رواية كاملة ورائعه للكاتبة أميرة اسامه ابن ليل الجزء الاول

ساعه زمن وهنرجعوا ارتحت 
بكر أرتحت يا اخويا
احمد صحيح كيرو فين
بكر   انا عارف غطس فين هو التاني هنكلمه نطمن عليه وانتوا متتأخروش
هيما طياري
بكر عارفها انا طياري دي فيها بكره
هيما  لا والله راجعين على طول
بكر  تمام يلا سكت السلامه 
مشي الشباب وطلع بكر موبايله من جيبه يتصل على كرم
كرم بصوت هادي ايوه يا بكر
بكر فينك يا جدع مشيت وقولت عدولي
كرم  موجود
بكر  انت على البحر
كرم  لا انا في البيت
بكر رجعت امته انا واقف من بدري قدام البيت ومشوفتكش
كرم  البيت التاني يا بكر
بكر وانت ايه اللي وداك الشقه التانيه
كرم  عايز نقعد من روحي شويه
بكر  يبقى مش راجع انهارده صح
كرم الصبح هنكون عندك المهم محدش يحس بغيابي
بكر اطمن اصلا امك وابوك ومها طلعوا من بدري
كرم  كويس وانا الصبح هنكون موجود قبل ما تفتح
بكر طيب مش عايزني نجيلك
كرم لا يا بكر انا بخير بس عايز نقعد لوحدي شويه ولو الصبح نزلتوا تفطروا تحت قول
اني كلمتك ونزلت قبلك عشان نفتح الدكان انت عارف محدش يعرف بحوار البيت التاني ده غيرك انت بس يا بكر
بكر  ياجدع كل مره تهرب هناك تسمعني الكلمتين دول بقالي سنين عارف بحوار البيت التاني ومحدش عرف حاجه
كرم  طب بلاش تتعصب دمااااغنا انا بس بنبه عليك
بكر لا يا سيدي أطمن انت بس وروق شويه يا كيرو
كرم  ماشي يا صاحبي اشوفك الصبح
بكر  سلام يا اخويا
قفل بكر معاه وطلع على الشقه بتاعته فتح ودخل كانت مها نايمه قدام التلفزيون
بكر  مها مها انتي ايه اللي منيمك هنا
مها الفرح خلص
بكر ايوه خلص
مها فين العيال لسه تحت
بكر  سيبك من العيال الوقت وخليكي معايا
مها احيه ايه بصه حمدي الوزير دي مالك يا راجل
بكر بضحك ايه مش عاجبك
مها احيه عليك انت شارب حاجه
بكر يابت وانا وش الحجات دي حرام ندلع مراتي 
مها بضحك لا والمرسي ابو العباس انت مش طبيعي
بكر تعالي بس معايا نقولك حاجه جوه
مها ياراجل عيالك هيطلعوا ويقفشونا
بكر لا عيالي مع هيما اخوكي هيجيبوا اكل ويتمشوا شويه ويرجعوا يلا قومي بقى متضيعيش وقت
مها بضحكه مايعه طب براحه طب متزوقش
بكر امووووت انا
قفل كرم مع بكر و ساب الموبايل جنبه
شغل اغنيته المفضله لسه فاكر وراح قعد على كرسي قدام حيطه في الريسيبشن مسك ريموت صغير في أيده داس على زرار صغير أنوار الريسيبشن كلها أطفأت وبعدين داس على زرار تاني ظهرت صوره دره على الحيطه بالكامل فضل قاعد قدام الصوره وهو بيسمع الأغنيه و كأن كلمات الاغنيه أتعملت مخصوص ليه هو على اللي عاشه مع دره وبسببها
ركز كرم بعينه على عين دره في الصوره بوج ع ومن غير ما يحس أيده سرحت بهدوء لمكان الوشم مسكه بأيده
لسه فاكر قلبي يديلك أمان ولا فاكر كلمه هتعيد اللي كان
سرح كرم مع كلمات الاغنيه خد نفس طوييييييييل وبعدها خرجت منه ااااه كلها وج ع
كرم  ااااااااااااااه ااااه يا دره
في منزل زكريا 
عبدالله  يلا دعاء نطلعوا عايز ننام
نبيله ما تخليكم يا ولا شويه لسه بدري
دعاء  بإرتباك وهي بتبص في الساعه اه لسه بدري ما خلينا شويه
عبدالله يابت مش قادر وبكره عندنا شغل
بصت دعاء لحسن وفضلت تشاورله بعينها يقول حاجه وينقذها من الموقف ده
حسن  ااا ما القاعده والسهره حلوه يا يابا خليك وبكره انا هننزل نفتحوا وانت ابقى اصحى براحتك وانزل على الضهر انت وجدي
عبدالله ياولا انت بتتفق عليا انت وامك
نبيله خليك بقى ما الولا قالك هينزل هو يفتح الدكان
عبدالله  الفجر قرب يأذن يا بلبله ايه مكافكوش سهر مش كفايه خوتت الدماغ بتاعت الفرح مصدعتوش
نبيله يا ولا هي القاعده الحلوه دي بتتعوض هو الشغل هيطير خليكم شويه
زكريا  ما تخلي عندك ډم ياولا وخليك ايه هنتحايلوا عليك وبعدين انت مسافر ما شقتك فوق مش بعيد يعني
عبدالله بضحك ماشي كلامك يا معلم وانتي يلا قومي أعمليلنا قهوه جبتيه لروحك
دعاء   بإبتسامه بس كده من عنيا  
قامت دعاء جري على المطبخ وهي حاطه ايدها على قلبها 
ثواني ودخل وراها حسن
دعاء  يخربيييييتك فزعتني يا ولا انا ناقصه ړعب
حسن في ايه يا دودو ما تهدي شويه مش كده هتفضحي روحك
دعاء باين عليا يا ولا
حسن  بيتهيألي مخدوش بالهم بس انتي شكلك كأنك عامله عامله براحه على روحك شويه
دعاء  مړعوبه يا ولا ومش عارفه ايه اللي ممكن يحصل
حسن وهو بياكل موزه من طبق الفاكهة ولا حاجه هيحصل ايه يعني ابويا هيقولك لمي هدومك وعلى أخوكي ومنشوفش وشك تاني وهيبقى وشك في وش مرات خالي 
ضړبته دعاء على كتفه
دعاء   انت كده بتطمني يا ابن الصرمه
حسن طيب نقولك ايه يعني انتي مأڤوره الحوار على الاخر
دعاء و انت شايف انه موقف عادي انا مش راعبني غير ابوك
حسن هيعمل ايه يعني بصي تسمعي مني
دعاء قول
حسن حتى لو ابويا زعل منك مش هيقدر يعمل حاجه متنسيش ان الكلمه في الاول والاخر بتاعت جدي
دعاء عارفه بس ابوك مش هيعديهالي
حسن  هيعمل ايه يعني هيزعل يوم ولا اتنين في الاخر هيرضى بالامر الواقع انتي عارفه ان مفيش اطيب منه وبعدين انتي لازم تجمدي وتكوني قد رد فعله واوعي تحسسيه انك غلطتي انتي عملتي الصح وكان لازم تقفي مع عمتي وبناتها ولازم الحدوته دي تخلص بقى ومش هتخلص غير لو حد فيكم واجهه ووقف مع عمتي
دعاء بإبتسامه بسيطه شوف انا ديما نقري من نقرك بس اول مره يا ولا تريحني بالكلام
حسن اي خدمه يا دودو وراكي رجاله بردو 
دعاء طيب يلا