبلي كل حاجه ومحدش ياخد من فلوسه قرش واحد..اني ععمل كل ديه عشانك ياسنابل وعشان خير ابوكي ميروحش للغريب.. ودلوك اديكي فهمتي الملعوب كله قومي يلا روحي لصاحبتك ووديلها اللي قولتلك عليه وقوليلها تكتم خشمها وكمان عرفيها ان البرشام بخمسين قرش بس واني خابره حبو زين بس عسيبها تاخد ال٩ جنيه ونص بمزاجي..
سنابل فهمت الفوله وابتسمت لامها وهي عتقولها
ابااااي يمه داني طلعت حماره صوح وقليلة فهم كمان.. له بس والله براوه عليكي يمه تفكير ابالسه ديه يازبيده. 
طيب قومي ياختي اعملي اللي فهمتهولك وعاودي قبل الليل مايرخي ستايره الا ابوكي يعملنا غاره ويقول البت طلعت ليه وراحت فين وليه عوقت. 
سنابل
حاضر يمه قايمه اهه.
أما عند سعوده
انتي متإكده يازينب من اللي