رواية روعة بقلم حبيبة الشاهد ليالي
عليها فاقت من شرودها على صوت تميم
ممكن اخد من وقتك واقعد معاكي
بصتله بهدوء انت خلاص قعدت
قعد قدمها واتكلم بهدوء بقالي كتير بكلمك بس انتي مكنتيش معانا شكلك كنتي بتفكري في حاجه
بعدت عنيها عنه بارتباك لا ابدا... اتنهدت بتعب طالع من القلب انا فعلا كنت بفكر عن اذنك هسيبك تقعد براحتك
ممكن تقعدي الاول ولا هكلمك وانتي واقفه عندك
قعدت على الكرسي پخوف وهي كل شويه تتلفت حوليها بصلها تميم باستغراب هوا في حاجه بتتلفتي على ايه
أبدا بشوف بس لحسن جدي او خالي يشوفنا قعدين مع بعض تحصل مشكله
التفتت وراها بصت على شباك غرفة جدها بس مقدرتش تشوفه لانه كان واقف وراه الشيش فعلا زي ما تميم قال
شبك ايديه في بعض و اتكلم بجديه مش هتشوفيه قولتلك وراه الشيش... ليالي انا حبيت اتكلم معاكي و اعرفك اني طلبت ايديكي من جدي ل الجواز و هوا وافق و اتكلم مع جدتي تكلمك و عرفت منها ردك
كمل بهدوء وهوا شايف توترها اللي ملوش لزمه حبيت اتكلم معاكي عشان اشيل فكرة ان جدي هوا اللي عرض عليا الجواز انا مش عيل صغير عشان معرفش اخد قرار من نفسي او اعرف انا عايز ايه طبيعي يجي في دماغك حاجه زي كدا وحتا لو الموضوع زي ما بتفكري و جدي فعلا هوا اللي عرض عليا الجواز اكيد مش هتجوز ڠصب عني لان مفيش راجل بيتغصب على حاجه ممكن البنت توافق تحت ضغط من اهلها بس احنا ك رجاله لا و برضو عايز اشيل فكرة اننا اخوات او اني كبير عليكي و الهبل دا كله لان مش بالسن ولو جيتي تحسبيها فرق السن بنا معقول مش كبير
شاور بصباعه على فمه بالسكوت في حركة تحذير بمقاطعه تاني مره لما اكون بتكلم متقطعنيش لاني مش بحب حد يقطعني و انا بتكلم الف واحد يتمناكي ولو مكنتيش من نصيبي ربنا هيرزقك بحد غيري احسن مني كمان بس ادي لنفسك فرصه المره دي بجد تفكري و تختاري بنفسك مش تبقي مجبوره وانا معاكي و هحترم قرارك إين كان هوا ايه
لمعت في عنيها الدموع واتكلمت
