رواية كاملة ورائعه للكاتبة أميرة اسامه ابن ليل الجزء الاول

يا اخويا اتكل على الله واخرج قبل ما ابوك ولا ستك يجوا
ويسمعونا
حسن  ماشي انا بره 
عدت ساعه وفي الوقت ده اخيرا وصلت الطياره وبدأت الطياره تستعد عشان لحظه الهبوط البنات كانوا متحمسين رغم قلقهم من المواجهه اللي هتحصل واللي هما مش عارفين أبعادها هتكون ايه اما دره بمجرد ما عرفت ان خلاص الطياره وصلت وهتنزل على المطار حست ان قلبها أتقبض حاولت تظهر عكس اللي هي حاسه بيه عشان بناتها لكن نظراتها كان باين عليها القلق
نزلت الطياره اخيرا وبدأ الجميع ينزلوا منها شويه وكانوا في قلب المطار مستنين شنطهم ودره واقفه جنبهم ماسكه أيدها الاتنين في بعض بقلق
خلصوا كل الإجراءات وأخيرا خرجوا بره بعد ما اشترت دره خط مصري عشان تقدر تتواصل مع دعاء في الاول شافت عربيه توصلهم ركبوا بعد ما حط السواق الشنط وركبت دره قدام واتصلت على دعاء 
دعاء كانت قاعده بره معاهم وعامله موبايلها سايلنت ومسكاه في ايدها اول ما رن من رقم غريب بسرعه عرفت انها دره قامت بهدوء راحت على المطبخ وفتحت الخط
دعاء بصوت واطي الوو
دره  دعاء انا دره
دعاء فينك كل ده قلقتيني عليكي
دره لسه واصلين من شويه يا دوب خلصنا الاجراءات وخدنا الشنط والوقت انا راكبه وجايه
دعاء  بتوتر واضح توصلوا بالسلامه يارب انا مستنياكم
دره  هما صاحين ولا نايمين
دعاء لا صاحين ابوكي وعبدالله بيلعبوا طاوله وانا قاعده مع بلبله
دره طيب تمام مش هتأخر عليكم
دعاء  ماشي يا حبيبتي
دره دعاء
دعاء نعم يادره
دره اوعي تطلعي خليكي معايا
دعاء اطلع فين مستنياكي طبعا مټخافيش
دره   ماشي يا حبيبتي شويه وهبقى عندكم اول ما ابقى تحت البيت هرن عليكي واقفل
دعاء بإذن الله يلا سلام
دره سلام 
قفلت دعاء معاها وبعدين راحت فتحت المايه عشان تغسل وشها كانت عايزه تهدأ بأي طريقه بعدين خرجت بهدوء خدت مفاتيح عبدالله بتاعت الشقه بهدوء وخبتهم خاڤت يخلص لعب ويقولها يلا كانت عايزه تضيع وقت بأي طريقه 
راحت قعدت جنب نبيله بهدوء حسن كان بيكلم سماح على الواتس ومبتسم اول ما شافها رجعت بصلها وهز راسه بمعنى ايه الاخبار
دعاء بهدوء همست بشفايفها وصلوا وفي الطريق 
هز حسن راسه وابتسم عشان يطمنها
الدقايق كانت بتمر على دعاء كأنها سنين حاسه انها تقيله اما دره كل ما العربيه تقرب تحس ان الوقت بيجري
على قد ما هي خاېفه من اللقاء ده على قد ما هما واحشينها جدا وبتحلم باليوم اللي تترمي فيه  
كانت باصه من الشباك بتتفرج على الطريق مخرجه راسها بره بتشم ريحه البحر واليوم اللي أفتقدته بشده
السواق بإبتسامه  واضح ان اسكنديه وحشتك
دره   وهي مغمضه عينها ومبتسمه ومبسوطه بالهواء فوق ما تتخيل
السواق  بقالك كتير مسافره
دره عشرين سنه
السواق ياااااه ده عمر اسكندريه اتغيرت خالص مش زي زمان
دره  من ناحية اتغيرت فا هي اتغيرت لدرجه اني ناسيه كل الشوارع بس كمان لسه حلوه زي ماهي
السواق طبعا هو في احلى من اسكندريه حمد الله على سلامتكم احنا تقريبا وصلنا المكان بس قوليلي بقى الشارع فين
بصت دره وهي حاسه انها تايهه ومش عارفه حاجه
دره  الشوارع اتغيرت اوي كان في بقاله على ناصيه الشارع بتاعنا
السواق بإبتسامه المحلات اتغيرت واتغير نشاطها خلال العشرين سنه دول الف مره اكيد البقاله دي مبقتش موجوده
دره مش عارفه بس انا عارفه الشارع بتاعنا اكيد متغيرش اوي يعني
دارين  مامي طيب كلمي طنط دعاء هي تديله العنوان
دره بسعاده هو ده الشارع بتاعنا
السواق متأكده
دره ايوه بصت بسعاده على يافطه إعلان محطوطه باسم زكريا الجمال وشاورت عليه زكريا الجمال ده ابويا ودي محلاته
السواق تمام هدخل الشارع
بمجرد ما دخل السواق الشارع بالعربيه قلبها فضل يدق بسرعه رهيبه وهي بتبص على كل شبر في المكان يمكن الشكل اتغير بس كل حاجه في مكانها زي ما هي البيوت والقهوه والمحلات بتاعت والدها وبتاعت رفاعي
دره البيت هناك اهو 
السواق بإبتسامه حمد الله على سلامتكم 
دره الله يسلمك يارب دارين صحي اخواتك يلا
دارين حاضر ديما دانه يلا اصحوا
دانه  بنعاس وصلنا
دارين ايوه يلا اصحي
مسكت دره الموبايل رنت على دعاء جرس وبعدين قفلت
اول ما رنت على دعاء حست دعاء ان قلبها وقع في رجلها وبسرعه خبطت حسن في ايده
بصلها حسن و هزلها راسه بمعنى في ايه
دعاء  بهمس شفايف وصلوا تحت
قام حسن بهدوء راح على البلكونه لمح العربيه واقفه تحت ودره والبنات واقفين والسواق بينزل الشنط
دخل تاني بسرعه وراح على المطبخ 
حسن امي ايه اكياس الزباله دي كلها مخرجتيهاش ليه 
دعاء  نسيت يا حسن كنت هخرجها
حسن طيب خليكي انا هخرجهم
مسك حسن كام كيس وراح فتح الباب وخرج ورد الباب وراه حاجه بسيطه
وبعدين نزل بسرعه
على تحت كانت دره حاسبت السواق ومشي اول ما شافت حسن أبتسمت بحب
دره  حسن
حسن بإبتسامه نورتي مصر يا عمتي
دره تعالا يا ولا في حضڼي
قرب منها حسن شدته دره بحب
دره  ماشاء الله مكنتش اعرف انك اطول مني كده
حسن بإبتسامه طالع لابويا بقى
دره  تعالوا يا بنات سلموا على ابن خالكم حسن دول بقى يا حسن بناتي دارين الكبيره و دانه وديما توأم
مدلهم حسن ايده وسلم عليهم
حسن   يلا اطلعوا انا نزلت اخد منكم الشنط لما عرفت انكم وصلتوا قولت اني هنرمي الزباله وخلعت منهم
دره حد عرف حاجه
حسن لا مفيش غير انا وامي بس يلا تعالو
وقفت دره ثواني و خدت نفس طويل
حسن  مالك