رواية كاملة ورائعه بقلم الكاتبة فاطيما يوسف

مع الوقت .
_____________________________
في منزل جواد
جواد بتساؤل
_هنا هيا مهرة ادتك رقمها
ردت هنا بنظرة شقية 
_ إيه ياجود هيا الصنارة غمزت ولا ايه
ده إحنا جبنالك بنات أشكال وألوان وكل مرة تأجل وتقول مش دلوقتي مش دلوقتي اشمعنا دي يعني
جواد بغيظ لأخيه 
_إيه ياسامي ماتخف مراتك عني ياعم ايه ياهنا ده أنا بن عمتك برده .
سامي بتسلية لهنا 
_هيا مش قالت لك متديش الرقم لحد ودي باين عليها ملتزمة جدآ 
ووجه حديثه لأخيه بغمزه شقية قائلابصراحة
_ مش هتمشي معاك ياجنتلة مش زي إللي قبلها خالص .
جواد بتأكيد وترجي
_ لااااا دي سيبهالي دي إذا كانت هتمشي ولا لا 
ثم قال بقلة صبر
_هاتي الرقم بقي يابنتي اخلصي في يومكم ده 
ناولته هنا الرقم وسجله عنده ثم زفر بارتياح وأكمل قائلا 
_طيب ياحبايبي اسيبكم أنا بقي إنتو لسه عرسان جداد ثم قام وشاور بيده مع غمزة شقيه تشاووووو.
ثم رحل جواد شاعرا بانتصار لحصوله علي الرقم وكأنه حصل على كنز
ثم دخل غرفته ماسكا هاتفه متفحصا تطبيق الفيس بوك باحثا عن مراده بلهفة واشتياق لعل وعسى يحصل على مراده 
وبعد مدة من البحث تهللت أساريره ووجدها أمامه بأكونت حجابي عزة لشبابي فورا دخل إلي الاكونت وبدأ بالسيرة الذاتية له ودق قلبه لما رآه! 
فلقد كانت مدونة سيرتها بالآتي ابتعد أيها اللعوب فأنا أنثى أبيه شامخة لاتقبل التهور
ثم أخذ يبحث في منشوراتها وجد أغلبها منشورات دينية وآراء لها تنصح الفتيات بالتزام الحجاب الصحيح والعفة والبعد عن مسالك الشيطان
انبهر حقا انبهر مما زاده إعجابا بها وتشبسا بالدخول إلي عالمها تلك البريئة النقية فلقد كان له عدة علاقات نسائية عابرة من مثلها من بنات جيلها 
لكنها مختلفة عنهم كليا من نظرة خبير علم أنها لم تكن مثل الذي عرفهم ثم أخذ يقلب إلي أن وجد لها خاطرة التحدي هو أنا والعناد هو أنا فاذهب أيها اليأس فلا مكان لك بحياتي
ازداد رهبة من تلك القوية وعلم أنه سيخوض حربا للوصول إليها ثم أخذ يقلب إلي أن وجد مشاركة منها لفيديو للبحر في هدوئه مع صنع القهوة وأغنية لفيروز دقت وتيرته عاليا مرددا بحماس شديد وحالمية
_ورومانسية كمان ده إنت لو نولتها هتقع واقف أخذ يقلب إلي أن وجد الساعة الثانية صباحا بعد منتصف الليل فأغلق هاتفه وأخذ يجول بعقله كيف البداية معها 
كيف الوصول لعالمها 
كيف يحصل علي السكن والسکينة مع تلك بالتحديد 
كيف وكيف وكيف
أسئلة كثيرة ظلت تجوب عقله ثم أفاق علي كوكب الشرق تغني عيني عيني علي العاشقين حياري مظلومين ثم ارتسمت ابتسامة جانبية علي ذلك المقطع الذي لم يركز فيه قبل ذاك إلي أن ذهب في ثبات عميق وحالمية تغزو جميع جسده .
______________________
عند علي وأسماء
علي بنبرة جادة وتحذير شديد
_ أنا داخل اوضتي استريح شوية مش عايز ازعاج وصوت عالي علشان عندي درس آخر النهار.
أسماء بشك
_ ماشي ياعلي .
ثم دخل علي الغرفة وجلس قليلا مدعيا الهدوء حتي يسمع انشغالها في أمور المنزل ويلهو كيفما شاء بعد قليل سمع صوت هاتفه إذا بنور تتصل انفرجت أساريره ثم فتح الخط قائلا بخبث
حبيبة قلبي إللي وحشاني ومطنشاني وفي هواها مدوباني وعلى بوزي جايباني آاااه ياني .
ردت نور بزهق 
_آه كل بعقلي حلاوة مين إللي مطنش مين ها 
رد عليها بكذب وزيف صياد ماهر
_ أنا أقدر علي بعد الجميل مانتي عارفة ساعات مبقدرش أرد علشان مراتي بتبقي جمبي بس
أنا بحبك جدا يانور أيامي وفجأة انفتح الباب ..
ظهرا في جامعة الازهر 
تحدثت مهرة بحرج شديد
_ يارقية بقولك طول ماهو واقف وأنا قلبي مبطلش دق أبدا مع إني مشفتهوش ومعرفش شكله حتي بس مش عارفة ليه
وليه ده بالذات إللي قلبي اتخطف كده من ساعة ماحسيت بدخوله بس
أنا مش أول مرة واحد أمه تشوفني في العيادة أو اخته ماحصل قبل كده كذا مرة وأنا لا أبالي ولا كان علي بالي .
رقيه بنصح
_ لاا متعودتش منك علي كده يامهرة استغفري الله وسبيكي من لهو الشيطان ده 
ومتفكريش في الموضوع ده خالص وركزي فاضل علي امتحانات نص الترم شهرين واللي عايزك هيدق بابك قومي يالا عندنا محاضرة .
قامت مهرة من مكانها للإستعداد للمحاضرة مرددة بندم 
_عندك حق استغفرك يارب واتوب إليك وقاموا علي محاضرتهم بكل جدية ونشاط نافضين عقولهم من تلك الأفكار وانقضي اليوم وخرجت رقية ذاهبة إلي المدينة الجامعية مودعة رفيقتها مهرة وهيا تدلف إلي السيارة لكي ترجع إلي بلدتها وأثناء رجوع مهرة رن هاتفها برقم غريب ! استغربت جدا وقامت بفتح الهاتف مرددة بجدية واحترام شديد 
_السلام عليكم ورحمة الله .
_________________________
عند نور دخلت أختها وهي تتحدث مع ذالك العلي وجلست بجانبها بتأفف منتظرة إنهاء تلك المكالمة وإذا به يغلق الهاتف بسرعة في وجهها ثم رددت بتعب من اختها 
_يابنتي حرام عليكي والله ده واحد متجوز ومخلف ليه تخربي بيته
ليه تمشي ورا النسوانجي ده
أنا زهقت منك وهقول لماما علي عمايلك السودا دي 
وأكملت بعتب 
_إنتي جميلة وأجمل الجميلات كمان يتمناكي واحد تبقي إنتي أول حد في حياته مش واحد عديم الرجولة زي ده عاملي نفسه شيخ وهو مقضيها مع نص بنات البلد 
واسترسلت حديثها باستعطاف لعله يجدي نفعا قائلة بتمني لعله يؤثر
_ آه والله يابنتي كذا واحدة حكت لي عنه وعن قلة أدبه ابعدي عنه وسبيه لمراته وولاده وحياته وكفاية كده بقي وارضي بنصيب من إللي بيبعتهولك ربنا علشان ماتفقيش علي كابوس يابنتي 
الرسول صلى الله عليه وسلم قال إذا جاءكم من ترضون دينه وخلقه فزوجوه وإلا تفعلوا تكن فتنة في الأرض وفساد كبير ربنا يهديكي يانور يارب ويشيل الغشاوة من علي عنيكي.
نور باستهزاء من حديث أختها وبنبرة كلها سخرية 
بقولك ايه ياستنا الشيخة متوجعيش دماغي أنا متأكدة إنه بيحبني وبيموت فيا وميقدرش يستغني عني ابدا وقريب أوي هيجي لحد عندي يطلبني من بابا وهتشوفي .
نظرت نسرين إلي أختها بحسرة فهي علمت أن كلامها لايسمن ولا يغني من جوع وعزمت الأمر بأن تحكي لأخيها في سرية بينهم لتصلح مايمكن إصلاحه . 
البارت_الثاني
في محطة القطار بالتحديد في الساعة الثالثة عصرا تخطوا مهرة خطوات سريعة جدا لكي تلحق موعد القطار الذاهب إلي قريتها بخطوات سريعة جدا أشبه بالركض فلو فاتها الموعد ستضطر أن تنتظر ساعة أخري لحين قدوم موعد القطار التالي 
فجرت مسرعة حتي وصلت إلي الرصيف ولكنها صعقټ عندما رأت القطار يبتعد أما نظرها رويدا رويدا ولكنها قالت متحدثة نفسها بصبر
ياه فرقت خمس دقايق يامهرة ووضعت يدها علي صدرها تهدأ من أنفاسها المنقطعة أثر الجري مهدئة حالها قائلة
_يالا قدر الله وماشاء فعل مليش نصيب أركب القطر ده النحس ورايا ورايا 
ووضعت إبهامها علي شفتيها كنوع من التفكير مرددة بذكاء
_ لما اروح الجراج بقي أركب القطر من هناك علشان ألحق مكان يعني هيبقي تأخير وأقف كمان 
ثم ذهبت متمهلة خطاها إلي حيث مكان القطار وبالفعل وصلت ووجدته ممتلئ ببعض الركاب دخلت واستقرت بمكان هادئ فهي تحبذ دائما المكان الذي لا يوجد به أناس كثيرة 
جلست في مربع فارغ ثم فتحت حقيبتها الجلدية في هدوء وأخرجت هاتفها لكي تطمأن والدتها وتحكي لها ماحدث عن تأخيرها وبعد دقائق أغلقت الهاتف مع والدتها ثم فتحت تطبيق الفيس بوك وبدأت بتفحصه وفجأة رأت هاتفها يعلن عن مكالمة لرقم غير مسجل 
إستغربت لأنها قلما يرن أرقاما غريبة علي هاتفها ولكنها قررت أن تجيب
ثم ضغطت علي زر الإجابة وتحدثت بنبرة جادة قائلة
السلام عليكم ورحمه الله وبركاته مين معايا.
حمحم بصوته ورد قائلا بفرحة لسماعه صوتها
وعليكم السلام ورحمه الله إزيك يا آنسة مهرة أنا جواد العمري أخو سامي وهنا.
اڼصدمت الأخري وضړب وجهها ألوان الطيف واستغربت اتصاله ولكنها أجابت علي الفور بحدة وجدية
آه تمام عرفت حضرتك بس ياتري جبت رقمي منين أنا مش بدي رقمي لحد خالص
وأكملت بلوم 
_ أكيد أخدت الرقم من هنا مع إني قايلة لها متديش رقمي لحد خالص ومحذراها صح ولا أنا غلطانة 
رد عليها جواد بلطف شديد
أيوه أخدته منها بس متظليمهاش أنا اتحايلت عليها كتير علشان تديهولي ومكنتش راضية ولولا أنها واثقة فيا إني مش هتضايقك مكانتش ادتهولي .
إستمعت لمبرراته ثم قالت بجدية وتساؤل
آمال حضرتك بتتصل عليا ليه يعني إيه سبب المكالمة 
أجابها بصوت هادئ ونبرة صادقة قائلا
_بصراحة كنت عايز أتعرف عليكي وأتكلم معاكي
شوية ومتقلقيش مش هضايقك كتير مكالمة بسيطة أعرفك عليا وتعرفيني عليكي وإللي فيه الخير يقدمه ربنا.
تهجمت ملامحها بشدة وردت عليه بنبرة حادة
_إنت إزاي تسمح لنفسك ترن عليا وتطلب مني نتعرف علي بعض إنت فاكرني إيه ها
واستطردت حديثها بنبرة ملامة وتساؤل
_إحنا مفيش بنا أي علاقة شرعية تخليك ترن عليا أصلا مش نتعرف على بعض أنا مش من نوعية البنات دي خالص .
تقبل حديثها بترحاب وسعة صدر بل كان متوقعا منها نفس الرد ولم يندهش فهو بنظرة خبير علم أنها ليست من نوعية الفتيات اللاتي تلهوا في الأحاديث مع الشباب نعم سيماهم علي وجوههم وهو خير من يعرف نوعية الفتيات استمع إليها ثم أجابها بدهاء ومكر
_ أنا آسف جدا والله ياآنسة مهرة إن كان اتصالي ضايقك وحاشا لله إني أفتكرك زي مابتقولي ولا أنا من الشباب إللي بتتصل علشان تعاكس أو تضيع وقت 
أنا مقصدي خير وكنت متصل أسألك سؤال واحد هيفرق معايا كتيييييير ممكن أسأله وتجاوبيني وبعد كده هقفل مش هطول 
أجابته بإحترام وجدية مختصرة قائلة
_اعتذارك مقبول اتفضل يا أستاذ جواد أسأل سؤالك علطول علشان مش هقدر أطول مع حضرتك كتير علي التليفون.
لانت ملامحه كثيرا ثم سألها بفطنة
_ممكن أعرف ياآنسه مهرة إنتي مرتبطة أو لأ معلش مش حابب أقدم علي خطوة جادة قبل ما أتأكد من إجابة السؤال ده .
خجلت جدا من سؤاله ولكنها أجابته سريعا بأدب واختصار شديد
_ لأ ياأستاذ جواد مش مرتبطة ولا أنا من نوعية البنات إللي ممكن ترتبط بشخص وتتكلم معاه وتجاريه 
وبالمختصر أنا مش من نوعية البنات إللي بتمشي مع شباب أيا كانت الأسباب 
الارتباط بالنسبة لي علاقة شرعية تليق بيا وباللي رباني وأظن والدة حضرتك قالت لك إني مش مخطوبة وطالما مش مخطوبة يبقي مش مرتبطة 
وآسفه مضطرة أقفل مع حضرتك حالا سلااااام.
وأغلقت الهاتف سريعا دون أن تنتظر سلامه أو أن يكمل باقي حديثه واضعة يدها على صدرها تهدأ من هول الموقف مع أنها وضعت في مواقف مشابهة مثل تلك بل وأكتر الا أن تلك المرة مختلفة فلقد كان قلبها يدق بوتيرة سريعة وعالية لما هي لاتدري !
ثم حدثت نفسها قائلة
_ مابك يافتاة اهدئي مابك ياقلبي تدق سريعا وكأن دقاتك تقرع كطبول عالية مابك ياجسدي ترتعش وكأنك في ليلة شتاء شديدة الصقيع