قصة جميلة جدا كاملة الفصول بقلم الكاتبة مروة جمال

معناه إنها محصلتش لأ حصلت وجرحت قوي بس أنا اللي بقاوح
إيناس طيب إنتي حتعملي إيه
رقية بصوت متحشرج مش عارفة أنا مخڼوقة قوي ومش قادرة أتعامل معاه مشاعري ناحيته متلخبطة خاېفة أكرهه
إيناس أكيد ده صعب قوي صعب الحب الشديد ده يتبدل لكره
رقية لما شفتها كل الثوابت في كياني إتهزت حتى حبي لحسن أنا مش فاهمة إيه اللي بيحصلي ده

إنفجرت رقية في بكاء جارف من جديد إحتضنتها إيناس في محاولة لتهدئتها وتابعت طيب إيه رأيك تغيري جو تعالي أقعدي عندي شوية بلاش مواجهات بينكم دلوقتي
رقية أنا بصراحة فكرت أروح مصر
إيناس لأ متبعديش قوي كده خليكي عندي علشان تبصيلي كتير والبنت تطلع شبهي مش حتنازل
رقية إيناس إنتي أختي اللي أمي ما خلفتهاش
إيناس خلاص أنا حابلغ بشمهندس حسن بلاش إنتي تدخلي في مناقشات العصبية والتوتر ده مش كويس لا عليكي ولا على البيبي
رقية مش بإيدي يا إيناس
إيناس دلوقتي حخليه بإيدك حاعزلك عنهم ومحدش حيضايقك تاني يا جميل
تركت إيناس رقية وخرجت وتوجهت نحو حسن الذي كان ما زال واقفا بمكانه خارج المنزل بعد رحيل سهام كانت إيناس تشعر بالڠضب من أجل رقية فما تمر به فوق الإحتمال الرجل الذي أحبته بكل كيانها هو سبب حزنها المستمر 
نظر حسن لإيناس بدهشة غاضبة وتابع يعني إيه تسيب البيت
إيناس بشمهندس حسن هي محتاجة تغير جو ووجودها مع حضرتك حيفتح نقاشات ڠصب عنكم وهي بجد تعبت ونفسيتها مدمرة
حسن وقد بدا غضبه وعلت نبرة صوته يعني إيه ده رقية مش حتسيب بيتها والموضوع مر خلاص ومش حاوقف حياتي علشانه عقليها يا دكتورة مش تشجعيها
في إيه يا حسن صوتك عالي كده ليه
كانت نبرة خالد غاضبة قالها وهو يتجه نحوهم عندما سمع صوت حسن الغاضب مع إيناس
أمسك حسن برأسه وتابع دلوقتي رقية عايزة تسيب البيت أنا بجد تعبت وزهقت
خالد عايزة تسيب البيت ليه 
تابعت إيناس وهي توجه حديثها لحسن في إصرار هي أعصابها تعبانه يا بشمهندس والغرض سلامتها وراحتها مش أكثر ده غير إنها حتقعد عندي مش حتسافر مصر هي فعلا أعصابها تعبانة والضغط النفسي بجد المرة دي كان عليها غير طبيعي
إستشعر خالد ڠضب إيناس الشديد بدورها من جملتها الأخيرة التي خرجت بطيئة حزينة لائمة لحسن الذي كان غاضبا بدوره صمت الجميع لوهلة ثم تابع حسن بضيق خلاص تعمل اللي هي عايزاه بيتها موجود ومش حاسمح لحد يدخله تاني ياريت تفهميها النقطة دي عنئذنكم
تركهم
حسن غاضبا ونظر خالد لإيناس بعدها وتابع ممكن أفهم إيه اللي حصل وكمان واضح إنك عصبية قوي
صمتت إيناس لوهلة ثم تابعت مدام رقية إتعرضت لضغط نفسي شديد جدا بجد من أول ما إتجوز عليها وهي بتقاوم وكاتمة في نفسها علشان المركب تمشي لكن بجد اللي حصل النهاردة كان فوق طاقتها
خالد إيه اللي حصل
إيناس مدام الأستاذ حسن التانية شرفتها بزيارة
خالد بدهشة إيه !!!! واللي جابها هنا
إيناس معرفش بس واضح إن كان الغرض الأساسي ڠضب رقية ونجحت نجحت بجدارة كمان
صمت خالد قليلا ثم تابع حسن لازم يرتب أموره بذكاء ويبطل عشوائيته دي
إيناس مش فاهمة يعني يعمل إيه
أجاب بثقة يعني يبقى راجل
إيناس برده مش فاهمة
تابع بنفس نبرته الواثقة هو دلوقتي متجوز الإتنين وده واقع يا يتعامل معاه وهما يتقبلوا ده بوضوح يا يسيب واحدة منهم وساعتها أكيد حتكون مش رقية
إيناس ما هو أكيد مش عايز يطلقها علشان إبنه
خالد عموما لما يهدى أنا حاتكلم معاه وأشوفه بيفكر إزاي وإنتي كويس إنك حتاخدي بالك من رقية مش قلتلك إتنين حوامل ربنا يعينك
قال جملته بإبتسامة في محاولة لتخفيف حدة الأجواء
تابعت بإبتسامة بدورها انا النهاردة كنت خاېفة على رقية قوي
خالد ضاحكا لا ما هو واضح
إيناس مش فاهمة
خالد أنا إنتبهت وأنا معدي لصوت حسن العالي بصراحه كنت فاكره بيزعقلك وكنت جاي أشوطه علشانك
إرتبكت من جملته ونظرته الماكرة نحوها وتابعت لا يا بشمهندس الموضوع ميستهلش
خالد برده إنت إتعصبتي عليه واضح إنك بتحبي رقية قوي أنا حسيت كده من يوم ما بلغتيني خبر حملها
إيناس هي شخصية جميلة صعب حد يعرفها وميحبهاش
نظر نحوها بعمق وتابع عندك حق في شخصيات بتجذبك ليها من غير ما تحسي وكل ما تقربي منها أكثر تنبهري أكثر وتحبيها أكثر
كالعادة إرتبكت من عبارته عندما أدركت مغزاها هربت مسرعة متحججة بمساعدة رقية وظل هو يراقب خطواتها المسرعة للإبتعاد عنه 
المرأة هذا الكائن الرقيق المندفع الصارخ المتغير 
عندما تحب فإن تلك العاطفة المتأججة تجتاحها دون حساب تتوغل داخلها بخبث فتتبدل لشخص آخر يخفق قلبها سريعا رغما عنها عند رؤية معشوقها بل قد تتصاعد الډماء لوجهها فترسل برقيات معبقة برائحة عشقها نحوه دون إرادة 
يرى نيتشه أن المرأة تحب دون شروط تمنح نفسها جسدا وروحا من أجله تعشق إمتلاكه له أما هو فعشقه لها هو هذا الإمتلاك فالرجل بطبعه يعشق إمتلاك المرأة ويرفض أن يكون ملكا لها
إذن
هي المملوكة لمعشوقها إذا