اسكريبت جميل جدا للكاتبة مشيرة محمد

تمشى تروحى فين. 
موده. هروح لشمس معادها قرب. 
جاسر. طيب خليكى انتى خلصى اللى وراكى وانا هروح اجبها واجى ونرجع سوا. 
موده. ياريت تسلم ربنا يخليك لينا. 
جاسر بتريقه. ربنا يخليك لينا ده اللى بخده منك مافيش حضڼ بوسه اى حاجه من اللى بتبل الريق دى. 
موده ضحكت بصوتها كله على طريقته. 
جاسر. اللهم صلى على النبي لاا انا همشى قبل ما اتهور سلام. 
موده تابعت خروجه بابتسامه على وشها وفرحه فى قلبها من وجود جاسر فى حياتها.
عند شمس 
جاسر واقف مستنى شمس ولما شافته راحت بلهفه عليه. 
شمس. امى وينها چرلها ايه ومچاتش ليه. 
جاسر. الناس تقول سلام عليكم الاول 
شمس. سلام بس امى مالها. 
جاسر. ياستى ماما كويسه جدا انا بس جتلك علشان عندها شغل ولا انتى مش حابه انى اوصلك. 
شمس اتحرجت. لاه مقصديش بس يعنى قلقت لما ملقتهاش. 
جاسر. اركبى يلا خلينا نروحلها. 
شمس. والله انى ما عارفه امى غاويه تعب ليه قولتلها عادى اروح واچى لحالى لكن هى راكبه راسها ولازما تاچى كانى عيله صغيره. 
جاسر. بصراحه هى عندها حق انتى يتخاف عليكى ياشمس بنوته قمر زيك ماينفعش تتساب لوحدها. 
شمس اتكسفت وماردتش. 
جاسر. بس غريبه اوى ياشمس تمسكك بلهجتك الصعيديه دى مع العلم كتير كتير اوى دلوقتى بيتخلى عنها. 
شمس. عنديك حق بس امى علمتنى ان اللى يقلع جذوره يبقلوش اساس واقل نسمة هوا تطيره وان والحچات الصغيره بتجر وراها الحچات الكبيره. 
جاسر. ايوه بس برضو انك تتعايشى وتتكيفى فى المكان اللى انتى عايشه فيه ده شئ مطلوب وعلى راى المثل 
.
اذا كنت فى روما افعل مثلما يفعل اهل روما. 
شمس ضحكت. بس احنا فى الصعيد بردك ومافرقتش كتير من ريف الصعيد عن مدينته. 
جاسر. طيب ايه رايك نشرب حاجه قبل مانروح. 
شمس. لاه امى تقلق عليا . 
جاسر بص لشمس وطبطب على اديها. مش معقول تخاف عليكى وانتى معايا ولا وايه. 
شمس شدة اديها وقالت. معلش انا عايزه اروح. 
جاسر بنفس البصه. اللى تؤمر بيه اميرتنا يتنفذ طبعا. 
ساق جاسر العربيه ووصل على البيت هو وشمس ولمل دخلو طبعا كانت موده مش موجوده. 
شمس دخلت تنده. امه اني چيت اهه يام شمس.. واه فينها دى. 
جاسر قرب من شمس بهزار ومسك دراعها وشدها عليه وقال. مالك يا شموسه بتندها ولا كانك عيله لسه بشويش يمكن لسه ما وصلتش. 
شمس سحبت دراعها. ايوه شكلها كده انى هكلمها. 
جاسر ارتبك. خليكى انتى غيرى هدومك وانا هكلمها. 
جاسر علم نفسه ناسى وطلب
موده اللى ردت بلهفه . الو.. ايه ياچاسر التأخير ديه انتو فين اتصلت كتير فونك مقفول وكمان شمس. 
جاسر بتناسى. حبيبتى نسيت خالص اننا اتفقنا انى هعدى عليكى او يمكن علشان تعبان شويه فامركزتش. 
موده باهتمام. تعبان فيك ايه وشمس فين. 
جاسر. ياستى شمس هنا فى اوضتها اطمنى ها تيجى ولا اجيلك اخدك. 
موده. لاه لاه خليك انى جايه سلام عليكم. 
قفل جاسر وعينه على اوضة شمس وافتكر كلامه مع صاحبه بان الموضوع كبر واتطور اكتر من اى مره عدت.
فلاش باك
فى كافيه جاسر ونبيل قاعدين. 
جاسر. مش عارف... مش عارف يانبيل مش عارف اسلك معاها يابنى صعيديه ودماغها مقفله ومش زى اللى قبلها خالص. 
نبيل يعنى ايه العمليه باظت ولا ايه لا اوعى دا هى دى اللى هترفعنا لفوق. 
جاسر. ياعم اهدى ما قولتش باظت بقول صعبه والوصول ليها اصعب. 
نبيل بخبث. امممم طيب مانجرب حاجه تانيه يمكن تاكل معاها. 
جاسر باهتمام. حاجة ايه دى
نبيل . القلب يا قلب القلب ادخلها من ناحية القلب. 
جاسر بعصبيه. ياابنى انت حمار بقولك مالهاش فى المحڼ ده ولا ليها المياصه دى وبعدين دى رافضه الجواز من وقت ما اترملت واهى بنتها قربت تدخل الجامعه تقولى انت قلب ومحڼ وكلام فارغ لا لا دى عايزه سكه تانيه وتخطيط تانى. 
نبيل باصرار. طيب اسمع انت منى بقا واحده زى دى عايشه حالة حرمان لما يدخل حياتها راجل يحسسها بانوثتها و يعوضها اللى عاشته سنين لوحدها ويفكرها بانها ست وهى زى ما انت بتقول حلوه تبقى الطريقه دى هتجيب معاهاو هنا دورك بقا يا حلو اظهر انوثتها حسسها انها مرغوبه انها مهما رفضت انت متمسك بيها وكل ما تقدر تخرج الانثى اللى جواها هتقرب منها وتتمكن من قلبها ولو اتمكنت من قلبها يبقى مبروك عليك عقلها ومبروك علينا الصفقه الجديده وبعدين عيب فى حقك لما انا اقولك الكلام ده دانت دنجوان من يومك. 
جاسر بتفكير. تفتكر يا نبيل. 
نبيل. جرب مش هتخسر حاجه.
باك. مشيره محمد
جاسر لنفسه. وبعدين ياجاسر اللى بتفكر فيه ده هيوصلك لفين وياترى صح ولا هتعكها وتبقى طبلت على دماغك.
لالا ولا هتتعك ولا حاجه ماهى الزفته دى عامله زى الخزنه المتقفله من كل ناحيه لازم تتقرص قرصه توجعها علشان تفتح الخزنه دى وبعدين لا الحب ولا الجواز جاب نتيجه يبقى نجازف ونجرب طريقه تانيه. 
وبابتسامه خبيثه قال. وبصراحه المجازفه هنا تستاهل.
خرج من تفكيره على صوت موده اللى دخلت لحد عنده وهو فى عالم تانى. 
موده. چاسر... چاسر
جاسر بخضه. موده حبييتى جيتى امتى معلش سرحت شويه. 
موده بحب. سرحان ولا تعبان. 
جاسر وقف وحضن موده. لا ياحبيبتى انا جعان مش تعبان وغير انك وحشتينى كمان. 
موده ابتسمت. عيونى حالا الاكل هيجهز. 
جاسر رجع شد موده ليه تانى. تعالى بس عايزك فى موضوع مهم. 
موده. طيب هطمن على شمس واحضر الغدا ونتكلم ايه رايك. 
جاسر هز دماغه وسكت .
فى اوضة موده وجاسر. 
موده. خير كنت عاوز تقول حاچه ايه هى 
جاسر. كنت عايزك توافقى على الصفقه اللى اتكلمنا فيها قبل كدا دى هتنقلنا نقله تانيه خالص يا موده وصدقينى انا لو كان معايا اللى يغطى الصفقه دى كنت دخلتها لوحدى وبرضو كنت هحطك شريك من غير ما تدفعى ولا مليم. 
موده. كنك واثق من نچاحها قوى اكده. 
جاسر بلهفه. اوى اوى يا موده دانا هدخل فيها بكل اللى معايا. 
موده. بس ديه خطړ كبير وراجل الاعمال الصوح ما يچازفشى اكده فى عمليه واحده. 
جاسر. راجل الاعمال لازم يبقى قلبه جامد والا مش هيشتغل ولا هيكبر. 
موده بحيره. إيوه يعنى انى مطلوب منى ايه دلوك. 
جاسر لما حس منها اللين حب يلعب على وتر القلب وما يبينش انه ملهوف انه ياخد الفلوس اللى معاها فقرب منها وحضن وشها بايده وقال. 
جاسر. دلوقتى مش مطلوب منك غير انك تسبيلى نفسك احب فيكى شويه واشبع من عيونك اللى محروم منها طول النهار ومن حضنك اللى متحرم عليا بره الاوضه دى سبينى اوريكى اد ايه انا مشتاقلك واد ايه انتى وحشانى. 
قرر جاسم انه ياجل الكلام للصبح عشان يتمكن اكتر واكتر من موده. والصبح فتحت موده عيونها كانت فى حضڼ جاسر فضلت تتامله بحب وهى مش مصدقه السعاده اللى عايشه معاه فيها 
جاسر فتح لقاها بصاله فقال. صباااح الجمال والانوثة صباح كل حاجه حلوه. 
موده اتكسفت ولسه هتقوم شدها جاسر من تانى لوصلة حب جديده قاصد منها يسيطر عليها وتأمن ليه.
وعلى الفطار جاسر اتكلم. ها ياقلبى هتحولى الفلوس امتى. 
موده. فلوس ايه دى 
جاسر. الفلوس اللى اتكلمنا فيها امبارح ومن مده كمان. 
موده. بصراحه اكده يا جاسر انى قلبى ما مستريحشى
للموال ديه خلينى