اسكريبت جميل جدا للكاتبة مشيرة محمد
اكده على كدى.
جاسر الڠضب اتملك منه بس حاول يسيطر عليه بقدر الامكان. ماشى يا موده براحتك وبص لشمس وقال. يلا ياشمس خلينى اوصلك فى طريقى.
موده. اصبر اشوى انى جايه امعاكم كمانى.
جاسر بحزم. معلش عندى مشوار مهم هعمله.
شمس. طيب خلاص انى هروح ويا امى خليك انت لمشوارك.
جاسر. لا لا مشوارى فى طريقك يلا علشان ما نتاخرش هسبقك اجهز العربيه وانتى اجهزى بسرعه.
ايوه يانبيل... لامانفعش... هعمل ايه
يعنى هضربها على اديها خلاص اصرف نظر.
نبيل. ااه قولتلى بقا لا ده واضح كدا ان المزه دخلت دماغك واستحليت الموضوع بس ما تحلمش انى اخليك تتهنى لوحدك وتاكل التورتايه كلها دانا اخربها على دماغك انت فاهم.
قفل معاه وشمس كانت قربت منه.
شمس. معلهش اتاخرت عليك.
جاسر بهدوء. ولا يهمك ياشموسه انتى القمر بتاعنا والقمر الكل بيستنى يهل عليه يلا بينا.
شمس اتكسفت. واه كنك بتشعر ولا ايه.
جاسر. الشعر للى يستاهلو بس ويلا اركبى هنتأخر.
اختلف وصلت انه مسك ايد شمس وهما بيضحكوا.
شمس سحبت اديها من جاسر اللى بصلها بطريقه اتعودت عليها منه فى الفتره الاخيره بس كانت بتكدب نفسها بس تقريبا كدا اتاكدت منه.
جاسر. احم احم على فكره انا عندى هديه حلوه ليكى ما اعرفش ليه حسيت انها مش هتليق غير عليكى.
جاسر ضحك. عايزه تشوفيها يعنى
شمس. واه مش بتقول انها عشانى عاد يبقى ايه.
جاسر وقف العربيه ومد ايده جاب علبه من ورا وادها لشمس اللى فتحتها بلهفه واټصدمت لما شافت اللى فيها...
ايه اللى فى العلبه
وجاسر عايز ايه من شمس
وهيتصرف ازاى مع موده
استنونى.
فى قلبه موده
البارت الثانى
مشيره محمد
لسه هتفتح العلبه اتفاجأت باللى شافته جاسر مسك اديها تاني وحضنهم بحميميه وكان قاصد ده وبصلها بمغزى وهو بيقول.
جاسر. لا انا عايزك تفتحيها وانتى لوحدك وبعدها قوليلى رايك فى ذوقى.
شمس سحبت اديها باحراج وضيق بس حاولت تتغاضى وتبان طبيعيه وقالت. طيب انى ما ينفعشى اخودها معاى النهار كلاته دانى لو مفتحتهاشى بيدى البنته هيفتحوها يبقى ايه.
شمس سالته. هى امى مهتجيشى انهرده.
جاسر . اانا وهى واحد ولا انتى مش حابه اجيلك انا.
شمس. لاه ماقصديش.
جاسر. بس لعلمك لو هى جاتلك انا هبقى اطلعهالك بنفسى وياريت تخلى الهديه دى سر بينى وبينك ممكن.
شمس بحيره. ليه يعنى فيها ايه العلبه دى.
جاسر بصلها. ماتستعجليش يلا وصلنا انزلى علشان ما تتاخريش.
بعد ما شمس نزلت جاسر راح لنبيل اللى اول ما شافه قال.
اهلا بالدنجوان.
جاسر بعصبيه. نبيل مش نقصاك وقولت انا مش ساكتوبشوف طريقه تانيه.
نبيل بعصبيه اكتر. انت مش ملاحظ ان دى العمليه الوحيده اللى خدت الوقت ده كله دى وصلت للجواز يا جاسر هى البت احلوت فى عينك باين وشكلك عايز تلعب لوحدك بس ده بعدك انت فاهم فيها يا اخفيها.
جاسر بصله پغضب. ما تكتم بقا وخلينا نفكر فى حل احسن من الهرتله اللى انت عمال تقولها دىافهم الوليه مش عايز تشارك فى مشروع من المشاريع اللى عرضتها عليها ومع كل الاغراءات اللى قدمتها ليها اغراءات تخلى اى حد يطمع الا هى مافيش خالص.
ياابنى دى حتى لما تعبت وكنت بدالها فى الشركه ولمحتلها بالتوكيل رفضت بشكل غير مباشر الوليه مش مامنه لاى حد.
نبيل. وهو ده ما كانش باين من الاول يا جاسر.
جاسر. وافرض بس الوضع اتغير وبقت مراتى كنت فاكر انى هقدر اسيطر عليها.
نبيل. طيب والحل هتعمل ايه دلوقتى ياجوز الست.
جاسر. اتلم وفكر معايا فى حل بدل النقوره دى ولعلمك هى عارفه انى عندى شركتى وشغلى يعنى عمرى ماكنت فى نظرها جوز الست يا متخلف.
نبيل. طيب وبعدين فى وقف الحال ده عايزين نشتغل.
جاسر قعد ومدد رجله على كرسى قدامه وكانه بيفكر وقال.
فى سكه تانيه هنجربها خلينا نشوف هتنفع ولا لا.
نبيل باهتمام. طييب رسينى هتعمل ايه وانا دورى معاك ايه ولا برضو هتنفذ لوحدك.
جاسر. وهو انا كنت لوحدى يا نبيل ما احنا مخططين لكل حاجه سوا زى كل عمليه بنعملها اه المره دى مختلفه بس العمليه تستاهل وخصوصا انها ست مش راجل وبطولها يعنى اجلا او عاجلا هنعرف نقلبها بس انت اصبر لما انفذ اللى فى دماغي.
نبيل. طيب والعمليه الجديده.
جاسر. لا اتقل شويه علشان لو العمليه دى تمت هنعدى وهنعدى بالجامد اوى بس انت سبنى اخطط لها كويس وخليك جاهز علشان هحتاجك.
نبيل. طيب رسينى وقولى اجهز ازاى وامتى
جاسر. تجهز امتى دى خليها لوقتها بس خليك دايما جاهز انما بقا ازاى انا هقولك.
وابتدى جاسر يشرح اللى ناوى يعمله واللى هيخلى موده تسلم وتنفذ اللى هيطلبه منها ويقدر ياخد منها كل اللى عندها وكفايه بقا الوقت اللى ضيعه معاها.
فى البلد.
جبران كان راجع من بره.
سلام عليكم.
فاطمه. وعليكم السلام عوجت اكده ليه ياجبران.
جبران. كت فى الجمعيه الزراعيه وكان فيه لجنه تفتيش هناك اتاخرنا كلاتنا بسببها.
فاطمه. خير فى حاچه ولا ايه
جبران. طيب روحى اعملى كوباية شاى تقيل يا فاطنه فى الاول لجل دماغى هطرشج من اللى سمعته انهرده وتعالى.
فاطمه. خير ياخوى سمعت ايه كفا الله الشړ.
جبران. يا وليه بقولك اعملى الشاى اما وليه مخبله صح.
فاطمه طيب كلك لقمه فى الاول شاى ايه ديه وانت على فطارك وما دوقتش طعم الزاد.
جبران لاه ماليش نفس وقومى اعملى الشاى يا امتا هدخل اتخمد ونفضوها
فاطمه. واه حاضر قوام اهه من عنيا بس والله شغلت بالى يا چبران.
فاطمه بسرعه جابت الشاى ودخلت بيه اوضتها هى وجبران اللى قاعد سرحان ومهموم.
فاطمه دخلت . الشاى يا جبران اتفضل صحه وعافيه على بدنك قولى بقا يا خوى ايه اللى سمعته ومخربط حالك اكده
جبران بص لفاطمه وقال. هو انى غلطت لما سبت موده تعيش لحالها فى البندر يا فاطنه
فاطمه. موده ماهياش صغيره وعاقله ومخها يوزن بلد ما يتخافش عليها وكمانى دى شغلها ورزقها ورزق بتها وكل واحد بيجرى على رزقه.
جبران. بس هى ان راحت ولاجت مره واحدانيه ومعاها بن كمانى انا ماخبرش كيف اتخطيت الاصول والعوايد والتقاليد وسبتها تعيش من غير راجل وكمانى فى بلد غريبه ولما ان الاوان انها تتجوز كمان اتجوزت راجل لا مننا ولا من توبنا.
فاطمه بقلق. مالك ياجبران ايه اللى جد بعد السنين دى كلاتها حوصل ايه بس طمن قلبى يا خوى موده جرلها حاجه سمش بخير.
جبران. انى كنت فى الجمعيه الزراعيه إنهرده وقابلت مهندس زراعى من ضمن اللچنه اللى جايه يتفتش هو من الاساس من حدانا اهنه من البلد بس قاعد هو كمانى فى البندر هو كد موده فى السن وكان معاها فى المدرسه .
فاطمه. منتبهه اوى وبتسمعه والقلق
مسيطر عليها من سماع
